Close Menu
The Samikhsya OdiaThe Samikhsya Odia
  • ହୋମ
  • ବିଶେଷ ଖବର
  • ରାଜ୍ୟ ଖବର
  • ଜାତୀୟ ଖବର
  • ଆଞ୍ଚଳିକ
  • ସଂସ୍କୃତି
  • ବ୍ୟବସାୟ
  • ଧର୍ମ
  • ଖେଳ
  • ମନୋରଂଜନ
  • ଅନ୍ତରାଷ୍ଟ୍ରୀୟ
  • ଜୀବନ ଶୈଳୀ
Facebook X (Twitter) LinkedIn
  • About Us
  • Contact Details
  • Grievance
  • Privacy Policy
  • Terms Of Use
Facebook X (Twitter) LinkedIn
The Samikhsya OdiaThe Samikhsya Odia
  • ହୋମ
  • ବିଶେଷ ଖବର
  • ରାଜ୍ୟ ଖବର
  • ଜାତୀୟ ଖବର
  • ଆଞ୍ଚଳିକ
  • ସଂସ୍କୃତି
  • ବ୍ୟବସାୟ
  • ଧର୍ମ
  • ଖେଳ
  • ଅନ୍ୟାନ୍ୟ
    • ମନୋରଂଜନ
    • ଅନ୍ତରାଷ୍ଟ୍ରୀୟ
    • ଜୀବନ ଶୈଳୀ
Eng
The Samikhsya OdiaThe Samikhsya Odia
Eng
Home»ଜାତୀୟ ଖବର»ଆସନ୍ତାକାଲି ବାରାଣାସୀ ଗସ୍ତରେ ଯିବେ ପ୍ରଧାନମନ୍ତ୍ରୀ, ୧୮୦୦ କୋଟି ଟଙ୍କା ପ୍ରକଳ୍ପର ଭତ୍ତିପ୍ରସ୍ତର ସ୍ଥାପନ
ଜାତୀୟ ଖବର

ଆସନ୍ତାକାଲି ବାରାଣାସୀ ଗସ୍ତରେ ଯିବେ ପ୍ରଧାନମନ୍ତ୍ରୀ, ୧୮୦୦ କୋଟି ଟଙ୍କା ପ୍ରକଳ୍ପର ଭତ୍ତିପ୍ରସ୍ତର ସ୍ଥାପନ

July 6, 2022No Comments4 Mins Read
Share Facebook Twitter LinkedIn Email WhatsApp Copy Link
ଆସନ୍ତାକାଲି ବାରାଣାସୀ ଗସ୍ତରେ ଯିବେ ପ୍ରଧାନମନ୍ତ୍ରୀ, ୧୮୦୦ କୋଟି ଟଙ୍କା ପ୍ରକଳ୍ପର ଭତ୍ତିପ୍ରସ୍ତର ସ୍ଥାପନ

ନୂଆଦିଲ୍ଲୀ: ପ୍ରଧାନମନ୍ତ୍ରୀ ଶ୍ରୀ ନରେନ୍ଦ୍ର ମୋଦୀ ଆସନ୍ତାକାଲି ବାରାଣାସୀ ଗସ୍ତ କରିବେ । ଅପରାହ୍ନ ପ୍ରାୟ ୨ ଟା ସମୟରେ ପ୍ରଧାନମନ୍ତ୍ରୀ ବାରାଣାସୀର ଏଲଟି କଲେଜରେ ଅକ୍ଷୟ ପାତ୍ର ମଧ୍ୟାହ୍ନ ଭୋଜନ ରୋଷେଇର ଉଦଘାଟନ କରିବେ, ଯେଉଁଥିରେ ପ୍ରାୟ ଏକ ଲକ୍ଷ ଛାତ୍ରଛାତ୍ରୀଙ୍କ ପାଇଁ ମଧ୍ୟାହ୍ନ ଭୋଜନ ରାନ୍ଧିବାର କ୍ଷମତା ରହିଛି ।

