ଭୁବନେଶ୍ବର: ଆଜି ଓଡିଶା ବିଧାନସଭାରେ ରାଜ୍ୟ ସରକାର ୨୦୨୩-୨୪ ବର୍ଷ ପାଇଁ ବଜେଟ ଉପସ୍ଥାପନ କରିଛନ୍ତି। ଅର୍ଥମନ୍ତ୍ରୀ ନିରଞ୍ଜନ ପୂଜାରୀ ଚଳିତ ବର୍ଷର ବଜେଟ ଉପସ୍ଥାପନ କରିଛନ୍ତି। ଚଳିତ ବଜେଟରେ ମୋଟ ୨ ଲକ୍ଷ ୩୦ ହଜାର କୋଟି ଟଙ୍କା ବ୍ୟୟବରାଦ କରାଯାଇଛି। ଗତ ବଜେଟ ଅପେକ୍ଷା ଚଳିତ ବଜେଟରେ ୧୫ ପ୍ରତିଶତ ବୃଦ୍ଧି କରାଯାଇଛି।
ଜାଣନ୍ତୁ କେଉଁ ବିଭାଗ ପାଇଁ ବ୍ୟୟବରାଦ କେତେ?:
୧- କୃଷି କ୍ଷେତ୍ର: ୨୪ ହଜାର ୮୨୯ କୋଟି ଟଙ୍କା
୨- ସ୍ୱାସ୍ଥ୍ୟ କ୍ଷେତ୍ର: ୧୬ ହଜାର ୪୮ କୋଟି ଟଙ୍କା
୩- ପାଇପ ଜଳ ଯୋଗାଣ: ୧୩ ହଜାର ୨୧୫ କୋଟି ଟଙ୍କା
୪- ରାସ୍ତା, ପୋଲ, ରେଳ ଓ ଏୟାରପୋର୍ଟ ବିକାଶ: ୧୯ ହଜାର ୪୫୨ କୋଟି
୫- ସହରାଞ୍ଚଳ ବିକାଶ: ୭ ହଜାର ୯୧୯ କୋଟି ଟଙ୍କା
୬- ମିଶନ ଶକ୍ତି, ମହିଳା ଓ ଶିଶୁ କଲ୍ୟାଣ: ୬ ହଜାର ୨୨୪ କୋଟି ଟଙ୍କା
୭- ଶିଳ୍ପ ଓ ଏମଏସଏମଇ: ୧୩୫୮ କୋଟି ଟଙ୍କା
୮- ବିପର୍ଯ୍ୟୟ ପରିଚାଳନା: ୩୭୦୦ କୋଟି ଟଙ୍କା
୯- ଶିକ୍ଷା ଓ ଦକ୍ଷତା ବିକାଶ: ୩୦ ହଜାର ୩୦ କୋଟି ଟଙ୍କା
୧୦- ଏସସି/ଏସଟି କଲ୍ୟାଣ: ୩୮ ହଜାର ୪୩୭ କୋଟି ଟଙ୍କା
୧୧- ପର୍ଯ୍ୟଟନ: ୬୮୦ କୋଟି ଟଙ୍କା
୧୨- କ୍ରୀଡା: ୧ ହଜାର ୨୧୭ କୋଟି ଟଙ୍କା
୧୩- ଇ ଆଣ୍ଡ ଆଇଟି: ୩୫୬ କୋଟି ଟଙ୍କା
୧୪- ହସ୍ତତନ୍ତ ବୟନଶିଳ୍ପ: ୨୧୯ କୋଟି ଟଙ୍କା
୧୫- ଆଭ୍ୟନ୍ତରୀଣ ସୁରକ୍ଷା: ୮ ହଜାର ୧୩୦ କୋଟି ଟଙ୍କା
ତେବେ ଚଳିତ ବଜେଟରେ ସ୍ୱାସ୍ଥ୍ୟ ସେବା ପାଇଁ ଅଧିକ ଗୁରୁତ୍ଵ ଦିଆଯାଇଛି। ସେଥିପାଇଁ ଆମ ହସ୍ପିଟାଲ ଯୋଜନା ଆରମ୍ଭ ହେବ। ଯେଉଁପାଇଁ ୭୫୦ କୋଟି ଟଙ୍କା ବ୍ୟବରାଦ କରାଯାଇଛି। ଏହି ଯୋଜନା ଅନୁଯାୟୀ ପ୍ରତ୍ୟେକ ବର୍ଷ ୧୪୭ ଟି ହସ୍ପିଟାଲକୁ ରୂପାନ୍ତରିତ କରାଯିବ।
