ନୂଆଦିଲ୍ଲୀ: ମୋଦି ଉପନାମ ମାମଲାରେ ରାହୁଲ ଗାନ୍ଧିଙ୍କୁ ବଡ଼ ଆଶ୍ୱସ୍ତି ଦେଇଛନ୍ତି ସୁପ୍ରିମକୋର୍ଟ। ସର୍ବୋଚ୍ଚ ନ୍ୟାୟାଳୟ କଂଗ୍ରେସ ନେତାଙ୍କ ଦୋଷୀ ସାବ୍ୟସ୍ତ ଉପରେ ରୋକ୍ ଲଗାଇଛନ୍ତି। ଅଦାଲତ କହିଛନ୍ତି ଯେ ଯେ ପର୍ଯ୍ୟନ୍ତ ରାହୁଲଙ୍କ ଦୋଷୀ ସାବ୍ୟସ୍ତ ଆବେଦନ ବିଚାରାଧୀନ ରହିବ, ତାଙ୍କ ଦଣ୍ଡାଦେଶ ଉପରେ ରୋକ ଲଗାଯିବ।
ଏବେ ରାହୁଲ ସଂସଦର ମୌସୁମୀ ଅଧିବେଶନରେ ଭାଗ ନେଇପାରନ୍ତି ବୋଲି କୁହାଯାଉଛି। ରାହୁଲଙ୍କ ଓକିଲ କହିଛନ୍ତି ଯେ ରାହୁଲଙ୍କ ସଦସ୍ୟତା ପୁନରୁଦ୍ଧାର କରାଯାଇଛି। ଚଳିତ ଅଧିବେଶନରୁ ରାହୁଲଙ୍କୁ ସଂସଦ ଅଧିବେଶନରେ ଦେଖିବାକୁ ମିଳିବ ବୋଲି ତାଙ୍କ ଓକିଲ ଦାବି କରିଛନ୍ତି।
କେବେ ସଂସଦକୁ ଆସିବେ ରାହୁଲ ଗାନ୍ଧି ?
ସୁପ୍ରିମକୋର୍ଟଙ୍କ ରାୟ ପରେ ଏହାର ନକଲ ଲୋକସଭା ବାଚସ୍ପତିଙ୍କ ସଚିବାଳୟକୁ ଯିବ ବୋଲି ଅନୁମାନ କରାଯାଉଛି। ଏହାପରେ ଲୋକସଭା ବାଚସ୍ପତି ରାହୁଲ ଗାନ୍ଧିଙ୍କ ସଦସ୍ୟତା ନେଇ ନିଷ୍ପତ୍ତି ନେଇପାରନ୍ତି। ସଂସଦର ମୌସୁମୀ ଅଧିବେଶନରୁ ହିଁ ରାହୁଲ ଅଂଶଗ୍ରହଣ କରିପାରିବେ ବୋଲି ବିଶ୍ୱାସ କରାଯାଉଛି।
ରାହୁଲ ଗାନ୍ଧିଙ୍କୁ ୨ ବର୍ଷ ଜେଲ ଦଣ୍ଡାଦେଶ ମିଳିବା ପରେ ଲୋକସଭା ସଚିବାଳୟ ତାଙ୍କୁ ଅଯୋଗ୍ୟ ଘୋଷଣା କରିଥିଲା। ତେବେ ନିର୍ବାଚନ ଆୟୋଗ ୱାୟନାଡରେ ନିର୍ବାଚନ ଘୋଷଣା କରିନାହାନ୍ତି। ବାଚସ୍ପତି ଏ ନେଇ ନିର୍ବାଚନ କମିଶନଙ୍କୁ ଅବଗତ କରାଇବା ପରେ ବାଚସ୍ପତି ଏ ନେଇ ନିଷ୍ପତ୍ତି ନେବେ। ଯଦି ସବୁ କିଛି ଠିକ୍ ଠାକ୍ ରହେ ତେବେ ରାହୁଲ ସୋମବାର କିମ୍ବା ମଙ୍ଗଳବାର ସଂସଦ ଅଧିବେଶନରେ ଯୋଗ ଦେଇପାରନ୍ତି।
ଅନାସ୍ଥା ପ୍ରସ୍ତାବରେ ଭାଗ ନେବେ କି ରାହୁଲ ଗାନ୍ଧି ?
ଅଗଷ୍ଟ ୮ ଓ ୧୦ ତାରିଖରେ ଅନାସ୍ଥା ପ୍ରସ୍ତାବ ଉପରେ ଆଲୋଚନା ହେବାର କାର୍ଯ୍ୟକ୍ରମ ରହିଛି। ଏବେ ଲୋକସଭା ବାଚସ୍ପତିଙ୍କୁ ରାହୁଲ ଗାନ୍ଧିଙ୍କ ସଦସ୍ୟତା ନେଇ ନିଷ୍ପତ୍ତି ନେବାକୁ ପଡ଼ିବ। ଅନୁମତି ମିଳିବାମାତ୍ରେ ରାହୁଲ ଗୃହକୁ ଯିବେ। ସୋମବାର କିମ୍ବା ମଙ୍ଗଳବାର ରାହୁଲ ଲୋକସଭାରେ ଉପସ୍ଥିତ ରହିବେ ବୋଲି ଅନୁମାନ କରାଯାଉଛି। ମଙ୍ଗଳବାର ଗୃହରେ ଅନାସ୍ଥା ପ୍ରସ୍ତାବ ଉପରେ ବିତର୍କ ହେବ। ଯଦି ବାଚସ୍ପତି ସୋମବାର ସୁଦ୍ଧା ରାହୁଲଙ୍କ ସଦସ୍ୟତା ନେଇ ନିଷ୍ପତ୍ତି ନିଅନ୍ତି, ତେବେ ସେ ଅନାସ୍ଥା ପ୍ରସ୍ତାବର ବିତର୍କରେ ସାମିଲ ହୋଇପାରନ୍ତି।
କଂଗ୍ରେସରେ ଉତ୍ସବର ବାତାବରଣ
କଂଗ୍ରେସ ନେତାମାନେ ରାହୁଲ ଗାନ୍ଧିଙ୍କ ଦଣ୍ଡାଦେଶ ଉପରେ ରହିତାଦେଶକୁ ସ୍ୱାଗତ କରିବା ସହ ବିଜେପିକୁ ଟାର୍ଗେଟ କରିଛନ୍ତି। ରାହୁଲ ଗାନ୍ଧିଙ୍କ ଭିଣୋଇ ରବର୍ଟ ଭଦ୍ରା ଏହାକୁ ସ୍ୱାଗତ କରିବା ସହ ରାହୁଲଙ୍କୁ ହଇରାଣ କରିବାକୁ ଉଦ୍ୟମ ହୋଇଥିବା କହିଛନ୍ତି। କିନ୍ତୁ ଆମେ ଏହି ନିଷ୍ପତ୍ତିକୁ ସ୍ୱାଗତ କରୁଛୁ। ଅନ୍ୟପକ୍ଷରେ କଂଗ୍ରେସ ନେତା ଇମ୍ରାନ ପ୍ରତାପଗଡ଼ୀ କହିଛନ୍ତି ଯେ ରାହୁଲ ଗାନ୍ଧି ସଂସଦର ମୌସୁମୀ ଅଧିବେଶନରେ ଯୋଗ ଦେବେ ବୋଲି ସେ ଆଶା ରଖିଛନ୍ତି।