ଅପରାହ୍ନ ପ୍ରାୟ ୨.୪୫ ରେ ପ୍ରଧାନମନ୍ତ୍ରୀ ଆନ୍ତର୍ଜାତୀୟ ସହଯୋଗ ଏବଂ ସମ୍ମିଳନୀ କେନ୍ଦ୍ର-ରୁଦ୍ରାକ୍ଷ ପରିଦର୍ଶନ କରିବେ, ଯେଉଁଠାରେ ସେ ଜାତୀୟ ଶିକ୍ଷା ନୀତିର କାର‌୍ୟ୍ୟକାରିତା ଉପରେ ଅଖିଳ ଭାରତୀୟ ଶିକ୍ଷା ସାମାଗାମର ଉଦଘାଟନ କରିବେ । ଏହା ପରେ, ଅପରାହ୍ନ ପ୍ରାୟ ୪ ଟା ସମୟରେ ପ୍ରଧାନମନ୍ତ୍ରୀ ସିଗ୍ରା ସ୍ଥିତ ଡକ୍ଟର ସମ୍ପୂର୍ଣ୍ଣାନନ୍ଦ ସ୍ପୋର୍ଟସ ଷ୍ଟାଡିୟମରେ ପହଞ୍ଚିବେ ଯେଉଁଠାରେ ସେ ୧୮୦୦ କୋଟି ଟଙ୍କାରୁ ଅଧିକ ମୂଲ୍ୟର ଏକାଧିକ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ ଓ ଉଦଘାଟନ କରିବେ ।

ଏକାଧିକ ବିକାଶମୂଳକ ପଦକ୍ଷେପଗୁଡ଼ିକର ଉଦଘାନ ଏବଂ ଭିତ୍ତିପ୍ରସ୍ତର ସ୍ଥାପନ

ଗତ ଆଠ ବର୍ଷ ମଧ୍ୟରେ ପ୍ରଧାନମନ୍ତ୍ରୀ ବାରାଣାସୀରେ ଭିତ୍ତିଭୂମି ବିକାଶ ଉପରେ ଅନେକ ଧ୍ୟାନ ଦେଇଛନ୍ତି । ଏହାଦ୍ୱାରା ସହରର ଦୃଶ୍ୟପଟ୍ଟରେ ପରିବର୍ତ୍ତନ ଆସିଛି । ଏହି ପ୍ରୟାସର ପ୍ରାଥମିକ ଧ୍ୟାନ ଲୋକଙ୍କ ସହଜ ଜୀବନ ଯାପନକୁ ବଢାଇଛି ।  ଏହି ଦିଗରେ ଆଉ ଏକ ପଦକ୍ଷେପ ଗ୍ରହଣ କରି ସିଗ୍ରା ସ୍ଥିତ ଡକ୍ଟର ସମ୍ପୂର୍ଣ୍ଣାନନ୍ଦ ସ୍ପୋର୍ଟସ ଷ୍ଟାଡିୟମରେ କାର‌୍ୟ୍ୟକ୍ରମ ଅବସରରେ ପ୍ରଧାନମନ୍ତ୍ରୀ ୫୯୦ କୋଟି ଟଙ୍କାରୁ ଅଧିକ ମୂଲ୍ୟର ପ୍ରକଳ୍ପ ଉଦଘାଟନ କରିବେ ।

