ନୂଆଦିଲ୍ଲୀ, ଗଣତନ୍ତ୍ର ଦିବସ ପୂର୍ବରୁ ଗୃହ ବିଭାଗ ତରଫରୁ ପଦ୍ମଶ୍ରୀ ପୁରସ୍କାର ଘୋଷଣା ହୋଇଛି। ଏଥିରେ 7 ଜଣଙ୍କୁ ପଦ୍ମବିଭୂଷଣ, 10 ଜଣଙ୍କୁ ପଦ୍ମଭୂଷଣ ଏବଂ 120 ଜଣଙ୍କୁ ପଦ୍ମଶ୍ରୀ ଭାବେ ମନୋନିତ କରାଯାଇଛି। ଭାରତର ସର୍ବଶ୍ରେଷ୍ଠ ପୁରସ୍କାର ହେଉଛି ଏହି ପଦ୍ମ ପୁରସ୍କାର। ଏହା ତିନୋଟି ପର୍ଯ୍ୟାୟରେ ଭାଗ କରାଯାଇଛି। ପ୍ରଥମ ପର୍ଯ୍ୟାୟରେ ହେଉଛି ପଦ୍ମବିଭୂଷଣ, ଦ୍ବିତୀୟରେ ପଦ୍ମଭୂଷଣ ଏବଂ ତୃତୀୟରେ ପଦ୍ମଶ୍ରୀ ପୁରସ୍କାର।
ଚଳିତ ବର୍ଷ ଯେଉଁ ସାତ ଜଣଙ୍କୁ ପଦ୍ମବିଭୂଷଣ ଭାବେ ମନୋନିତ କରାଯାଇଛି ସେମାନଙ୍କ ମଧ୍ୟରେ ଅଛନ୍ତି ଜାପାନର ପୂର୍ବତନ ପ୍ରଧାନମନ୍ତ୍ରୀ ସିହାଞ୍ଜୋ ଆବେ। ଏଥସହିତ ମରଣୋତ୍ତର ଭାବେ ପ୍ରଖ୍ୟାତ କଣ୍ଠଶିଳ୍ପୀ ଏସ ପି ବାଲଶୁଭ୍ରମନମ୍ ଅଛନ୍ତି। ସେହିପରି ଓଡିଶାର ପ୍ରଖ୍ୟାତ ସ୍ଥପତି ସୁଦର୍ଶନ ସାହୁ ମଧ୍ୟ ଅଛନ୍ତି।
ସେହିପରି ପଦ୍ମଭୂଷଣ ସମ୍ମାନ ପାଇଁ ଲୋକସଭାର ପୂର୍ବତନ ବାଚସ୍ପତି ସୁମିତ୍ରା ମହାଜନଙ୍କ ନାମ ମଧ୍ୟ ରହିଛି। ଜନସେବା ପାଇଁ ଆସାମର ପୂର୍ବତନ ମୁଖ୍ୟମନ୍ତ୍ରୀ ତରୁଣ ଗୋଗେଇଙ୍କ ନାମ ମଧ୍ୟ ରହିଛି। ପୂର୍ବତନ ମନ୍ତ୍ରୀ ସ୍ବର୍ଗତ ରାମବିଳାସ ପାଶ୍ବାନଙ୍କୁ ନାମ ମଧ୍ୟ ମରୋଣତ୍ତର ଭାବେ ପଦ୍ମଭୂଷଣ ସମ୍ମାନ ପାଇଁ ମନୋନିତ କରାଯାଇଛି।
ଗୁଜୁରାଟର ପୂର୍ବତନ ମୁଖ୍ୟମନ୍ତ୍ରୀ ସ୍ବର୍ଗତ କେଶୁଭାଇ ପଟେଲଙ୍କୁ ମଧ୍ୟ ମରୋଣତ୍ତର ପଦ୍ମଭୂଷଣ ସମ୍ମାନରି ସମ୍ମାନିତ ହେବେ। କ୍ରୀଡା କ୍ଷେତ୍ରରେ ସୁଧା ହରିନାରାୟଣ ସିଂ , କେ ୱାଇ ଭେଙ୍କେଟେଶ ଏବଂ ବିରେନ୍ଦ୍ର ସିଂଙ୍କୁ ମନୋନିତ କରାଯାଇଛି।
ଓଡିଶାରୁ ସୁଦର୍ଶନ ସାହୁଙ୍କ ପଦ୍ମବିଭୂଷଣ ସହିତ ଆଉ ପାଞ୍ଚଜଣ ପଦ୍ମଶ୍ରୀ ପାଇଁ ମଧ୍ୟ ମନୋନିତ ହୋଇଛନ୍ତି। ସେମାନେ ହେଲେ ସାହିତ୍ୟ ଓ ଶିକ୍ଷା ପାଇଁ ରଜତ କୁମାର କର ଏବଂ ନନ୍ଦ ପୃଷ୍ଟିଙ୍କୁ ପଦ୍ମଶ୍ରୀ ମିଳିବ। ସେହିପରି ସମାଜସେବା ପାଇଁ ଶାନ୍ତି ଦେବୀ, କଳା ପାଇଁ ପୂର୍ଣ୍ଣମାସୀ ଜାନିଙ୍କୁ ପଦ୍ମଶ୍ରୀ ମିଳିବ। ଔଷଧ ପାଇଁ ଡଃ. କୃଷ୍ଣ ମୋହନ ପାଠୀଙ୍କୁ ମଧ୍ୟ ପଦ୍ମଶ୍ରୀ ପୁରଷ୍କାର ପାଇଁ ଘୋଷଣା କରାଯାଇଛି।
