ଭୁବନେଶ୍ବର, ଆଜି ପବିତ୍ର ରଥଯାତ୍ରାରେ ବିଜୁ ଜନତା ଦଳ ତାହାର ନୂଆ କାର୍ଯ୍ୟାଳୟର ଭିତ୍ତି ପ୍ରସ୍ତର ସ୍ଥାପନ କରିଛି। ଦଳର ସୁପ୍ରିମୋ ତଥା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିଜେଡି କାର୍ଯ୍ୟାଳୟରେ ଏହି ଭିତ୍ତି ପ୍ରସ୍ତର ସ୍ଥାପନ କରିଛନ୍ତି। ଏ ନେଇ ମୁଖ୍ୟମନ୍ତ୍ରୀ କହିଛନ୍ତି ଯେ,
‘ପବିତ୍ର ରଥଯାତ୍ରା ଅବସରରେ ଦଳର ନୂତନ କାର୍ଯ୍ୟାଳୟ ପାଇଁ ଭିତ୍ତିପ୍ରସ୍ତର ସ୍ଥାପନ କରିଛି। ଏହା ଓଡ଼ିଶାର ଲୋକଙ୍କ ପାଇଁ ସେବା ଓ ସମର୍ପଣର ପ୍ରତୀକ ହେବା ସହ ଓଡ଼ିଆ ସ୍ବାଭିମାନର ଜାଗ୍ରତ ପ୍ରହରୀ ଭାବରେ କାର୍ଯ୍ୟ କରିବ। ଓଡ଼ିଶାବାସୀଙ୍କ ସେବା ପାଇଁ ଏଠାରେ ରକ୍ତଦାନ ଏବଂ ଅନ୍ୟାନ୍ୟ ସାମାଜିକ କଲ୍ୟାଣ କାର୍ଯ୍ୟକ୍ରମ ଜାରି ରହିବ।’
ବର୍ତ୍ତମାନ କ୍ୟାପିଟଲ ହସପିଟାଲ ପଛପଟେ ଥିବା ବିଜେଡି କାର୍ଯ୍ୟାଳୟକୁ ନବେକଳେବର କରାଯିବ। ଏହି ଏକ ମହଲା ବିଶିଷ୍ଠ କାର୍ଯ୍ୟାଳୟକୁ 4 ମହଲା ବିଶିଷ୍ଠ କରାଯିବ ବୋଲି ଜଣାପଡିଛି। ଏକ କର୍ରପୋରେଟ ଅଫିସ ଢାଞ୍ଚାରେ ଏହାକୁ ନିର୍ମାଣ କରାଯିବ। ସେଥିପାଇଁ ଏକ ଡିଜାଇନକୁ ମନୋନିତ କରିଛନ୍ତି ମୁଖ୍ୟମନ୍ତ୍ରୀ ତଥା ଦଳର ସୁପ୍ରିମୋ ନବୀନ ପଟ୍ଟନାୟକ।
ଏହି କାର୍ଯ୍ୟାଳୟରେ ଏକ ବଡ କନଫ୍ରେନସ ରୁମ ରହିବ, ମିଡିଆ ସେଣ୍ଟର ରହିବ ଏଥିସହିତ ବିଭିନ୍ନ କାର୍ଯ୍ୟକର୍ତ୍ତାଙ୍କର ଚ୍ୟାମ୍ବର ମଧ୍ୟ କରାଯିବ। ବିଜେଡି ସୁପ୍ରିମୋଙ୍କ ମଧ୍ୟ ଏକ ସ୍ବତନ୍ତ୍ର ଚ୍ୟାମ୍ପର କରାଯିବାକୁ ନିଷ୍ପତି କରାଯାଇଛି। ବର୍ତ୍ତମାନ ଥିବା ଅଫିସକୁ ହଠାତ ନ ଭାଙ୍ଗି ପଛପଟେ ଥିବା ଖାଲିସ୍ଥାନରେ ଏହାର କାମ ଆରମ୍ଭ କରାଯିବ ବୋଲି ଦଳ ନିଷ୍ପତି କରିଛି।