ଏଥି ମଧ୍ୟରେ ବାରାଣାସୀ ସ୍ମାର୍ଟ ସିଟି ଏବଂ ସହରାଞ୍ଚଳ ପ୍ରକଳ୍ପ ଅଧୀନରେ ଏକାଧିକ ପଦକ୍ଷେପ ଅଛି, ପ୍ରଥମ ପର‌୍ୟ୍ୟାୟରେ ନମୋ ଘାଟର ପୁନଃ ବିକାଶ ସହିତ ଗାଧୋଇବା ଜେଟି ର୍ନିମାଣ; ୫୦୦ଟି ଡଙ୍ଗାର ଡିଜେଲ ଏବଂ ପେଟ୍ରୋଲ ଇଞ୍ଜିନକୁ ସିଏନ୍‍ଜି ରେ ରୂପାନ୍ତରଣ; ପୁରୁଣା କାଶୀର କାମେଶ୍ୱର ମହାଦେବ ୱାର୍ଡର ପୁନଃ ବିକାଶ ଏବଂ ଦଶପୁରର ହରହୁଆ ଗ୍ରାମରେ ର୍ନିମିତ ୬୦୦ ରୁ ଅଧିକ ଇଡବ୍ଲ୍ୟୁଏସ୍‍ ଫ୍ଲାଟ; ଲହରତାରା-ଚୌକା ଘାଟ ଫ୍ଲାଏଓଭର ଅଧୀନରେ ପ୍ରସ୍ତୁତ ନୂତନ ଭେଣ୍ଡିଂ ଜୋନ୍ ଏବଂ ସହରାଞ୍ଚଳ ସ୍ଥାନ; ଦଶାଶ୍ୱମେଧ ଘାଟରେ ପର‌୍ୟ୍ୟଟନ ସୁବିଧା ଏବଂ ମାର୍କେଟ କମ୍ପେ୍ଲକ୍ସ; ଏବଂ ଆଇପିଡିଏସ୍‍ କାର‌୍ୟ୍ୟ ତୃତୀୟ ପର‌୍ୟ୍ୟାୟ  ଅଧୀନରେ ନାଗୱା ଠାରେ ୩୩/୧୧ କେଭି ସବଷ୍ଟେସନ୍ ଆଦି ରହିଛି ।

ବାବତପୁର-କାପସେଥୀ- ଭଦୋହି ରୋଡରେ ଚାରି ଲେନ୍‍ ରୋଡ୍ ଓଭର ବ୍ରିଜ୍ (ଆରଓବି) ର୍ନିମାଣ ସହିତ ପ୍ରଧାନମନ୍ତ୍ରୀ ବିଭିନ୍ନ ସଡ଼କ ପ୍ରକଳ୍ପର ଉଦଘାଟନ କରିବେ; କେନ୍ଦ୍ରୀୟ ଜେଲ ରାସ୍ତାରେ ଭରୁନା ନଦୀ ଉପରେ ପୋଲ; ପିଣ୍ଡ୍ରା-କାଥିରାଓନ୍ ରାସ୍ତାର ପ୍ରଶସ୍ତିକରଣ; ଫୁଲପୁର-ସିନ୍ଧାଉରା ଲିଙ୍କ୍ ରୋଡର ସମ୍ପ୍ରସାରଣ; ୮ ଟି ଗ୍ରାମ ସଡକକୁ ମଜବୁତ ଏବଂ ର୍ନିମାଣ; ୭ ପିଏମ୍‍ଜିଏସ୍‍ୱାଇ ରାସ୍ତା ର୍ନିମାଣ ଏବଂ ଧର୍ସାଉନା-ସିନ୍ଧାଉରା ରାସ୍ତାର ପ୍ରଶସ୍ତିକରଣ ଆଦି ଏଥିରେ ରହିଛି ।

ପ୍ରଧାନମନ୍ତ୍ରୀ ମଧ୍ୟ ଜିଲ୍ଲାର ଜଳ ନିଷ୍କାସନ ଏବଂ ଜଳ ଯୋଗାଣର ଉନ୍ନତି ସହ ଜଡିତ ବିଭିନ୍ନ ପ୍ରକଳ୍ପର ଉଦଘାଟନ କରିବେ । ଏଥିରେ ଟ୍ରେଞ୍ଚଞ୍ଚଲେସ୍ ଜ୍ଞାନକୌଶଳ ମାଧ୍ୟମରେ ବାରାଣାସୀ ସହରର ପୁରୁଣା ସ୍ୱେରେଜ ଲାଇନର ପୁନରୁଦ୍ଧାର ଅନ୍ତର୍ଭୁକ୍ତ; ସ୍ୱେରେଜ୍ ଲାଇନ ସ୍ଥାପନ; ଟ୍ରାନ୍ସ ଭାରୁନା ଅଞ୍ଚଳରେ ୨୫୦୦୦ ରୁ ଅଧିକ ସ୍ୱରେଜ ସଂଯୋଗ; ସହରର ସିସ୍ ଭାରୁନା ଅଞ୍ଚଳରେ ଲିକେଜ୍ ମରାମତି କାର‌୍ୟ୍ୟ; ତାତେପୁର ଗ୍ରାମରେ ଗ୍ରାମୀଣ ପାନୀୟ ଜଳ ଯୋଜନା ଇତ୍ୟାଦି । ଉଦଘାଟିତ ହେବାକୁ ଥିବା ବିଭିନ୍ନ ସାମାଜିକ ତଥା ଶିକ୍ଷା କ୍ଷେତ୍ର ସମ୍ବନ୍ଧୀୟ ପ୍ରକଳ୍ପଗୁଡ଼ିକ ମଧ୍ୟରେ ମହଗାଓଁ ଗ୍ରାମରେ ଥିବା ଆଇଟିଆଇ, ବିଏଚୟୁରେ ବେଦିକ ବିଜ୍ଞାନ କେନ୍ଦ୍ରର ଦ୍ୱିତୀୟ ପର‌୍ୟ୍ୟାୟ, ରାମନଗରରେ ସରକାରୀ ବାଳିକା ଘର, ଦୁର୍ଗାକୁଣ୍ଡରେ ଥିବା ସରକାରୀ ମହିଳା ବୃଦ୍ଧାଶ୍ରମ ଘର ଇଲାକରେ ଥମ୍‍ ପାର୍କ ଆଦି ଅର୍ନ୍ତଭୁକ୍ତ ।

