ବ୍ରହ୍ମପୁର (କୈଳାଶ ଚନ୍ଦ୍ର ଚୌଧୁରୀ): ଗଞ୍ଜାମ ଜିଲ୍ଲା କୋଟିନଡା ଥାନା ଅନ୍ତର୍ଗତ ଖାରିଆ ଗ୍ରାମରେ ମଣ୍ଟୁ ନାୟକ ନାମକ ଜଣେ ଯୁବକ ନିଜ ଶ୍ଵଶୁର ଘରେ ବେକରେ ଦଉଡ଼ି ଦେଇ ଆତ୍ମହତ୍ୟା କରିଥିବା ଜଣାପଡିଛି। ମୃତ ମଣ୍ଟୁର ଘର ନିକଟସ୍ଥ ବୋଲସର ଗ୍ରାମ ହୋଇଥିବା ବେଳେ ସେ ଶ୍ଵଶୁର ଘରେ ରହୁଥିଲା। କିନ୍ତୁ କୌଣସି କାରଣରୁ ସେ ବେକରେ ଦଉଡ଼ି ଦେଇ ଝୁଲୁଥିବା ଦେଖି ଶ୍ଵଶୁର ପ୍ରାଣବନ୍ଧୁ ପ୍ରଧାନ କୋଟିନଡା ଥାନାରେ ଅଭିଯୋଗ କରିଥିଲେ ଓ ପୋଲିସ ଅଭିଯୋଗ ପାଇ ମଣ୍ଟୁକୁ ଘଟଣାସ୍ଥଳରୁ ଉଦ୍ଧାର କରି ଚିକିତ୍ସା ପାଇଁ ଆସ୍କା ଡାକ୍ତରଖାନାକୁ ନେଇଥିଲେ। କିନ୍ତୁ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
ପୋଲିସ ଶବ ଜବତ କରି ବ୍ୟବଚ୍ଛେଦ ପାଇଁ ପଠାଇବା ସହ ଘଟଣାର ତଦନ୍ତ ଆରମ୍ଭ କରିଛି। ଅନ୍ୟ ପକ୍ଷରେ ମଣ୍ଟୁର ବାପା ଶ୍ଵଶୁର ଘର ଲୋକେ ତାଙ୍କ ପୁଅକୁ ହତ୍ୟା କରିଛନ୍ତି ବୋଲି ଅଭିଯୋଗ କରିଛନ୍ତି।