ଲକ୍ଷ୍ନୌ: ୨୦୨୨ ମସିହାରେ ଉତ୍ତରପ୍ରଦେଶ ବିଧାନସଭା ନିର୍ବାଚନ ପାଇଁ ଶୋଭାଯାତ୍ରା ଏବଂ ସାଧାରଣ ସଭା ଆରମ୍ଭ ହୋଇଛି। ନିର୍ବାଚନରେ ନିଜକୁ ଅଧିକ ଶକ୍ତିଶାଳୀ କରିବା ପାଇଁ ସବୁ ରାଜନୈତିକ ଦଳଗୁଡିକ ଲକ୍ଷ ଲକ୍ଷ ଲୋକ ଭିଡ଼ ଜମାଉଛନ୍ତି। ଗୋଟିଏ ପଟେ ଦେଶରେ ଓମିକ୍ରନର ବିପଦ ବଢୁଥିବାବେଳେ ଅନ୍ୟ ପଟେ ନିର୍ବାଚନ ପ୍ରଚାର ଜୋରରେ ଚାଲିଛି ଏବଂ ଏହି ନିର୍ବାଚନ ପ୍ରଚାର ସମୟରେ କୋଭିଡ ପ୍ରୋଟୋକଲକୁ ଖୋଲାଖୋଲି ଉଲ୍ଲଂଘନ କରାଯାଉଛି। ଯୋଗୀ ଆଦିତ୍ୟନାଥ ସରକାର କରୋନାକୁ ରୋକିବା ପାଇଁ ରାତିରେ କର୍ଫ୍ୟୁ ଲାଗୁ କରିଛନ୍ତି। କିନ୍ତୁ ବିଜେପି ସାଂସଦ ବରୁଣ ଗାନ୍ଧୀ ଏହାକୁ ନେଇ ଟାର୍ଗେଟ କରିଛନ୍ତି।
ପିଲିଭୀତ ସାଂସଦ ବରୁଣ ଗାନ୍ଧୀ ଟ୍ୱିଟରରେ ଲେଖିଛନ୍ତି ଯେ, ରାତିରେ କର୍ଫ୍ୟୁ ଲାଗୁ କରିବା ଏବଂ ଦିନରେ ରାଲିରେ ଲକ୍ଷ ଲକ୍ଷ ଲୋକଙ୍କୁ ଡାକିବା, ଏହାକୁ ସାଧାରଣ ଲୋକ ବୁଝିପାରୁନାହାନ୍ତି। ଉତ୍ତରପ୍ରଦେଶର ସୀମିତ ସ୍ୱାସ୍ଥ୍ୟସେବା ପ୍ରଣାଳୀକୁ ଦୃଷ୍ଟିରେ ରଖି ସଚ୍ଚୋଟ ଭାବରେ ଓମିକ୍ରନ୍ ବିସ୍ତାରକୁ ରୋକିବା କିମ୍ବା ନିର୍ବାଚନୀ ଶକ୍ତିର ପ୍ରଦର୍ଶନକୁ ବନ୍ଦ କରିବା ଆମର ପ୍ରାଥମିକତା ହେବା ଉଚିତ।
ଉଲ୍ଲେଖନୀୟ କଥା ହେଉଛି, କିଛି ଦିନ ପୂର୍ବେକେନ୍ଦ୍ରୀୟ ନିର୍ବାଚନ ଆୟୋଗ ଏବଂ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ଆହ୍ଲାବାଦ ହାଇକୋର୍ଟ ନିବେଦନ କରିଥିଲେ ଯେ ଓମିକ୍ରନର ବିପଦକୁ ଦୃଷ୍ଟିରେ ରଖି ରାଲି ତଥା ରୋଡ୍ ସୋ ଉପରେ ପ୍ରତିବନ୍ଧକ ଲଗାନ୍ତୁ। ନିର୍ବାଚନ ମଧ୍ୟ ସ୍ଥଗିତ ରଖାଯିବା ଉଚିତ୍