ପ୍ରଧାନମନ୍ତ୍ରୀ ବଡ ଲାଲପୁରରେ ଥିବା ଡକ୍ଟର ଭୀମ ରାଓ ଆମ୍ବେଦକର ସ୍ପୋର୍ଟସ କମ୍ପେ୍ଲକ୍ସରେ ସିନ୍ଥେଟିକ୍ ଆଥଲେଟିକ୍ ଟ୍ରାକ୍ ଏବଂ ସିନ୍ଥେଟିକ୍ ବାସ୍କେଟବଲ୍ କୋର୍ଟର ଉଦଘାଟନ କରିବେ ଏବଂ ସିନ୍ଧାଉରା ଠାରେ ଅଣ-ଆବାସିକ ପୋଲିସ୍ ଷ୍ଟେସନ୍ କୋଠା, ହଷ୍ଟେଲ ରୁମ୍ ର୍ନିମାଣ, ମିର୍ଜାମୁରାଦ୍‌, ଚୋଲାପୁର, ଜନସା ଏବଂ କାପସେଥୀ ପୋଲିସ୍ ଷ୍ଟେସନ୍ ଏବଂ ପିଣ୍ଡ୍ରାରେ ଅଗ୍ନି ର୍ନିବାପକ କେନ୍ଦ୍ର ର୍ନିମାଣକୁ ଉଦ୍‍ଘାଟନ କରିବେ ।

ଏହି କାର‌୍ୟ୍ୟକ୍ରମରେ ପ୍ରଧାନମନ୍ତ୍ରୀ ୧୨୦୦ କୋଟିରୁ ଅଧିକ ମୂଲ୍ୟର ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କରିବେ । ଏଥିମଧ୍ୟରେ ଲହରତାରା – ବିଏଚୟୁ ରୁ ବିଜୟ ସିନେମା ପର‌୍ୟ୍ୟନ୍ତ ରାସ୍ତାର ଛଅ ଲେନ୍‍ ପ୍ରଶସ୍ତିକରଣ ସହିତ ଏକାଧିକ ସଡକ ଭିତ୍ତିଭୂମି ପ୍ରକଳ୍ପ ରହିଛି; ପାଣ୍ଡେପୁର ଫ୍ଲାଏଓଭରରୁ ରିଙ୍ଗ ରୋଡ ପର‌୍ୟ୍ୟନ୍ତ ରାସ୍ତାର ଚାରି ଲେନ ପ୍ରଶସ୍ତିକରଣ; କୁଚେହେରୀରୁ ସାନ୍ଦହା ପର‌୍ୟ୍ୟନ୍ତ ଚାରି ଲେନ ରାସ୍ତା; ବାରାଣାସୀ ଭଦୋହି ଗ୍ରାମୀଣ ରାସ୍ତାର ସମ୍ପ୍ରସାରଣ ଏବଂ ମଜବୁତିକରଣ; ବାରାଣାସୀ ଗ୍ରାମାଞ୍ଚଳରେ ପାଞ୍ଚଟି ନୂତନ ରାସ୍ତା ଏବଂ ଚାରିଟି ସିସି ରାସ୍ତା ର୍ନିମାଣ; ବାବତପୁର- ବେପୁର ରାସ୍ତାରେ ବାବତପୁର ରେଳ ଷ୍ଟେସନ ନିକଟରେ ଆରଓବି ର୍ନିମାଣ । ଏହି ପ୍ରକଳ୍ପଗୁଡିକ ସହର ଏବଂ ଗ୍ରାମାଞ୍ଚଳ ରାସ୍ତାରେ ଯାତାୟାତ ଭିଡ ହ୍ରାସ କରିବାରେ ଯଥେଷ୍ଟ ସାହାଯ୍ୟ କରିବ ।

