ଭୁବନେଶ୍ବର, ଆଜି ଅପରାହ୍ନରେ ବସିଥିବା କ୍ୟାବିନେଟ ବୈଠକରେ ଏକ ଗୁରୁତ୍ବପୂର୍ଣ୍ଣ ନିଷ୍ପତି ଗ୍ରହଣ କରାଯାଇଛି। ତାହା ହେଲା ଭୁବନେଶ୍ବରର ଘାଟିକିଆରେ ଥିବା ସିଇଟି କଲେଜକୁ ଏକକ ବିଶ୍ବବିଦ୍ୟାଳୟ ମାନ୍ୟତା ପ୍ରଦାନ କରାଯାଇଛି। ଏଥିସହିତ ଏହାର ନାମ ପରିବର୍ତ୍ତନ କରାଯାଇ ଓଡିଶା ଟେକ୍ନୋଲୋଜି ଏବଂ ଗବେଷଣା ବିଶ୍ୱବିଦ୍ୟାଳୟ ବା OUTR ରଖାଯାଇଛି।
ଏ ସଂପର୍କରେ ଆଜି ସରକାରଙ୍କ ବୈଷୟିକ ଶିକ୍ଷା ବିଭାଗ ଏକ ପ୍ରସ୍ତାବ ଆଣିଥିଲା। ଏଥିରେ CET କଲେଜୁ ଏକ ଅଣ ଅନୁବନ୍ଧିତ ଏକକ ବିଶ୍ବବିଦ୍ୟାଳୟ କରିବା ପାଇଁ କ୍ୟାବିନେଟ ଆଗରେ ପ୍ରସ୍ତାବ ରଖିଥିଲେ। ଏଥିରେ ଏହି ବିଶ୍ବବିଦ୍ୟାଳୟ ନାମକୁ ପରିବର୍ତ୍ତନ କରି ଓଡିଶା ଟେକ୍ନୋଲୋଜି ଏବଂ ଗବେଷଣା ବିଶ୍ୱବିଦ୍ୟାଳୟ ବା OUTR ରଖିବା ପାଇଁ କହିଥିଲେ। ସେହି ଅନୁସାରେ କ୍ୟାବିନେଟ ତାହାକୁ ମଂଜୁର କରିଛନ୍ତି।
ଏପରି କରାଯିବା ପରେ ଏଥିରେ ସ୍ନାତକ ସ୍ନାତକୋତ୍ତର ଏବଂ ପିଏଚଡିରେ ଛାତ୍ରଛାତ୍ରୀ ନାମ ଲେଖାଇପାରିବେ। ଏଥିସହିତ ବୈଶୟିକ, ପ୍ରଯୁକ୍ତିବିଦ୍ୟା ଏବଂ ଇଂଜିନିୟରିଂ କ୍ଷେତ୍ରରେ ନୂଆ ଗବେଷଣା କରିବା ପାଇଁ ଛାତ୍ରଚାତ୍ରୀ ସୁଯୋଗ ପାଇପାରିବେ। ଏହି ସିଇଟି କଲେଜଟି ବର୍ତ୍ତମାନ ବିଜୁ ପଟ୍ଟନାୟକ ବୈଷୟିକ ଶିକ୍ଷା ବିଶ୍ବବିଦ୍ୟାଳୟ ଅଧିନରେ ରହିଛି।