ମୁମ୍ବାଇ: ସୁଶାନ୍ତ ସିଂହ ରାଜପୁତ ମୃତ୍ୟୁ ମାମଲା ଏବଂ ଡ୍ରଗ୍ସ ଲିଙ୍କ ଅଭିଯୋଗରେ ବଲିଉଡରେ ବହୁ ଅଭିନେତ୍ରୀଙ୍କୁ ସମନ ଜାରି କରିଛି ନାର୍କୋଟିକ୍ସ କଣ୍ଟ୍ରୋଲ ବ୍ୟୁରୋ। ଦୀପିକା ପାଦୁକୋନଙ୍କୁ ସମନ ଜାରି କରିଛି ଏନସିବି। ସେପ୍ଟେମ୍ବର ୨୫ ତାରିଖରେ ଦୀପିକାଙ୍କୁ ହାଜର ହେବାକୁ ସମନ ଜାରି କରାଯାଇଛି। ଦୀପିକାଙ୍କ ପରି ଆଉ କିଛି ଅଭିନେତ୍ରୀଙ୍କୁ ସମନ କରିଛି ଏନସିବି। ସେମାନେ ହେଲେ ସାରା ଅଲ୍ଲି ଖାଁ, ଶ୍ରଦ୍ଧା କପୁର, ରକୁଲପ୍ରୀତ ସିଂହ ଓ ସିମୋନ ଖମ୍ବଟାଙ୍କୁ ମଧ୍ୟ ସମନ କରାଯାଇଛି। ଡ୍ରଗ୍ସ ଲିଙ୍କରେ ଏହି ଅଭିନେତ୍ରୀମାନଙ୍କୁ ଜେରା କରିବ ଏନସିବି। ସେପ୍ଟେମ୍ବର ୨୪ ରେ ହାଜର ହେବେ ରକୁଲପ୍ରୀତ ଏବଂ ସିମୋନ। ପୂର୍ବରୁ ଏନସିବି ଡ୍ରଗ୍ସ ଲିଙ୍କରେ ରିୟା ଚକ୍ରବର୍ତ୍ତୀଙ୍କୁ ଗିରଫ କରିଛି।
