ଭୁବନେଶ୍ୱର: ପାଣିପାଗ ବିଭାଗ ଅନୁସାରେ ରାଜ୍ୟରେ ଡିସେମ୍ବର ୪ରୁ ୬ ତାରିଖ ମଧ୍ୟରେ ୩୫.୮ ମିମି ବୃଷ୍ଟିପାତ ହୋଇଛି। ଜଗତସିଂହପୁରରେ ୧୯୨.୦ମିମି, କେନ୍ଦ୍ରାପଡ଼ାରେ ୧୩୩.୯ ମିମି ଏବଂ ପୁରୀରେ ୧୧୩.୫ ମିମି ବର୍ଷା ହୋଇଛି। ଅର୍ଥାତ୍ ଏହି ତିନୋଟି ଜିଲ୍ଲାରେ ୧୦୦ ମିମିରୁ ଅଧିକ ବୃଷ୍ଟପାତ ରେକର୍ଡ କରାଯାଇଛି ।
ସେହିପରି ଖୋର୍ଦ୍ଧାରେ ୭୪.୮ ମିମି, ଗଞ୍ଜାମରେ ୭୩.୩ ମିମି, କଟକରେ ୬୧.୮ ମିମି, ବାଲେଶ୍ୱରରେ ୫୩.୪ ମିମି, ନୟାଗଡ଼ରେ ୫୨.୩ ମିମି ଏବଂ ଭଦ୍ରକରେ ୫୧.୬ ମିମି ଅର୍ଥାତ୍ ଏହି ୬ଟି ଜିଲ୍ଲାରେ ହାରାହାରି ୫୦ ମିମି ବୃଷ୍ଟିପାତ ହୋଇଛି ।
ଅନ୍ୟପକ୍ଷରେ ଯାଜପୁରରେ ୪୪.୫ ମିମି, ମୟୂରଭଞ୍ଜରେ ୩୩.୬ ମିମି, ବୌଦ୍ଧରେ ୩୨.୬ ମିମି, ଗଜପତିରେ ୩୧.୧ ମିମି, କେଉଁଝରରେ ୨୭.୧ ମିମି, ଢେଙ୍କାନାଳରେ ୨୫.୮ ମିମି, ଅନୁଗୋଳରେ ୧୭.୦ ମିମି ଏବଂ କନ୍ଧମାଳରେ ୧୫.୪ ମିମି, ଏହିପରି ହାରାହାରି ୧୦ ମିମିରୁ ଅଧିକ ବୃଷ୍ଟିପାତ ହୋଇଛି ।
ସେହିପରି ୧୨ଟି ଜିଲ୍ଲା ସମ୍ବଲପୁରରେ ୬.୯ ମିମି, ସୁବର୍ଣ୍ଣପୁରରେ ୫.୩ ମିମି, ବଲାଙ୍ଗୀରରେ ୪.୪ ମିମି, ବରଗଡ଼ରେ ୪.୨ ମିମି, କଳାହାଣ୍ଡିରେ ୩.୮ ମିମି, ଝାରସୁଗୁଡ଼ାରେ ୩.୬ ମିମି, ସୁନ୍ଦରଗଡ଼ରେ ୩.୬ ମିମି, ଦେବଗଡ଼ରେ ୩.୪ ମିମି, ରାୟଗଡ଼ାରେ ୩.୩ ମିମି, କୋରାପୁଟରେ ୨.୦ ମିମି, ନୂଆପଡ଼ାରେ ୦.୬ ମିମି ଏବଂ ନବରଙ୍ଗପୁରରେ ୦.୪ ମିମି ଅର୍ଥାତ୍ ୧୦ ମିମିରୁ କମ୍ ବୃଷ୍ଟିପାତ ହୋଇଛି ।