ଏହି ଅଞ୍ଚଳର ପର‌୍ୟ୍ୟଟନକୁ ପୂର୍ଣ୍ଣ କରିବା ପାଇଁ ପ୍ରଧାନମନ୍ତ୍ରୀ ବିଶ୍ୱ ବ୍ୟାଙ୍କ ସହାୟତା ପ୍ରାପ୍ତ ୟୁପି ପ୍ରୋଓର ପର‌୍ୟ୍ୟଟନ ବିକାଶ ପ୍ରକଳ୍ପ ଅନ୍ତର୍ଗତ ସାରନାଥ ବୌଦ୍ଧ ସର୍କିଟର ବିକାଶ କାର‌୍ୟ୍ୟ, ଅଷ୍ଟ ବିନାୟକ, ଦ୍ୱାଦଶ ଜ୍ୟୋର୍ତିଲିଙ୍ଗ ଯାତ୍ରା ଅଷ୍ଟ ଭୈରବ, ନଭ ଗୌରୀ ଯାତ୍ରା, ପଞ୍ଚକୋସି ପରିକ୍ରମା ଯାତ୍ରା ମାର୍ଗରେ ପର‌୍ୟ୍ୟଟନ ବିକାଶ କାର‌୍ୟ୍ୟ ଏବଂ ପୁରାତନ କାଶୀରେ ବିଭିନ୍ନ ୱାର୍ଡର ପର‌୍ୟ୍ୟଟନ ବିକାଶ କାର‌୍ୟ୍ୟ ପାଇଁ ପବନ ପଥ ର୍ନିମାଣ ଏବଂ ଏକାଧିକ ପ୍ରକଳ୍ପର ଭିତ୍ତିପ୍ରସ୍ତର ସ୍ଥାପନ କରିବେ ।

ପ୍ରଧାନମନ୍ତ୍ରୀ ସିଗ୍ରା ଠାରେ ସ୍ପୋର୍ଟସ ଷ୍ଟାଡିୟମର ପୁନଃ ର୍ନିମାଣ କାର‌୍ୟ୍ୟର ପ୍ରଥମ ପର‌୍ୟ୍ୟାୟ ଭତ୍ତିପ୍ରସ୍ତର ସ୍ଥାପନ କରିବେ ।

ଅଖିଳ ଭାରତୀୟ ଶିକ୍ଷକ ସମାଗମ୍

ପ୍ରଧାନମନ୍ତ୍ରୀ ଆନ୍ତର୍ଜାତୀୟ ସହଯୋଗ ଏବଂ ସମ୍ମିଳନୀ କେନ୍ଦ୍ର ରୁଦ୍ରାକ୍ଷ ଠାରେ ଅଖିଳ ଭାରତୀୟ ଶିକ୍ଷା ସାମାଗାମର ଉଦଘାଟନ କରିବେ । ୭ ରୁ ୯ ଜୁଲାଇ ପର‌୍ୟ୍ୟନ୍ତ ଶିକ୍ଷା ମନ୍ତ୍ରଣାଳୟ ଦ୍ୱାରା ଶିକ୍ଷା ସମାଗମ ଆୟୋଜିତ ହେଉଛି । ବିଶିଷ୍ଟ ଶିକ୍ଷାବିତ୍‍, ନୀତି ର୍ନିମାତା ଏବଂ ଏକାଡେମିକ ମୁଖ୍ୟମାନଙ୍କୁ ସେମାନଙ୍କ ଅଭିଜ୍ଞତା ସେୟାର କରିବା ଏବଂ ଜାତୀୟ ଶିକ୍ଷା ନୀତି (ଏନ୍‍ଇପି) ୨୦୨୦ ର ପ୍ରଭାବଶାଳୀ କାର‌୍ୟ୍ୟକାରିତା ପାଇଁ ରୋଡ୍ ମ୍ୟାପ୍ ବିଷୟରେ ଆଲୋଚନା କରିବା ପାଇଁ ଏହା ଏକ ପ୍ଲାଟଫର୍ମ ଯୋଗାଇବ।

