ଶେଷରେ ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେଲେ କ୍ୟାପେଟନ , ଏହାପରେ ସେ କଣ କହିଲେ ଜଣନ୍ତି କି ?

ନୂଆଦିଲ୍ଲୀ : ବିଧାନସଭା ନିର୍ବାଚନ ପୂର୍ବରୁ ପଞ୍ଜାବ କଂଗ୍ରେସରେ ଚାଲିଥିବା ଅଶାନ୍ତି ମଧ୍ୟରେ ମୁଖ୍ୟମନ୍ତ୍ରୀ କ୍ୟାପଟେନ ଅମରିନ୍ଦର ସିଂ ନିଜ ପଦରୁ ଇସ୍ତଫା ଦେଇଛନ୍ତି। ସେ ରାଜ ଭବନ ଯାଇ ରାଜ୍ୟପାଳ ବନୱାରିଲାଲ ପୁରୋହିତଙ୍କ ନିକଟରେ ଇସ୍ତଫା ଦାଖଲ କରିଛନ୍ତି।

ଇସ୍ତଫା ପରେ କ୍ୟାପଟେନ ସିଂ କହିଛନ୍ତି ଯେ ମୁଁ ସୋନିଆ ଗାନ୍ଧୀଙ୍କୁ ସକାଳେ କହିଥିଲି ଯେ ମୁଁ ଇସ୍ତଫା ଦେଉଛି।  ପିତାଙ୍କ ଇସ୍ତଫା ସମ୍ପର୍କରେ ସିଂଙ୍କ ପୁଅ ରଣନ୍ଦର ସିଂ ମଧ୍ୟ ଟ୍ୱିଟ୍ କରିଛନ୍ତି।

କ୍ରୋଧିତ ସ୍ୱରରେ କ୍ୟାପଟେନ କହିଛନ୍ତି ଯେ ଦୁଇ ମାସ ମଧ୍ୟରେ ବିଧାୟକଙ୍କ ତିନିଟି ବୈଠକ ଅନୁଷ୍ଠିତ ହୋଇଥିଲା। ସେ କହିଛନ୍ତି ଯେ ତୃତୀୟ ଥର ପାଇଁ ବିଧାୟକଙ୍କ ସହ ଆଲୋଚନା ଚାଲିଛି। ସିଂ କହିଛନ୍ତି ଯେ ମୋତେ ଅପମାନ କରାଯାଇଛି।

ସେ କହିଛନ୍ତି ଯେ ମୋତେ ସରକାର ଚଳାଇବା ନେଇ ସନ୍ଦେହ କରାଯାଉଛି।  ହାଇ କମାଣ୍ଡ ଯାହାକୁ CM କରିବାକୁ ଚାହୁଁଛନ୍ତି କରନ୍ତୁ, ମୁଁ କିନ୍ତୁ ଆଉ CM ରହିବି ନାହିଁ ବୋଲି କ୍ୟାପେଟନ କହିଛନ୍ତି। ତେବେ ଭବିଷ୍ୟତ ରାଜନୀତି ପାଇଁ ମୁଁ ମୋର ସହକର୍ମୀମାନଙ୍କ ସହ କଥା ହେବି ବୋଲି ସେ କହିଛନ୍ତି।

ଇସ୍ତଫା ଦେବା ପୂର୍ବରୁ ମଧ୍ୟ ସିଂ କହିଥିଲେ ଯେ ଏହି ପଦରୁ ହଟାଇବା ମୋ ପାଇଁ ଅପମାନ ହେବ। ତେବେ ସେ ଭିତର ମୁଁ ଇସ୍ତଫା ଦେଲି। ମୁଁ ବର୍ତ୍ତମାନ କଂଗ୍ରେସରେ ଅଛି, କିନ୍ତୁ ମୋର ରାସ୍ତା ଖୋଲା ଅଛି। ମୁଁ ସମସ୍ତ ବିକଳ୍ପଗୁଡ଼ିକୁ ବିଚାର କରିବି ବୋଲି କ୍ୟାପେଟନ କହିଛନ୍ତି।

ଆଜି ସଂଧ୍ୟାରେ ଚଣ୍ଡିଗଡ଼ରେ ଅନୁଷ୍ଠିତ ହେବାକୁ ଥିବା ବିଧାୟକ ବୈଠକରେ ନୂତନ ମୁଖ୍ୟମନ୍ତ୍ରୀଙ୍କ ନାମ ଘୋଷଣା କରାଯିବ ବୋଲି ଜଣାପଡିଛି। ତେବେ ନୂତନ ନେତା କ୍ୟାପଟେନ ସିଂ କିମ୍ବା ପଞ୍ଜାବ କଂଗ୍ରେସ ସଭାପତି ନବଜୋତ ସିଂ ସିଦ୍ଧୁଙ୍କ ସମର୍ଥକ ହେବେ କି ନାହିଁ ତାହା ସ୍ପଷ୍ଟ ହୋଇନାହିଁ।