ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ବୁଗୁଡ଼ା ଥାନା ଅନ୍ତର୍ଗତ ବେତାର ସିଂ ଗ୍ରାମରେ ଜନୈକା ମହିଳାଙ୍କୁ ଦୁଷ୍କର୍ମ ଅଭିଯୋଗରେ ବୁଗୁଡ଼ା ଥାନା ଅନ୍ତର୍ଗତ ଖଦାଳ ସାହିର ଚନ୍ଦନ ନାଇକ ନାମରେ ଜଣେ ଯୁବକକୁ ବୁଗୁଡ଼ା ଥାନା ପୋଲିସ ଗିରଫ କରି କୋର୍ଟ ଚାଲାଣ କରିଛି।
ଘଟଣାରୁ ପ୍ରକାଶ ଯେ, ପୀଡିତା ମହିଳା ଜଣଙ୍କ ଉକ୍ତ ଖଦାଳ ସାହିରେ ବାହା ହୋଇଥିଲେ ଓ ସ୍ବାମୀ ସୁରତ୍ ରେ କାମ କରୁଥିବାରୁ ସେ ବାପ ଘର ବେତାର ସିଂ ରେ ରହୁଥିବା ପରିସ୍ଥିତିରେ ସମ୍ପର୍କୀୟ ଦିଅର ବେତାର ସିଂ ଗ୍ରାମକୁ ଆସି ବିଭିନ୍ନ ବାହାନା ଦେଖାଇ ଉକ୍ତ ମହିଳାଙ୍କୁ ଅସଦାଚରଣ ଓ ଦୁଷ୍କର୍ମ କରିଥିବା ବିଷୟରେ ମହିଳା ଜଣଙ୍କ ବୁଗୁଡ଼ା ଥାନାରେ ଅଭିଯୋଗ କରିଥିଲେ। ପୋଲିସ ଏତଲା ନଂ ୬୬୧୨୩ ଅନୁଯାୟୀ ମାମଲା ରୁଜୁ କରି ଅଭିଯୁକ୍ତ ଚନ୍ଦନକୁ ଗିରଫ କରି କୋର୍ଟ ଚାଲାଣ କରିଛି।
