ନୂଆଦିଲ୍ଲୀ: ଯଦି ଆପଣ ମଧ୍ୟ ପିଏମ କିଷାନ ଯୋଜନାର ସୁଯୋଗ ନେଉଛନ୍ତି, ତେବେ ଆପଣଙ୍କ ପାଇଁ ଏକ ଖୁସି ଖବର ଅଛି। ଦେଶର କୃଷକମାନଙ୍କ ପାଇଁ କେନ୍ଦ୍ର ସରକାରଙ୍କ ଦ୍ଵାରା ପ୍ରଧାନମନ୍ତ୍ରୀ କିଷାନ୍ ସମ୍ମାନ ନିଧି ଯୋଜନା ପରିଚାଳିତ, ଯେଉଁଥିରେ ଚାଷୀଙ୍କୁ ବାର୍ଷିକ ୬୦୦୦ ଟଙ୍କା ଆର୍ଥିକ ସହାୟତା ଦିଆଯାଉଛି। ଏଥିରେ ୨୦୦୦-୨୦୦୦ ଟଙ୍କାର ତିନୋଟି କିସ୍ତି ଉପଲବ୍ଧ। କିନ୍ତୁ ବର୍ତ୍ତମାନ ଆପଣ ଏହି ଯୋଜନାରେ ୨୦୦୦ ଟଙ୍କା ବଦଳରେ ପୂର୍ଣ୍ଣ ୫୦୦୦ ଟଙ୍କା ଲାଭ ପାଇବେ। ଯାହାଫଳରେ ଆପଣ ୩୦୦୦ ଟଙ୍କା ଅତିରିକ୍ତ ଲାଭ ପାଇବେ। ଜାଣନ୍ତୁ କିପରି-
ପିଏମ କିଷାନ ଯୋଜନା ଅନୁଯାୟୀ କୃଷକମାନେ ଏପର୍ଯ୍ୟନ୍ତ ମୋଟ ୯ କିସ୍ତି ପାଇଛନ୍ତି ଏବଂ ଦଶମ କିସ୍ତିର ଟଙ୍କା ମଧ୍ୟ ଡିସେମ୍ବର ସୁଦ୍ଧା କୃଷକଙ୍କ ଆକାଉଣ୍ଟରେ ଜମା ହେବ। ଏହି ଯୋଜନାରେ ଅତିରିକ୍ତ ୩୦୦୦ ଟଙ୍କାର ଲାଭ ଉଠାଇବାକୁ ହେଲେ ଆପଣଙ୍କୁ ‘ପିଏମ କିଷାନ ମାନଧାନ ଯୋଜନା’ ରେ ପଞ୍ଜିକରଣ କରିବାକୁ ପଡିବ। ଯଦି ଆପଣ ଏହି ଯୋଜନାରେ ପଞ୍ଜୀକୃତ ହୁଅନ୍ତି, ତେବେ ଆପଣ ବୃଦ୍ଧାବସ୍ଥାରେ ମାସିକ ୩୦୦୦ ଟଙ୍କା ପେନ୍ସନ୍ର ସୁବିଧା ପାଇବେ।
୬୦ ବର୍ଷ ପରେ ପେନ୍ସନ୍ ଉପଲବ୍ଧ ହେବ:
ପ୍ରଧାନମନ୍ତ୍ରୀ କିଷାନ ମାନଧାନ ଯୋଜନା ଅଧୀନରେ କୃଷକମାନେ ୬୦ ବର୍ଷ ପରେ ପେନ୍ସନ୍ ସୁବିଧା ମଧ୍ୟ ପାଇବେ ଏବଂ ବିଶେଷ କଥା ହେଉଛି ଏଥିପାଇଁ କୌଣସି ପୃଥକ କାଗଜପତ୍ର କିମ୍ବା ଡକ୍ୟୁମେଣ୍ଟେସନ୍ ଆବଶ୍ୟକ ହେବ ନାହିଁ।
ପେନ୍ସନ୍ ପାଇଁ ପଞ୍ଜୀକରଣ:
