ପୁରୀ: ବିବାହ ପୁର୍ବରୁ ବିଶ୍ବର ପ୍ରତିଷ୍ଠିତ ଶିଳ୍ପପତି ମୁକେଶ ଆମ୍ବାନୀଙ୍କ ପୁଅ ଅନନ୍ତ ଆମ୍ବାନୀ ପୁରୀ ଆସି ଜଗନ୍ନାଥଙ୍କ ଆର୍ଶିବାଦ ନେଇଛନ୍ତି। ନିକଟରେ ଅନନ୍ତଙ୍କ ନିର୍ବନ୍ଧ ଶେଷ ହୋଇଛି। ସେ ରାଧୀକା ମର୍ଚେଣ୍ଟଙ୍କୁ ବିବାହ କରିବେ। ସେଥିପାଇଁ ସେ ବିବାହ ପୂର୍ବରୁ ଦେଶର ପ୍ରତିଷ୍ଠିତ ମନ୍ଦିର ଦର୍ଶନ କରୁଛନ୍ତି।
ଆଜି ଅନନ୍ତ ଦିନ 2. 30 ମିନଟରେ ଏକ ଚାଟର ଫ୍ଲାଇଟରେ ଆସି ଭୁବନେଶ୍ବରରେ ପହଁଚିଥିଲେ। ସେଠାରୁ ସେ କାର ଯୋଗେ ପୁରୀ ଗସ୍ତ କରିଥିଲେ। ସେଥିପାଇଁ ସୁରକ୍ଷା ବ୍ୟବସ୍ଥା ପୁରା କଡାକଡି କରାଯାଇଥିଲା। ସେ ଗତକାଲି ଗୌହାଟୀରେ କାମାକ୍ଷା ଦେବୀଙ୍କୁ ଦର୍ଶନ କରି ସେଠାରେ ଅବସ୍ଥାନ କରିଥିଲେ। ଆଜି ସିଧା ଗୌହାଟୀରୁ ଭୁବନେଶ୍ବର ଆସିଛନ୍ତି।
ଅନନ୍ତ ପୁରୀରେ ପହଁଚିବାପରେ ତାଙ୍କୁ ସେବକ ତଥା ଜିଲ୍ଲା ପ୍ରଶାସନ ତରଫରୁ ସ୍ବାଗତ କରାଯାଇଥିଲା। ସେ ବଡଦାଣ୍ଡରେ କିଛି ବାଟ ଚାଲିଚାଲି ସିଂହଦ୍ବାର ନିକଟରେ ପହଁଚିଥିଲେ। ସେଠାରେ ତାଙ୍କୁ ସ୍ବାଗତ କରାଯାଇଥିଲା। ବଡ ଦାଣ୍ଡରୁ ସେ ନୀଳଚକ୍ରକୁ ଦେଖି ମୁଣ୍ଡିଆ ମାରିଥିଲେ। ସାଧାରଣ ଭକ୍ତଙ୍କ ପରି ସେ ମନ୍ଦିର ଭିତରକୁ ଯାଇଥିଲେ।
ଏହାପରେ ଅନନ୍ତ ଗରୁଡ ସ୍ତମ୍ଭ, ପତିତପାବନ ସହିତ ଭିତରେ ବିଭିନ୍ନ ଦେବା ଦେବୀଙ୍କ ନିକଟରେ ପୂଜା ଅର୍ଚ୍ଚନା କରିଛନ୍ତି। ସେ ମନ୍ଦିର ଭିତରେ ପ୍ରାୟ ତିରିଶି ମିନଟ ପର୍ଯ୍ୟନ୍ତ ରହି ଶ୍ରୀଜୀୟୁଙ୍କ ଦର୍ଶନ କରିଥିଲେ। ଅନନ୍ତଙ୍କୁ ଦେଖିବା ପାଇଁ ବଡଦାଣ୍ଡରେ ଲୋକଙ୍କ ଭିଡ ମଧ୍ୟ ପରିଲକ୍ଷିତ ହୋଇଥିଲା।
ଦର୍ଶନ ପରେ ସେ ଭୁବନେଶ୍ବର ଆସି ମୁମ୍ବାଇ ଫେରିଯାଇଥିବାର ଜଣାପଡିଛି।
