ପୁଣି ଥରେ ଅନିର୍ଦ୍ଦିଷ୍ଠ ସମୟ ପାଇଁ ବନ୍ଦ ହେଲା ସ୍କୁଲ, କରୋନା ଯୋଗୁଁ ରାଜ୍ୟ ସରକାର ଦେଲେ ନିର୍ଦ୍ଦେଶ

ଚେନ୍ନାଇ, କରୋନା ଭୟଭୟତା ପୁଣି ମାଡି ଆସିଛି। ଫଳରେ ପୁଣି ଥରେ ସ୍କୁଲ ବନ୍ଦ କରିବା ପାଇଁ ନିଷ୍ପତି କରିଛନ୍ତି ତାମିଲନାଡୁ ସରକାର। ଆସନ୍ତା 22 ତାରିଖଠାରୁ ଅନିର୍ଦ୍ଦିଷ୍ଠ କାଳ ପାଇଁ ସ୍କୁଲ ବନ୍ଦ କରିବାକୁ ନିର୍ଦ୍ଦେଶ ଦିଆଯାଇଛି।  ଏଥିରେ ନବମ, ଦଶମ ଏବଂ ଏକାଦଶ ଶ୍ରେଣୀ ବନ୍ଦ ହେବ ବୋଲି କୁହାଯାଇଛି। ପୂର୍ବରୁ ଅନ୍ୟ ଶ୍ରେଣୀଗୁଡିକ ବନ୍ଦ ରହିଛି। କେବଳ ବୋର୍ଡ ପରୀକ୍ଷା ପାଇଁ 12ଶ ଶ୍ରେଣୀ ଛାତ୍ରଛାତ୍ରୀ ସ୍କୁଲକୁ ଆସିବାକୁ ଅନୁମତି ଦିଆଯାଇଛି।

ତାମିଲନାଡୁରେ ବର୍ତ୍ତମାନ କରୋନା ଆକ୍ରାନ୍ତ ସଂଖ୍ୟା ବୃଦ୍ଧି ପାଉଥିବାରୁ ଏପରି ନିଷ୍ପତି ନିଆଯାଇଛି ବୋଲି ମୁଖ୍ୟ ଶାସନ ସଚିବ ରାଜୀବ ରଂଜନ କହିଛନ୍ତି। ତେବେ 12ଶ ଶ୍ରେଣୀର ଛାତ୍ରଛାତ୍ରୀମାନେ ପରୀକ୍ଷା ବେଳେ ମାସ୍କ ପିନ୍ଧିବା ଏବଂ ସାମାଜିକ ଦୂରତା ବଜାଇ ରଖିବା ପାଇଁ କୁହାଯାଇଛି। ଏଥିସହିତ ହଷ୍ଟେଲଗୁଡିକ ମଧ୍ୟ ବନ୍ଦ କରାଯିବ ବୋଲି ନିର୍ଦ୍ଦେଶ ଦିଆଯାଇଛି।

କରୋନା ପାଇଁ ତାମିଲ ନାଡୁରେ ସ୍କୁଲଗୁଡିକ ଅନିର୍ଦ୍ଧିଷ୍ଠ କାଳ ପାଇଁ ବନ୍ଦ ରହିଥିଲା। ଗତ ଜାନୁୟାରୀ ମାସ 19 ତାରିଖରୁ ବିଭିନ୍ନ ପର୍ଯ୍ୟାୟରେ ରାଜ୍ୟର ସ୍କୁଲଗୁଡିକ ଖୋଲିବାକୁ ନିର୍ଦ୍ଦେଶ ଦିଆଯାଇଥିଲା। ତେବେ ମାତ୍ର ଦୁଇ ମାସ ପରେ ପୁଣିଥରେ ସ୍କୁଲ ବନ୍ଦ କରିବା ପାଇଁ ରାଜ୍ୟ ସରକାର ନିଷ୍ପତି ଗ୍ରହଣ କରିଛନ୍ତି।