ଭୁବନେଶ୍ବର: ରାଜ୍ୟ ସରକାର ଆଉ ଏକ ବଡ ପଦକ୍ଷେପ ଗ୍ରହଣ କରିଛନ୍ତି। ତାହା ହେଲା ପ୍ରତି ପିଡିଏସ ହିତାଧିକାରୀଙ୍କୁ 1000 ଟଙ୍କା ଲେଖାଏଁ ସହାୟତା ଦେବେ। ସେହି ଅନୁସାରେ 30ଟି ଜିଲ୍ଲାକୁ ଆଜି ରାଜ୍ୟ ଖାଦ୍ୟଯୋଗାଣ ଓ ଖାଉଟି କଲ୍ୟାଣ ବିଭାଗ ତରଫରୁ 350 କୋଟି ଟଙ୍କା ପ୍ରଦାନ କରାଯାଇଛି।
ଏଥିରେ କୁହାଯାଇଛି ଯେ, ପ୍ରତି ହିତାଧୀକାରୀଙ୍କ ଖାତାକୁ ଏହି ଟଙ୍କା ପ୍ରଦାନ କରାଯିବ। ମୁଖ୍ୟତଃ କରୋନା ପରିସ୍ଥିତିରେ ଜୀବନ ଧାରଣ ନିମନ୍ତେ ଏହି ସହାୟତା ପ୍ରଦାନ କରାଯାଇଛି। ଯୋଗାଣ ବିଭାଗ ତରଫରୁ 30ଟି ଜିଲ୍ଲା ପାଇଁ ଦିଆଯାଇଥିବା ଟଙ୍କା ମଧ୍ୟରୁ ଗଂଜାମ ଜିଲ୍ଲାକୁ ସର୍ବାଧିକ ଟଙ୍କା ପ୍ରଦାନ କରାଯାଇଛି। ଏହି ଜିଲ୍ଲା ପାଇଁ ମୋଟ 28 କୋଟି 15 ଲକ୍ଷ 90 ହଜାର ଟଙ୍କା ପ୍ରଦାନ କରାଯାଇଛି।
ସେହିପରି ମୟୁରଭଂଜ ଜିଲ୍ଲାକୁ 22 କୋଟି 25 ଲକ୍ଷ, ବାଲେଶ୍ବର ଜିଲ୍ଲାକୁ 18 କୋଟି 96 ଲକ୍ଷ, କଟକକୁ 18 କୋଟି 45 ଲକ୍ଷ, ବରଗଡକୁ 13 କୋଟି 11 ଲକ୍ଷ ଟଙ୍କା ପ୍ରଦାନ କରାଯାଇଛି। ସେହିପରି ଅନ୍ୟାନ୍ୟ ଜିଲ୍ଲାକୁ ମଧ୍ୟ ସହାୟତା ରାଶି ପଇଠ କରାଯାଇଛି।