ଏହି କାର‌୍ୟ୍ୟକ୍ରମ ଦକ୍ଷତା ବକାଶର ଏକ ଅଂଶ ଭାବେ ୩୦୦ରୁ ଅଧିକ ଶିକ୍ଷାନୁଷ୍ଠାନ, କେନ୍ଦ୍ର, ରାଜ୍ୟ, ଡିମ୍‍ଡ ଏବଂ ଘରୋଇ ବିଶ୍ୱବିଦ୍ୟାଳୟର ପ୍ରଶାସନିକ ଏବଂ ଅନୁଷ୍ଠାନ ମୁଖ୍ୟ, ଜାତୀୟ ଗୁରତ୍ୱ ବହନ କରୁଥିବା ସଂସ୍ଥା (ଆଇଆଇଟି, ଆଇଆଇଏମ୍‌, ଏନ୍‌ଆଇଟି, ଆଇଆଇଏସ୍‌ଇଆର୍‌) କୁ ନେଇ ଆୟୋଜିତ ହେବ । ବିଭିନ୍ନ ହିତାଧିକାରୀମାନେ ନିଜ ନିଜ ଅନୁଷ୍ଠାନରେ ଏନ୍‍ଇପିର କାର‌୍ୟ୍ୟକାରିତା ଅଗ୍ରଗତି ଉପସ୍ଥାପନ କରିବେ ଏବଂ ଉଲ୍ଲେଖନୀୟ କାର୍ଯ୍ୟକାରିତା ରଣନୀତି, ସର୍ବୋତ୍ତମ ଅଭ୍ୟାସ ଏବଂ ସଫଳତାର କାହାଣୀ ମଧ୍ୟ ସେୟାର କରିବେ ।

ତିନି ଦିନିଆ ଶିକ୍ଷା ସମାଗମରେ, ଏନ୍‍ଇପି ୨୦୨୦ ଅଧୀନରେ ଉଚ୍ଚଶିକ୍ଷା ପାଇଁ ଚିହ୍ନିତ ନଅଟି ବିଷୟ ଉପରେ ପ୍ୟାନେଲ୍ ଆଲୋଚନା ଅନୁଷ୍ଠିତ ହେବ । ଏହି ବିଷୟ ଗୁଡିକ ହେଉଛି ବହୁମୁଖୀ ଏବଂ ସମ୍ପୂର୍ଣ୍ଣ ଶିକ୍ଷା; ଦକ୍ଷତା ବିକାଶ ଏବଂ ନିଯୁକ୍ତି; ଗବେଷଣା, ଅଭିନବ ଏବଂ ଉଦ୍ୟୋଗୀ; ଗୁଣାତ୍ମକ ଶିକ୍ଷା ପାଇଁ ଶିକ୍ଷକମାନଙ୍କର ଦକ୍ଷତା ବୃଦ୍ଧି; ଗୁଣବତ୍ତା, ରାଙ୍କିଙ୍ଗ୍ ଏବଂ ସ୍ୱୀକତି; ଡିଜିଟାଲ୍ ସଶକ୍ତିକରଣ ଏବଂ ଅନଲାଇନ୍ ଶିକ୍ଷା; ସମାନ ଏବଂ ଅନ୍ତର୍ଭୂକ୍ତ ଶିକ୍ଷା; ଭାରତୀୟ ଜ୍ଞାନ ବ୍ୟବସ୍ଥା; ଏବଂ ଉଚ୍ଚଶିକ୍ଷାର ଆନ୍ତର୍ଜାତୀୟକରଣ ଆଦି

