ନୂଆଦିଲ୍ଲୀ: ଆଜି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କୁ ସାକ୍ଷାତ କରିଛନ୍ତି ଶ୍ରଦ୍ଧା ଜୈନ ଯିଏ କି ‘ଆୟୋ ଶ୍ରଦ୍ଧା’ ଭାବେ ପରିଚିତ। ଏ ନେଇ ସେ ନିଜ ସାମାଜିକ ଗଣମାଧ୍ୟମରେ ଏକ ଫଟୋ ଏବଂ ଲେଖା ପୋଷ୍ଟ କରିଛନ୍ତି। ସେ ଲେଖିଛନ୍ତି ଯେ, ପ୍ରଧାନମନ୍ତ୍ରୀ ମୋତେ ଆୟୋ ବୋଲି ସମ୍ବୋଧୀତ କରିଥିବାରୁ ମୁଁ ଆଶ୍ଚର୍ଯ୍ୟ ହୋଇପଡିଲି।
ତେବେ ପ୍ରଶ୍ନ ଉଠୁଛି ଯେ, ଏହି ଶ୍ରଦ୍ଧା ଜୈନ ବା ଆୟୋ ଶ୍ରଦ୍ଧା କିଏ ସେ। ସେ ହେଉଛନ୍ତି ଇନଷ୍ଟାଗ୍ରାମରେ ଜଣେ ପ୍ରଭାବଶାଳୀ ବ୍ୟବହାରକାରୀ। ସେ ନିକଟରେ ଆଇଟି ସେକ୍ଟରରୁ ଯେଉଁ ବଡ ଧରଣର ଛଟେଇ ହେଲା ତାହାକୁ ନେଇ ଏକ ଭିଡିଓ ପୋଷ୍ଟ କରିଥିଲେ। ଯାହା ଇନଷ୍ଟାଗ୍ରାମରେ ବେଶ ଭାଇରାଲ ହୋଇଥିଲା। ଶ୍ରଦ୍ଧା ଏହାକୁ ଏକ ବ୍ୟଙ୍ଗାତ୍ମାକ ଢଙ୍ଗରେ ପରିବେଷଣ କରିଥିଲେ।
ତାଙ୍କ ଲିଙ୍କଡଇନ୍ ପ୍ରୋଫାଇଲ୍ ଅନୁଯାୟୀ, ସେ ବେଙ୍ଗାଲୁରୁରେ ରୁହନ୍ତି ଏବଂ ଏଥିରେ ତାଙ୍କର 83,000 ରୁ ଅଧିକ ଅନୁସରଣକାରୀ ଅଛନ୍ତି। ସେହିପରି ଇନଷ୍ଟାଗ୍ରାମରେ ତାଙ୍କର 6.88 ଲକ୍ଷ ଅନୁସରଣକାରୀ ଅଛନ୍ତି। ସେ ବିଭିନ୍ନ ଶିଳ୍ପଗୁଡିକରେ ଘଟୁଥିବା ବିଷୟଗୁଡିକ ଉପରେ ଭିଡିଓ ପୋଷ୍ଟ କରିଥା’ନ୍ତି, ଯାହା ସୋସିଆଲ ମିଡିଆ ବ୍ୟବହାରକାରୀଙ୍କ ଦ୍ୱାରା ପ୍ରଶଂସିତ ହୋଇଥାଏ।