ଭୁବନେଶ୍ୱର, ଫରେଷ୍ଟପାର୍କ ନିକଟସ୍ଥ ଓଡ଼ିଶା ମଡ଼ର୍ଣ୍ଣ ଆର୍ଟ ଗ୍ୟାଲେରୀରେ ଆୟୋଜନ ହୋଇଥିଲା ପରିକ୍ରମା ଚିତ୍ରକଳା ପ୍ରଦର୍ଶନୀ । ତିନିଜଣ ପ୍ରମୁଖ ଚିତ୍ରଶିଳ୍ପୀ ସଞ୍ଜୟ ପଟ୍ଟନାୟକ, ପ୍ରଜେଶ ମହାପାତ୍ର ଏବଂ ଶୁଭଙ୍କର ତରଫଦାରଙ୍କ ମିିଳିତ ଅନୁଷ୍ଠିତ ହୋଇଥିଲା ଚିତ୍ରକଳା ପ୍ରଦର୍ଶନୀ ।
ଏହି ପ୍ରଦର୍ଶନୀକୁ କାଦମ୍ବିନୀର ସମ୍ପାଦିକା ଡଃ ଇତି ସାମନ୍ତ ପ୍ରଦୀପ ପ୍ରଜ୍ଜ୍ୱଳନ କରି ବିଧିବଧ ଭାବରେ ଉଦ୍ଘାଟନ କରିଥିଲେ । ଏଥିରେ ମୋଟ ୨୯ଟି କଳାକୃତୀ ସ୍ଥାନ ପାଇଥିଲା । ତନ୍ମଧ୍ୟରୁ ସଞ୍ଜୟଙ୍କ ୧୩ଟି ଚିତ୍ର ଯାହା ପାରମ୍ପରିକ ଶୈଳୀର ଚିତ୍ରରେ ଆଧୁନିକତାର ଛାପ ଦେଖିବାକୁ ମିିଳିଥିଲା । ଗାଢ ରଙ୍ଗର ପ୍ରୟୋଗ ଦ୍ୱାରା ଅଙ୍କିତ ଚିତ୍ର ଅତି ସୁନ୍ଦର ଦେଖା ଯାଉଥିଲା ।
ସେହିପରି ପ୍ରଜେଶ ମହାପାତ୍ରଙ୍କ ମୋଟ ୮ଟି ଚିତ୍ର ସ୍ଥାନ ପାଇଥିଲା ଶିଳ୍ପୀ ଯାହାକୁ ଧଳା ପେପରରେ ସେମି ଅବଷ୍ଟ୍ରାକ୍ଟ କାମ କରିଥିଲେ । ଶେଷରେ ଶୁଭଙ୍କର ତରଫଦାରଙ୍କ ୮ଟି ଚିତ୍ର ଯାହା ଆଧୁନିକ ଶୈଳୀରେ ଅଙ୍କିତ ଚିତ୍ରରେ ମନୁଷ୍ୟର ଛାପ ଓ ଜ୍ୟାମିତିକ ଶୈଳୀ ଦେଖିବାକୁ ମିଳିଥିଲା । ଏହି ଅବସରରେ ବିଶିଷ୍ଟ ଚିତ୍ରଶିଳ୍ପୀ ଶ୍ରୀ ମୀନକେତନ ପଟ୍ଟନାୟକଙ୍କୁ ସମ୍ବର୍ଦ୍ଧନା ଦିଆଯାଇଥିଲା । ଏହା ବ୍ୟତୀତ ବରିଷ୍ଠ ଚିତ୍ରଶିଳ୍ପୀ ଶ୍ରୀ ବାଞ୍ଛାନିଧି ପଟ୍ଟନାୟକ ମଧ୍ୟ ଉତ୍ସବରେ ଉପସ୍ଥିତ ଥିଲେ । ଏ ଚିତ୍ରକଳା ପ୍ରଦର୍ଶନୀକୁ ଦର୍ଶକମଣ୍ଡଳୀଙ୍କ ଦ୍ୱାରା ଉଚ୍ଚ ପ୍ରଶଂସିତ କରାଯାଇଥିଲା ।