ସପ୍ତଦଶ ଲୋକସଭାରେ ଦେଶର ୧୫ ତମ ପ୍ରଧାନମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି ନରେନ୍ଦ୍ର ଦାମୋଦର ଦାସ ମୋଦୀ। କ୍ରମାଗତ ଦ୍ବିତୀୟ ଥର ପାଇଁ ପ୍ରଧାନମନ୍ତ୍ରୀ ଭାବରେ ଶପଥ ଗ୍ରହଣ କରିଥିବା ମୋଦିଙ୍କୁ ରାଷ୍ଟ୍ରପତି ରାମନାଥ କୋବିନ୍ଦ ପଦ ଏବଂ ଗୋପନୀୟତାର ଶପଥପାଠ କରାଇଛନ୍ତି। ମୋଦିଙ୍କ ସମେତ ୫୮ ଜଣ ଏନ୍ଡିଏ ସଦସ୍ୟ ମନ୍ତ୍ରୀ ଭାବରେ ଶପଥ ଗ୍ରହଣ କରିଛନ୍ତି। ତନ୍ମଧ୍ୟରୁ ୨୪ ଜଣଙ୍କୁ କ୍ୟାବିନେଟ ପାହ୍ୟା ମିଳିଛି। ୯ ଜଣଙ୍କୁ ରାଷ୍ଟ୍ର ମନ୍ତ୍ରୀ (ସ୍ବାଧୀନ) ଦାୟିତ୍ବ ମିଳିଥିବା ବେଳେ ବାକି ସମସ୍ତଙ୍କୁ ରାଷ୍ଟ୍ରମନ୍ତ୍ରୀ ପାହ୍ୟା ପ୍ରଦାନ କରାଯାଇଛି। ଆଶ୍ଚର୍ଯ୍ୟ ଜନକ ଭାବରେ ସୁଷମା ସ୍ବରାଜଙ୍କୁ କ୍ୟାବିନେଟ ତଥା ମନ୍ତ୍ରୀମଣ୍ଡଳରୁ ବାଦ ଦିଆଯାଇଛି। ଅସୁସ୍ଥତା କାରଣରୁ ଚଳିତ ବର୍ଷ ନିର୍ବାଚନ ଲଢିନଥିଲେ ସୁଷମା ସ୍ବରାଜ। ଓଡିଶାରୁ ମଧ୍ୟପ୍ରଦେଶ ସାଂସଦ ଧର୍ମେନ୍ଦ୍ର ପ୍ରଧାନଙ୍କୁ କ୍ୟାବିନେଟ ପାହ୍ୟା ମିଳିଥିବା ବେଳେ ବାଲେଶ୍ବର ସାଂସଦ ପ୍ରତାପ ଷଡଙ୍ଗୀଙ୍କୁ ରାଷ୍ଟ୍ରମନ୍ତ୍ରୀ ପାହ୍ୟା ପ୍ରଦାନ କରାଯାଇଛି। ଗତଥରର ଆବଦିବାସୀ ମନ୍ତ୍ରାଳୟ ଦାୟିତ୍ବରେ ରହିଥିବା ଜୁଏଲ୍ ଓରାମଙ୍କୁ କୌଣସି ଦାୟିତ୍ବ ଦିଆଯାଇ ନାହିଁ। ଚଳିତ ମନ୍ତ୍ରୀ ମଣ୍ଡଳରେ ସମୁଦାୟ ୧୯ ଜଣ ନୂତନ ଚେହେରା ଦେଖିବାକୁ ମିଳିଥିବା ବେଳେ ୬ ଜଣ ପ୍ରଥମ ଥର ପାଇଁ କ୍ୟାବିନେଟରେ ସ୍ଥାନ ପାଇଛନ୍ତି।
ବିଶ୍ୱର ସର୍ବବୃହତ୍ ଗଣତନ୍ତ୍ରର ପ୍ରଧାନମନ୍ତ୍ରୀଙ୍କ ଶପଥ ଗ୍ରହଣ ଉତ୍ସବରେ ବହୁ ରାଷ୍ଟ୍ରମୁଖ୍ୟ, ଶାସନ ମୁଖ୍ୟ, ସମ୍ବିଧାନ ବିଶେଷଜ୍ଞ ଓ କୂଟନୈତୀଜ୍ଞ ମାନେ ଶପଥ ଗ୍ରହଣ ଉତ୍ସବରେ ଯୋଗଦେଇଛନ୍ତି। ସରକାରଙ୍କ ପ୍ରଥମେ ପଡ଼ୋଶୀ ନୀତି ଦୃଷ୍ଟିରୁ ଭାରତ ବିମ୍ଷ୍ଟେକ୍ ରାଷ୍ଟ୍ରସମୂହର ମୁଖ୍ୟମାନଙ୍କୁ ଏହି ଉତ୍ସବକୁ ଆମନ୍ତ୍ରଣ କରିଛି। ବାଂଲାଦେଶ, ଶ୍ରୀଲଙ୍କା, କିରଗିଜ୍ ସାଧାରଣତନ୍ତ୍ର ଓ ମ୍ୟାଁମାର ରାଷ୍ଟ୍ରପତି ଏବଂ ମରିସସ୍, ନେପାଳ, ଭୁଟାନର ପ୍ରଧାନମନ୍ତ୍ରୀ ତଥା ଥାଇଲାଣ୍ଡର ସ୍ୱତନ୍ତ୍ର ଦୂତ ଶପଥ ଗ୍ରହଣ ଉତ୍ସବରେ ଯୋଗ ଦେଇଛନ୍ତି।
ସେହିପରି ଏହି ଶପଥ ଗ୍ରହଣ କାର୍ଯ୍ୟକ୍ରମରେ ୟୁପିଏ ଅଧ୍ୟକ୍ଷା ସୋନିଆ ଗାନ୍ଧୀ, କଂଗ୍ରେସ ସଭାପତି ରାହୁଲ ଗାନ୍ଧୀ, ବରିଷ୍ଠ କଂଗ୍ରେସ ନେତା ଘୁଲାମ ନବୀ ଆଜାଦ, ସମାଜବାଦୀ ପାର୍ଟି ମୁଖ୍ୟ ମୁଲାୟମ ସିଂ ଯାଦବ, ବିଜେପିର ବରିଷ୍ଠ ନେତା ଏଲ୍ କେ ଆଡଭାନୀ ଏବଂ ଭେଟେରାନ୍ ମୁରଲୀ ମନୋହର ଯୋଶୀଙ୍କୁ ପ୍ରଥମ ଧାଡିରେ ବସିଥିବାର ନଜର ଆସିଥିଲେ। ଶିଳ୍ବପତି ମୁକେଶ ଅମ୍ବାନୀଙ୍କ ସମେତ ଅନେକ ବଲିଉଡ୍ ତାରକା ଶପଥ ଗ୍ରହଣ ତାଲିକାରେ ସାମିଲ ହୋଇଥିଲେ। ବଲିଉଡ୍ ତାରକାଙ୍କ ମଧ୍ୟରେ କଙ୍ଗନା ରଣାଓ୍ବତ, ସାହିଦ କପୁର, ଅନୁପମ ଖେର, କରଣ ଜୋହର, ବିବେକ ଓବେରୟ ଏବଂ ଜିତେନ୍ଦ୍ର ଉପସ୍ଥିତ ଥିଲେ। ତେଲୁଗୁ ଷ୍ଟାର ରଜନୀକାନ୍ତ ମଧ୍ୟ ଅତିଥି ଭାବରେ ଯୋଗ ଦେଇଥିଲେ।
କ୍ୟାବିନେଟ୍ରେ ସ୍ଥାନ ପାଇଥିବା ମନ୍ତ୍ରୀ :
ରାଜନାଥ ସିଂହ
ଅମିତ ଶାହ
ନିତ୍ନୀ ଗଡ୍କରୀ,
ପିୟୂଷ ଗୋଏଲ୍
ନିର୍ମଳା ସୀତାରମଣ
ରାମବିଳାଶ ପାଶ୍ବାନ
ନରେନ୍ଦ୍ର ସିଂ ତୋମାର
ହରସିମରତ୍ କୌର୍ ବାଦଲ୍
ରବିଶଙ୍କର ପ୍ରସାଦ
ପ୍ରକାଶ ଜାଭେଡ଼କର
ସ୍ମୃତି ଇରାନୀ
ଥାଓ୍ବରଚନ୍ଦ ଗେହଲଟ୍
ଏସ୍ ଜୟଶଙ୍କର
ସଦାନନ୍ଦ ଗୌଡ଼ା
ଧର୍ମେନ୍ଦ୍ର ପ୍ରଧାନ
ମୁଖତାର୍ ଅବ୍ବାସ ନକ୍ଭୀ
ଡ. ହର୍ଷ ବର୍ଦ୍ଧନ
ଅର୍ଜୁନ ମୁଣ୍ଡା
ପ୍ରହ୍ଲାଦ ଯୋଶୀ
ମହେନ୍ଦ୍ର ନାଥ ପାଣ୍ଡେ
ଅରବିନ୍ଦ ସାଓ୍ବନ୍ତ
ଗିରିରାଜ ସିଂ
ଗଜେନ୍ଦ୍ର ସିଂ ଶେଖାଓ୍ବତ୍
ରମେଶ ପୋଖରିୟାଲ ନିଶଙ୍କ