ଭୁବନେଶ୍ବର, ବାତ୍ୟା ୟଶ ଓଡିଶା ଉପକୂଳ ଛୁଇଁବ ବୋଲି ପୂର୍ବରୁ ସୂଚନା ରହିଥିଲା। ଲୋକମାନେ ଘରୁ ନ ବାହାରିବା ପାଇଁ ଲୋକମାନଙ୍କୁ ସଚେତନ ମଧ୍ୟ କରାଇଥିଲେ। ତଥାପି ଅନେକ ଅମାନିଆ କାହା କଥା ଶୁଣିବାକୁ ନାରାଜ। ପବନ ସମୟରେ ଜଣେ ବ୍ୟକ୍ତି ବୁଲୁଥିବାର ଦେଖି ଓଡିଆ ଚ୍ୟାନେଲ ନକ୍ଷତ୍ର ନ୍ୟୁଜ ରିପୋର୍ଟର ତାଙ୍କୁ ପ୍ରଶ୍ନ କରିଥିଲେ। ରିପୋର୍ଟରଙ୍କ ପ୍ରଶ୍ନ ଏବଂ ସେହି ଲୋକର ଉତ୍ତର ଯାହା ଥିଲା ତାହା ହେଲା
ରିପୋର୍ଟର- ବର୍ତ୍ତମାନ ପ୍ରବଳ ପବନ ପ୍ରବାହିତ ହେବ, ସରକାର ମନା କରିଛନ୍ତି ଘରୁ ନ ବାହାରିବା ପାଇଁ, ଆପଣ କାହିଁକି ବାହାରେ ବୁଲୁଛନ୍ତି ?
ଲୋକ- ଆପଣତ ବାହାରେ ବୁଲୁଛନ୍ତି ? ଆପଣଙ୍କୁ ଦେଖି ତ ଆମେ ବାହାରକୁ ବାହାରିଲୁ
ରିପୋର୍ଟର- ଆମେ ଲୋକଙ୍କୁ ଖବର ଦେଖାଇବୁ ବୋଲି ବାହାରେ ବୁଲୁଛୁ
ଲୋକ- କେମିତି ଦେଖାଇବେ ? ଆମେ ବାହାରକୁ ବାହାରିଲେ ସିନା ଆପଣ ଆମକୁ ଦେଖାଇବେ। ଆମେ ନ ବାହାରିଲେ ଆପଣ କଣ ଦେଖାଇବେ ? କାହାକୁ ପଚାରିବେ?
ଏହି ଘଟଣାଟି ଘଟିଛି ଧାମରାରେ, ଯେଉଁ ପାଖରେ ବାତ୍ୟା ସ୍ଥଳଭାଗ ସ୍ପର୍ଶ କରିଥିଲା। ଅମାନିଆଙ୍କର ଏପରି ଉତ୍ତର ଦେଖି ରିପୋର୍ଟର ବାଧ୍ୟ ହୋଇ ଅନ୍ୟ ଖବରକୁ ଚାଲିଯାଇଥିଲେ।
