ମା’ ଓ ଝିଅଙ୍କ ହତ୍ୟା କରି ଘରେ ପୋତି ଦେଇଥିଲା ଆସାମୀ

Published: Jul 22, 2020, 9:08 pm IST

ମିରଟ୍, ଏକ ଲୋମହର୍ଷଣକାରୀ ଘଟଣା। ଜଣେ ମହିଳା ଓ ତାର 10 ବର୍ଷର ଝିଅକୁ ହତ୍ୟା କରିବା ପରେ ଅଭିଯୁକ୍ତ ଦୁଇ ମୃତଦେହକୁ ନିଜ ଘରେ ପୋତି ସେଠାରେ ନିର୍ବିଘ୍ନରେ ବାସ କରୁଥଲା। ଏହି ଘଟଣା ପ୍ରାୟ ଚାରି ମାସ ତଳର ଅର୍ଥାତ ମାର୍ଚ୍ଚ 28ର।

ଶାମସାଦ ନାମକ ଅଭିଯୁକ୍ତ ସହିତ ମହିଳା ଜଣଙ୍କର ଲିଭ୍-ଇନ୍ ସମ୍ପର୍କ ରହିଥିଲା। ଜୁଲାଇ 14ରେ ପୀଡିତା ମହିଳାଙ୍କର ଜଣେ ବନ୍ଧୁଙ୍କ ଠାରୁ ସେ ନିଖୋଜ ଥିବା ଖବର ପାଇଥିଲା ପୋଲିସ। ବିଭିନ୍ନ ସ୍ଥାନରେ ଖୋଜାଖୋଜି ପରେ ପୋଲିସ ଶାମସାଦ ଘର ହତାରୁ ଦୁଇ ଜଣଙ୍କର କଙ୍କାଳ ଉଦ୍ଧାର କରିବା ପରେ ଘଟଣାର ରହସ୍ୟ ପଦାକୁ ଆସିଥିଲା।

ପାର୍ତ୍ତପୁର ଅଞ୍ଚଳରେ ଶାମସାଦଙ୍କ ସହିତ ବାନ୍ଧବୀ ମହିଳା ତାର ପୂର୍ବ ସ୍ବାମୀଠାରୁ ଜାତ ଝିଅ ସହିତ ପ୍ରାୟ 4 ବର୍ଷ ହେଲା ରହି ଆସୁଥିଲା। ବର୍ଷେ ହେଲା ଶାମସାଦ ମହିଳା ଜଣଙ୍କୁ ତାର ଧର୍ମ ପରିବର୍ତ୍ତନ କରିବାକୁ ଚାପ ଦେଇ ଆସୁଥିଲା। ହେଲେ ଏହାକୁ କେନ୍ଦ୍ର କରି ବିବାଦରୁ ଶାମସାଦ ଏଭଳି ନାରକୀୟ ଘଟଣା ଘଟାଇ ଥାଇପାରେ ବୋଲି ପୋଲିସ ସନ୍ଦେହ କରୁଛି।

Related posts