ନୂଆଦିଲ୍ଲୀ: କଂଗ୍ରେସର ଚିନ୍ତନ ଶିବରରେ ସୋନିଆ ଗାନ୍ଧୀ କହିଛନ୍ତି ଯେ, ଏଭଳି ପରିବେଶ ସୃଷ୍ଟି ହୋଇଛି ଯେ ଲୋକମାନେ ନିରନ୍ତର ଭୟ ଏବଂ ଅସୁରକ୍ଷିତ ଅବସ୍ଥାରେ ରହୁଛନ୍ତି। ସଂଖ୍ୟାଲଘୁ ସମ୍ପ୍ରଦାୟକୁ ଅତି ନିଷ୍ଠୁରତାର ସହ ଟାର୍ଗେଟ କରାଯାଉଛି। ସଂଖ୍ୟାଲଘୁ ସମ୍ପ୍ରଦାୟ ଆମ ସମାଜର ଏକ ଅବିଚ୍ଛେଦ୍ୟ ଅଙ୍ଗ ଏବଂ ଆମ ଦେଶର ସମାନ ନାଗରିକ।
ସୋନିଆ ଗାନ୍ଧୀ ଏହା ମଧ୍ୟ କହିଛନ୍ତି ଯେ, କୃଷକମାନଙ୍କ ବିରୋଧରେ ଅଣାଯାଇଥିବା କଳା ଆଇନ, ସଂସଦ ଭିତରେ ତଥା ସଂସଦ ବାହାରେ ଚାଷୀଙ୍କ ପାଇଁ କଂଗ୍ରେସ ଜୋରଦାର ଲଢେଇ କରିଛି। ସୋନିଆ ଗାନ୍ଧୀ ଅଭିଯୋଗ କରିଛନ୍ତି ଯେ, ଦେଶରେ କଂଗ୍ରେସ ଦଳ ଦ୍ୱାରା ସ୍ଥାପିତ ଜନସାଧାରଣଙ୍କ ଉପକ୍ରମ ଛିଡା କରାଯାଇଥିଲା, ତାହକୁ ବିକ୍ରି କରାଯାଉଛି।
ସୋନିଆ ଗାନ୍ଧୀ କହିଛନ୍ତି ଯେ, ଦେଶରେ ବେକାରୀ ସଂଖ୍ୟା ବହୁ ସଂଖ୍ୟାରେ ବୃଦ୍ଧି ପାଇଛି। ୟୁପିଏ ସରକାରଙ୍କ MNREGA ଏବଂ ଖାଦ୍ୟ ସୁରକ୍ଷା ଆଇନ ଦୁର୍ବଳ ହେଉଛି। ଲୋକମାନେ ଆମଠାରୁ ବହୁତ ଆଶା କରନ୍ତି, ଆମେ ସେ ବିଷୟରେ ଅବଗତ ଅଛୁ। ଯେତେବେଳେ ଆମେ ଚିନ୍ତନ ଶିବୀରରୁ ବାହାରିବୁ, ଏକ ନୂତନ ଆତ୍ମବିଶ୍ୱାସ ସହିତ, ଆମେ ଏକ ନୂତନ ସଂକଳ୍ପ ସହିତ ଜନସାଧାରଣଙ୍କ ମଧ୍ୟକୁ ଯିବୁ।
ସୋନିଆ ଗାନ୍ଧୀ ଚିନ୍ତନ ଶିବରରେ ମଧ୍ୟ କହିଛନ୍ତି ଯେ, ବର୍ତ୍ତମାନ କଂଗ୍ରେସ ଦଳର ଅବସ୍ଥା ଭଲ ନାହିଁ। ଅସାଧାରଣ ପରିସ୍ଥିତିକୁ କେବଳ ଅସାଧାରଣ ଉପାୟରେ ମୁକାବିଲା କରାଯାଇପାରିବ। ନେତାମାନଙ୍କୁ ଦଳ ବହୁତ କିଛି ଦେଇଛି। ପାର୍ଟିର ଋଣ ପରିଶୋଧ କରିବାର ବର୍ତ୍ତମାନ ସମୟ ଆସିଛି।
ଉଦୟପୁରର କଂଗ୍ରେସ ‘ଚିନ୍ତନ୍ ଶିବୀର’ରେ କଂଗ୍ରେସ ସଭାପତି ସୋନିଆ ଗାନ୍ଧୀ କହିଛନ୍ତି ଯେ, ବିଜେପି ଏବଂ ଆରଏସଏସ ନୀତି ଯୋଗୁଁ ଦେଶ ସମ୍ମୁଖୀନ ହେଉଥିବା ଆହ୍ଵାନ ଉପରେ ବିଚାର କରିବା ପାଇଁ ଏହି ଶିବିର ଏକ ଭଲ ସୁଯୋଗ। ଦେଶର ପ୍ରସଙ୍ଗ ଉପରେ ଚିନ୍ତନ ଏବଂ ଦଳ ସମ୍ମୁଖରେ ଥିବା ସମସ୍ୟା ଉପରେ ଆତ୍ମଚିନ୍ତନ ପାଇଁ ଏହା ଏକ ସୁଯୋଗ ଅଟେ।