ଭୁବନେଶ୍ୱର: ବିବାହର ଏକ ବର୍ଷ ପରେ ମଧ୍ୟ ଗର୍ଭଧାରଣରେ ଅକ୍ଷମତା ପରିଲକ୍ଷିତ ହେବା ନିଃସନ୍ତାନର ଲକ୍ଷଣ ହୋଇପାରେ। ବର୍ତ୍ତମାନ ୧୫ ପ୍ରତିଶତ ଭାରତୀୟ ଏହାର ଶିକାର ହେଉଛନ୍ତି। ତ୍ରୁଟିପୂର୍ଣ୍ଣ ଜୀବନଶୈଳୀ, ମେଦବହୁଳତା, ହରମୋନ୍ ସମସ୍ୟା, ଦମ୍ପତ୍ତିଙ୍କ ଦ୍ୱାରା ବିଳମ୍ବ, ଧୂମ୍ରପାନ, ଅତ୍ୟଧିକ ମଦ୍ୟପାନ ଏବଂ ପରିବେଶର ପ୍ରଭାବ ଭାରତରେ ସନ୍ତାନହୀନତା ବୃଦ୍ଧିର ମୁଖ୍ୟ କାରଣ ପାଲଟିଛି।
ସନ୍ତାନହୀନତା ସମ୍ପର୍କରେ ସାମାଜିକ ମାନସିକତାରେ ଏପର୍ଯ୍ୟନ୍ତ ଅଧିକ ପରିବର୍ତ୍ତନ ଆସିନାହିଁ, ଯାହା ଦମ୍ପତ୍ତିଙ୍କ ପିତାମାତା ହେବାର ସ୍ୱପ୍ନକୁ ସାକାର କରିବା ପାଇଁ ପ୍ରଜନନ ଚିକିତ୍ସା ଆପଣାଇବାକୁ ବାରଣ କରିଥାଏ। ଏବେ ସମୟ ଆସିଛି, ପ୍ରତିବନ୍ଧକର ଶୃଙ୍ଖଳକୁ ଛିଡାଇ ଉନ୍ନତ ପ୍ରଜନନ ଚିକିତ୍ସା ବିଷୟରେ ସଚେତନତା ସୃଷ୍ଟି କରିବା ସହିତ ସନ୍ତାନହୀନତା ସମ୍ପର୍କରେ ଆଲୋଚନା କରିବା ପାଇଁ ପ୍ରୋତ୍ସାହିତ କରିବାକୁ ହେବ।
ଭାରତର ଅନ୍ୟତମ ବିଶ୍ୱସନୀୟ ଫର୍ଟିଲିଟି ସେଣ୍ଟର ଓଆସିସ୍ ଫର୍ଟିଲିଟି, ଭୁବନେଶ୍ୱର, ଆଇଭିଏଫ୍ ମାଧ୍ୟମରେ ଗର୍ଭବତୀ ହୋଇଥିବା ଦମ୍ପତ୍ତିଙ୍କୁୁ ଉତ୍ସାହିତ କରିବା ପାଇଁ ଏକ ସମୁହ ବେବି ସାୱର କାର୍ଯ୍ୟକ୍ରମ ଆୟୋଜନ କରିଛି।
ଏହି ଅବସରରେ ଉଦ୍ବୋଧନ ଦେଇ ଓଆସିସ୍ ଫର୍ଟିଲିଟି, ଭୁବନେଶ୍ୱରର କ୍ଲିନିକାଲ ମୁଖ୍ୟ ଓ ଫର୍ଟିଲିଟି ସ୍ପେଶାଲିଷ୍ଟ ଡ. ପ୍ରଶାନ୍ତ କୁମାର ନାୟକ କହିଛନ୍ତି, ‘ମାତୃତ୍ୱ ଲାଭ କରିବାକୁ ଯାଉଥିବା ସମସ୍ତଙ୍କୁ ମୁଁ ଶୁଭେଚ୍ଛା ଜଣାଉଛି। ଆମେ ଓଆସିସ୍ ଫର୍ଟିଲିଟିରେ ଦମ୍ପତ୍ତିମାନଙ୍କୁ ସେମାନଙ୍କ ପିତାମାତା ହେବାର ସ୍ୱପ୍ନକୁ ସାକାର କରିବା ପାଇଁ ଉନ୍ନତ ପ୍ରଜନନ ଚିକିତ୍ସା ପ୍ରଦାନ କରୁଛୁ।
