ପୁରୀ: ପୁଣି ପୁରୀରେ ଅଭାବନୀୟ ଘଟଣା ଘଟିଛି। ଗୁଣ୍ଡିଚା ମନ୍ଦିରର ରୋଷଘର ଚୂଲି ଭାଙ୍ଗିଥିବା ସୂଚନା ରହିଛି। ୨୦ରୁ ଅଧିକ ଚୂଲି ଭାଙ୍ଗିଥିବା ସୂଚନା ମିଳିଛି। ଆଡପ ଅବଢା ପାଇଁ ତିଆରି ହୋଇଥିବା ଚୂଲିକୁ ଦୁର୍ବୃତ୍ତମାନେ ଭାଙ୍ଗିଦେଇଛନ୍ତି। କିନ୍ତୁ କୋଠଭୋଗ ଚୂଲି ସୁରକ୍ଷିତ ଥିବା ବେଳେ ଆଉ ବାକି ସବୁ ଚୂଲିକୁ ଦୁର୍ବୃତ୍ତମାନେ ଭାଙ୍ଗି ଦେଇଛନ୍ତି।
ଏହି ଘଟଣା ପରେ ଘଟଣାସ୍ଥଳରେ ଉପଜିଲ୍ଲାପାଳ ପହଞ୍ଚିଛନ୍ତି। ଏହାକୁ ନେଇ ତଦନ୍ତ ଆରମ୍ଭ କରାଯାଇଛି। ତେବେ ଏହି ସମୟରେ ଲକ୍ଷାଧିକ ଭକ୍ତ ମହାପ୍ରଭୁଙ୍କ ଦର୍ଶନ ପାଇଁ ରୁଣ୍ଡ ହୋଇଥିବା ବେଳେ ଆଡପ ଅବଢା ପାଇଁ ଚାହିଁବସିଛନ୍ତି। ତେଣୁ ଚୂଲିଗୁଡିକ କିପରି ଯଥାଶୀଘ୍ର ମରାମତି ହେଇପାରିବ ସେ ନେଇ ତତ୍ପରତା ପ୍ରକାଶ ପାଇଛି। ବର୍ତ୍ତମାନ ଚୂଲି ଗୁଡିକର ମରାମତି ଯୁଦ୍ଧକାଳୀନ ଭିତ୍ତିରେ ଆରମ୍ଭ କରାଯାଇଥିବା ଜଣାପଡିଛି।