ନରେନ୍ଦ୍ର ମୋଦୀ ପ୍ରଧାନମନ୍ତ୍ରୀ ବାରଣାସୀ ଗସ୍ତ
Share. Facebook Twitter LinkedIn Email WhatsApp Copy Link

Related Posts

କାହା ପାଇଁ ଆଜିର ଦିନଟି ସୁଖ ଆଣିବ, କାହାର ବିଗିଡିବ ସ୍ୱାସ୍ଥ୍ୟ: ପଢନ୍ତୁ ମଙ୍ଗଳବାର ରାଶିଫଳ

August 5, 2025

ଗୋଦାବରୀଶ ମିଶ୍ର ଆଦର୍ଶ ପ୍ରାଥମିକ ବିଦ୍ୟାଳୟ କାର୍ଯ୍ୟକ୍ରମ ସମୀକ୍ଷା: ପ୍ରଥମ ପର୍ଯ୍ୟାୟରେ ନିର୍ମାଣ ହେବ ୮୩୫ ସ୍କୁଲ

August 5, 2025

ଓଭାଲ ଟେଷ୍ଟରେ ଭାରତର ଚମତ୍କାର ବିଜୟ ପରେ କାହିଁକି କ୍ଷମା ମାଗିଲେ କଂଗ୍ରେସ ସାଂସଦ ଶଶି ଥରୁର?

August 4, 2025

ଗିନିଜ୍ ଓ୍ୱାର୍ଲଡ୍ ରେକର୍ଡରେ ସ୍ଥାନ ପାଇଲା ପ୍ରଧାନମନ୍ତ୍ରୀଙ୍କ ‘ପରୀକ୍ଷା ପେ ଚର୍ଚ୍ଚା ୨୦୨୫’: ଧର୍ମେନ୍ଦ୍ର ପ୍ରଧାନ

August 4, 2025
Latest News

କାହା ପାଇଁ ଆଜିର ଦିନଟି ସୁଖ ଆଣିବ, କାହାର ବିଗିଡିବ ସ୍ୱାସ୍ଥ୍ୟ: ପଢନ୍ତୁ ମଙ୍ଗଳବାର ରାଶିଫଳ

August 5, 2025

ଗୋଦାବରୀଶ ମିଶ୍ର ଆଦର୍ଶ ପ୍ରାଥମିକ ବିଦ୍ୟାଳୟ କାର୍ଯ୍ୟକ୍ରମ ସମୀକ୍ଷା: ପ୍ରଥମ ପର୍ଯ୍ୟାୟରେ ନିର୍ମାଣ ହେବ ୮୩୫ ସ୍କୁଲ

August 5, 2025

ଜୀ ସାର୍ଥକରେ ଅଗଷ୍ଟ ୧୦ ସନ୍ଧ୍ୟା ୬.୩୦ରେ ଦେଖନ୍ତୁ ଓଡ଼ିଆ ଫିଲ୍ମ ‘ପାରି କରିବେ ଭୋଳାଶଙ୍କର ୪’

August 4, 2025

୩୩ ସିଭିଲ ଜଜଙ୍କୁ ଶପଥ ପାଠ କରାଇଲେ ଓଡିଶା ହାଇକୋର୍ଟର ମୁଖ୍ୟ ବିଚାରପତି

August 4, 2025

ଖୋର୍ଦ୍ଧା: ଜିଲ୍ଲା ସ୍ତରୀୟ ମିଳିତ ଅଭିଯୋଗ ଶୁଣାଣି ଅନୁଷ୍ଠିତ

August 4, 2025
Load More
The Samikhsya Odia
Facebook X (Twitter) LinkedIn
  • About Us
  • Contact Details
  • Grievance
  • Privacy Policy
  • Terms Of Use

Chief Editor: Sarat Paikray

© 2018-2025 All rights resorved by S M Network | Designed by Ratna Technology.

Type above and press Enter to search. Press Esc to cancel.