ବୟସ ସହିତ ପ୍ରଜନନ କ୍ଷମତା ଧିରେ ଧିରେ ହ୍ରାସ ପାଇଥାଏ। ତେଣୁ ବିଳମ୍ବ ନ କରି ପ୍ରଜନନ ସହାୟତା ପାଇଁ ସଠିକ ସମୟରେ ଜଣେ ଫର୍ଟିଲିଟି ସ୍ପେଶାଲିଷ୍ଟଙ୍କ ସହ ପରାମର୍ଶ କରିବା ଅତ୍ୟନ୍ତ ଗୁରୁତ୍ୱପୂର୍ଣ୍ଣ। ଦମ୍ପତ୍ତିମାନଙ୍କ ବୟସ, ପୂର୍ବ ଚିକିତ୍ସା ଏବଂ ଜୀବନଶୈଳୀ ଇତ୍ୟାଦିକୁ ଆଧାର କରି ଆମେ ସେମାନଙ୍କୁ ବ୍ୟକ୍ତିଗତ ପ୍ରଜନନ ଚିକିତ୍ସା ପ୍ରଦାନ କରିଥାଉ, ଯାହା ସଫଳତା ହାରକୁ ବଢାଇବାରେ ସହାୟକ ହୋଇଥାଏ।
ଆଣ୍ଡ୍ରୋଲାଇଫ୍ ହେଉଛି ଆମର ସ୍ୱତନ୍ତ୍ର ପୁରୁଷ ପ୍ରଜନନ କ୍ଲିନିକ୍, ଯାହା ମାଧ୍ୟମରେ ଆମେ ମାଇକ୍ରୋ ଟେସ୍ ପରି ଉନ୍ନତ ଶୁକ୍ରାଣୁ ପୁନରୁଦ୍ଧାର କୌଶଳ ବ୍ୟବହାର କରି କମ୍ ଶୁକ୍ରାଣୁ ଥିବା ପୁରୁଷମାନଙ୍କୁ ମଧ୍ୟ ପିତୃତ୍ୱ ହାସଲ କରିବାରେ ସକ୍ଷମ କରିଥାଉ। ଏପରିକି କ୍ୟାନ୍ସର ରୋଗୀମାନେ ମଧ୍ୟ ପ୍ରଜନନ ସଂରକ୍ଷଣ କରି ଉନ୍ନତ କୌଶଳ ମାଧ୍ୟମରେ କ୍ୟାନ୍ସରର ଚିକିତ୍ସା ପୂର୍ବରୁ ନିଜର ପ୍ରଜନନ କ୍ଷମତାକୁ ସଂରକ୍ଷିତ ରଖି ପିତାମାତା ହେବାର ସୌଭାଗ୍ୟ ପାଇପାରିବେ।
ଗତ ଦେଢବର୍ଷ ମଧ୍ୟରେ ୨,୦୦୦ ରୁ ଊର୍ଦ୍ଧ୍ୱ ହିତାଧିକାରୀଙ୍କର ଚିକିତ୍ସା କରାଯାଇପାରିଛି ଏବଂ ତାଙ୍କର ଏହି ସଫଳତା ହାର ୭୦ ପ୍ରତିଶତ ରହିଛି। କେବଳ ଓଡ଼ିଶା ନୁହେଁ, ରାଜ୍ୟ ବାହାରୁ ମଧ୍ୟ ହିତାଧିକାରୀ ଏହି ଓଆସିସ୍ କେନ୍ଦ୍ରରେ ଚିକିତ୍ସିତ ହୋଇ ଏହାର ଲାଭ ପାଇପାରିଛନ୍ତି।
ଆଇଭିଏଫ୍ ଜରିଆରେ ପିତାମାତା ହେବାକୁ ଯାଉଥିବା ପ୍ରାୟ ୨୦ରୁ ଊର୍ଦ୍ଧ୍ୱ ଦମ୍ପତ୍ତିଙ୍କୁ ଆଜିର ଏହି କାର୍ଯ୍ୟକ୍ରମରେ ସମ୍ବର୍ନ୍ଧନା ଦିଆଯାଇଥିଲା। କାର୍ଯ୍ୟକ୍ରମରେ ସମ୍ବର୍ନ୍ଧିତ ହୋଇଥିବା ଦମ୍ପତ୍ତିମାନେ ଖୁସି ବ୍ୟକ୍ତ କରି କହିଛନ୍ତି ଯେ,ଏହି ଫର୍ଟିଲିଟୀ ସେଣ୍ଟର ସେମାନଙ୍କୁ ପିତୃତ୍ୱ ଓ ମାତୃତ୍ୱ ଲାଭ କରିବାର ସୌଭାଗ୍ୟ ଦେଇଛି।
