ନୂଆଦିଲ୍ଲୀ: ବାଲିଠାରେ ଚାଲିଥିବା ଜି-୨୦ ଶିଖର ସମ୍ମିଳନୀ କାଳରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଯୁକ୍ତରାଷ୍ଟ୍ର ଆମେରିକାର ରାଷ୍ଟ୍ରପତି ଯୋଶେଫ ଆର ବାଇଡେନଙ୍କୁ ସାକ୍ଷାତ କରିଛନ୍ତି। ସେମାନେ ଭାରତ-ଯୁକ୍ତରାଷ୍ଟ୍ର ରଣନୈତିକ ଭାଗିଦାରୀ ତଥା ନୂତନ ପ୍ରଯୁକ୍ତିବିଦ୍ୟା, ଆଧୁନିକ କମ୍ପ୍ୟୁଟିଙ୍ଗ୍ ଓ କୃତ୍ରିମ ମେଧା ଇତ୍ୟାଦି ସମ୍ପର୍କରେ ଆଲୋଚନା କରିଥିଲେ। କ୍ୱାଡ୍, ୧୨ୟୁ୨ ଇତ୍ୟାଦିକୁ କେନ୍ଦ୍ର କରି ଉଭୟ ନେତା ଭାରତ-ଯୁକ୍ତରାଷ୍ଟ୍ର ସମ୍ପର୍କ ନେଇ ସନ୍ତୋଷ ପ୍ରକଟ କରିଥିଲେ।
ଉଭୟ ନେତା ବୈଶ୍ୱିକ ଓ ଆଞ୍ଚଳିକ ବିକାଶ ବିଷୟ ଉପରେ କଥା ହୋଇଥିଲେ। ଭାରତ-ୟୁଏସ ଭାଗିଦାରିତା ନିରବଚ୍ଛିନ୍ନ ସହଯୋଗ ଯୋଗୁଁ ବୃଦ୍ଧି ପାଉଥିବାରୁ ଶ୍ରୀ ମୋଦୀ ରାଷ୍ଟ୍ରପତି ବାଇଡେନଙ୍କୁ ଧନ୍ୟବାଦ ଜ୍ଞାପନ କରିଥିଲେ। ଭାରତର ଜି-୨୦ ଅଧ୍ୟକ୍ଷତା କାଳରେ ଉଭୟ ଦେଶ ଉତ୍ତମ ସମନ୍ୱୟ ରକ୍ଷା କରିବେ ବୋଲି ଶ୍ରୀ ମୋଦୀ ବିଶ୍ୱାସ ପ୍ରକଟ କରିଥିଲେ।