ଆମେ ଆପଣଙ୍କୁ କହିଦେଉଛୁ ଯେ, ଯେଉଁ କୃଷକମାନେ ‘ପିଏମ କିଷାନ ଯୋଜନା’ ର ଲାଭ ଉଠାନ୍ତି, ସେମାନେ ସିଧାସଳଖ ‘ପିଏମ କିଷାନ ମାନଧାନ ଯୋଜନା’ ରେ ପଞ୍ଜିକୃତ ହେବେ। ଏହି ଯୋଜନାରେ ସାଧାରଣ ଜନତା ଅନେକ ବିଶେଷ ସୁବିଧା ପାଆନ୍ତି।
ପିଏମ କିଷାନ ମାନଧାନ ଯୋଜନା କ’ଣ?:
ପିଏମ କିଷାନ ମାନଧାନ ଯୋଜନା ଅଧୀନରେ ୬୦ ବର୍ଷ ପରେ ପେନସନର ସୁବିଧା ରହିଛି। ଚାଷୀଙ୍କ ବୃଦ୍ଧାବସ୍ଥାକୁ ଦୃଷ୍ଟିରେ ରଖି ସରକାର ଏହି ଯୋଜନା ଆରମ୍ଭ କରିଛନ୍ତି। ୧୮ ବର୍ଷରୁ ୪୦ ବର୍ଷ ପର୍ଯ୍ୟନ୍ତ ଯେକୌଣସି କୃଷକ ଏହି ଯୋଜନାରେ ବିନିଯୋଗ କରିପାରିବେ। ଏହା ଅଧୀନରେ ଚାଷୀଙ୍କୁ ମାସିକ ୩୦୦୦ ଟଙ୍କା ପର୍ଯ୍ୟନ୍ତ ପେନସନ୍ ମିଳିଥାଏ।
ଏହି ଦଲିଲଗୁଡ଼ିକ ଆବଶ୍ୟକ ହେବ:
ଏହି ଯୋଜନା ପାଇଁ ଆପଣଙ୍କୁ ଆଧାର କାର୍ଡ, ପରିଚୟ ପତ୍ର, ବୟସ ପ୍ରମାଣ, ଆୟ ପ୍ରମାଣପତ୍ର, ବ୍ୟାଙ୍କ ଆକାଉଣ୍ଟ ପାସବୁକ୍, ମୋବାଇଲ୍ ନମ୍ବର କିମ୍ବା ପାସପୋର୍ଟ ସାଇଜ୍ ଫଟୋଗ୍ରାଫ୍ ଦରକାର।
ଦଶମ କିସ୍ତି ପାଇଁ ଟଙ୍କା କେବେ ଆସିବ ଜାଣନ୍ତୁ?:
ବର୍ତ୍ତମାନ ପର୍ଯ୍ୟନ୍ତ ୧୧.୩୭ କୋଟି ଚାଷୀ ଏହି ଯୋଜନାର ଲାଭ ପାଇଛନ୍ତି। ଏହି ଯୋଜନା ଅଧୀନରେ ସରକାର ୧.୫୮ ଲକ୍ଷ କୋଟି ଟଙ୍କା ଟ୍ରାନ୍ସଫର କରିଛନ୍ତି। ସରକାର ଦେଇଥିବା ସୂଚନା ଅନୁଯାୟୀ, ଡିସେମ୍ବର ୧୫ ତାରିଖ ୨୦୨୧ ସୁଦ୍ଧା ଆପଣ ପିଏମ କିସାନ ସମ୍ମାନ ନିଧି ଯୋଜନାର ଦଶମ କିସ୍ତି ପାଇଁ ଟଙ୍କା ପାଇବେ। ଏଥର ଖ୍ରୀଷ୍ଟମାସ ପୂର୍ବରୁ ଏହି ଟଙ୍କା କୃଷକଙ୍କ ଆକାଉଣ୍ଟରେ ଜମା ହେବ।