ରାଜସ୍ଥାନ, ଆଜି ସକାଳେ ଡିଆଲାବ ପୋଖରୀରେ ଫେରାର ଥିବା ଜଣେ ବ୍ୟକ୍ତିଙ୍କ ମୃତଦେହ ପୋଲିସ ଜବତ କରିଛି। ତାଙ୍କ ନାମ ଦେବେନ୍ଦ୍ର ଶର୍ମା ବୋଲି ଜଣାପଡିଛି। ଗତ ବୁଧବାର ଦିନ ରାଜସ୍ଥାନର ରିଥାଲାଇ ଶିବ ମାର୍ଗରେ ଦେବେନ୍ଦ୍ରଙ୍କ ସ୍ତ୍ରୀ ଏବଂ ଦୁଇ ସନ୍ତାନଙ୍କ ବେକରେ ତୀକ୍ଷ୍ଣ ଅସ୍ତ୍ର ଦ୍ବାରା ହତ୍ୟା କରାଯାଇଥିଲା। ସେତେବେଳେ ପୋଲିସ ସ୍ବାମୀ ଦେବେନ୍ଦ୍ରଙ୍କୁ ଖୋଜୁଥିଲେ ମଧ୍ୟ ସେ ଫେରାର ଥିଲେ। ହେଲେ ଆଜି ତାଙ୍କର ମୃତ ଦେହ ପୋଖରୀରେ ଭାସୁଥିବାର ଦେଖିବାକୁ ମିଳିଛି। ପୋଲିସ ମୃତଦେହକୁ ଉଦ୍ଧାର କରି ପୋଷ୍ଟମର୍ଟମ ପାଇଁ ପଠାଇଛି।
ଜିଲ୍ଲା ପୋଲିସ ଅଧୀକ୍ଷକ କବିଚନ୍ଦ୍ର ସିଂ କହିଛନ୍ତି ଯେ ବୁଧବାର ରାତିରେ 37 ବର୍ଷୀୟ ନିତୁ ଶର୍ମା, ତାଙ୍କ ପୁଅ 13 ବର୍ଷର ଆର୍ଯ୍ୟନ୍ ଏବଂ 15 ବର୍ଷର ଝିଅ ଶ୍ୱେତାଙ୍କୁ ରିଥାଲାଇ ଶିବ ମାର୍ଗରେ ହତ୍ୟା କରାଯାଇଥିଲା। ଏହା ପରେ ମହିଳାଙ୍କ ସ୍ୱାମୀ ଦେବେନ୍ଦ୍ର ଶର୍ମା ଫେରାର ହୋଇଯାଇଥିଲେ। କିନ୍ତୁ ଶୁକ୍ରବାର ସକାଳେ ଦେବେନ୍ଦ୍ରଙ୍କ ମୃତଦେହ ସହରର ଡିଆଲାବ ପୋଖରୀରୁ ମିଳିଥିଲା। ପୋଲିସ ତାଙ୍କ ପରିବାର ଲୋକଙ୍କୁ ଡାକି ମୃତଦେହ ଚିହ୍ନଟ କରିଛି। ହତ୍ୟାକାଣ୍ଡର କାରଣ ଏପର୍ଯ୍ୟନ୍ତ ଜଣାପଡିନାହିଁ। ଦେବେନ୍ଦ୍ର ସ୍ତ୍ରୀ ଏବଂ ଦୁଇ ସନ୍ତାନଙ୍କୁ ହତ୍ୟା କରିବା ପରେ ସେ ଆତ୍ମହତ୍ୟା କରିଛନ୍ତି ବୋଲି ଅନୁମାନ କରାଯାଉଛି।
ସୂଚନା ଅନୁସାରେ, ରାଜସ୍ଥାନର ଝୋଲପୁରର ମେହେନ୍ଦ୍ରପୁର ନିବାସୀ ଦେବେନ୍ଦ୍ର ଶର୍ମା ବୃତ୍ତିରେ ଡ୍ରାଇଭର ଥିଲେ। ସେ ପରିବାର ସହିତ ଚାରି ବର୍ଷ ଧରି ଏକ ଭଡା ଘରେ ରହୁଥିଲେ। ଗୁରୁବାର ସକାଳେ ପତ୍ନୀ ନିତୁ ଶର୍ମା, ଝିଅ ଶ୍ୱେତା ଏବଂ ପୁଅ ଆର୍ଯ୍ୟନଙ୍କ ମୃତଦେହ ମିଳିଥିଲା। ପୋଲିସ ଘରୁ ଏକ ଛୁରୀ ମଧ୍ୟ ଉଦ୍ଧାର କରିଥିଲା। ଦୁଇ ପିଲାମାନଙ୍କୁ ଏତେ ନିର୍ଦ୍ଦୟ ଭାବରେ ହତ୍ୟା କରାଯାଇଥିଲା ଯେ ରକ୍ତ ସମଗ୍ର କୋଠରୀ ଭାସୁଥିଲା। ଏହି ମାମଲାରେ ସ୍ୱାମୀ ଦେବେନ୍ଦ୍ରଙ୍କ ବିରୋଧରେ ହତ୍ୟା ମାମଲା ରୁଜୁ ହୋଇଥିଲା। ହେଲେ ହତ୍ୟାକାଣ୍ଡର ପ୍ରକୃତ କାରଣ କଣ ତାହା ଜଣାପଡି ନାହିଁ ବୋଲି ପୋଲିସ କହିଛି।
