ଭୁବନେଶ୍ବର: ସଂଗଠନ କାର୍ଯ୍ୟ ଆରମ୍ଭ କଲେ ବିଜେଡି ସଭାପତି ନବୀନ ପଟ୍ଟନାୟକ। ହସପିଟାଲରୁ ଆସିବା ପରେ ପ୍ରଥମ ଥର ପାଇଁ ଏହି ପଦକ୍ଷେପ ଗ୍ରହଣ କରିଛନ୍ତି ନବୀନ। ଆଜି ବିଜୁ ଛାତ୍ର ଜନତା ଏବଂ ବିଜୁ ଯୁବ ଜନତା ଦଳର ନୂଆ ସଭାପତି ଏବଂ ନୂଆ ସଦସ୍ୟଙ୍କୁ ନିଯୁକ୍ତି ପ୍ରଦାନ କରିଛନ୍ତି। ଏ ନେଇ ଆଜି ବିଜୁ ଜନତା ଦଳ ତରଫରୁ ଏକ ବିଜ୍ଞପ୍ତି ପ୍ରକାଶ ପାଇଛି।
ସେହି ଅନୁସାରେ ବିଜୁ ଛାତ୍ର ଜନତା ଦଳ ସଭାପତି ଭାବେ ଇପସିତା ସାହୁଙ୍କୁ ନିଯୁକ୍ତି ଦିଆଯାଇଛି। ରାଜ୍ୟରେ ଛାତ୍ର ସଂସଦ ନିର୍ବାଚନ ପାଖେଇ ଆସୁଥିବା ବେଳେ ଇପସିତାଙ୍କ ନିଯୁକ୍ତି ବେଶ ଗୁରୁତ୍ବ ବହନ କରୁଛି। ସେହିପରି ଯୁବ ଜନତା ସଭାପତି ଭାବେ ଚିନ୍ନୟ ସାହୁଙ୍କୁ ନିଯୁକ୍ତି ପ୍ରଦାନ କରିଛନ୍ତି ସଭାପତି ନବୀନ ପଟ୍ଟନାୟକ।
ବିଜେଡିର ଏହି ଦୁଇ ଛାମୁଆ ସଂଗଠନ ପାଇଁ ଯେଉଁସବୁ ନିଯୁକ୍ତି ହୋଇଛି ତାହା ହେଲା
ବିଜୁ ଛତ୍ର ଜନତା ଦଳ (BCJD)
- ଇପ୍ସିତା ସାହୁ – ସଭାପତି
- ଶ୍ରୀ ଦେବଶ ଆଚାର୍ଯ୍ୟ – ବରିଷ୍ଠ ସାଧାରଣ ସମ୍ପାଦକ (ଛାତ୍ର ବ୍ୟାପାର)
- ଶ୍ରୀ ଦେବୀ ରଂଜନ ତ୍ରିପାଠୀ – ସାଧାରଣ ସମ୍ପାଦକ (ଛାତ୍ର ବ୍ୟାପାର)
- ଶ୍ରୀ ସୁଭାଶିଷ ଖୁଣ୍ଟିଆ – ସାଧାରଣ ସମ୍ପାଦକ (ଛାତ୍ର ବ୍ୟାପାର)
- ଶ୍ରୀ ସୌଭିକ୍ ବିଶ୍ବାଲ – ସାଧାରଣ ସମ୍ପାଦକ (ଛାତ୍ର ବ୍ୟାପାର)
ବିଜୁ ଯୁବ ଜନତା ଦଳ (BYJD)
- ଚିନ୍ମୟ ସାହୁ – ସଭାପତି
- ଶ୍ରୀ ବୈମକେଶ ରାୟ – ବରିଷ୍ଠ ସାଧାରଣ ସମ୍ପାଦକ (ଯୁବ ବ୍ୟାପାର)
- ଶ୍ରୀ ରାଜେନ୍ଦ୍ର କୁମାର ସାହୁ – ସାଧାରଣ ସମ୍ପାଦକ (ଯୁବ ବ୍ୟାପାର)
- ଶ୍ରୀ ଅମରଶ ପତ୍ରୀ – ସାଧାରଣ ସମ୍ପାଦକ (ଯୁବ ବ୍ୟାପାର)
- ଶ୍ରୀ ସଞ୍ଜିତ ମହାନ୍ତି – ସାଧାରଣ ସମ୍ପାଦକ (ଯୁବ ବ୍ୟାପାର)
ତେବେ ଏହି ସବୁ ନିଯୁକ୍ତିରେ ନିଜେ ପୂର୍ବତନ ମୁଖ୍ୟମନ୍ତ୍ରୀ ତଥା ବିଜେଡି ସଭାପତି ନବୀନ ପଟ୍ଟନାୟକଙ୍କ ଦସ୍ତଖତରେ ବିଜ୍ଞପ୍ତି ପ୍ରକାଶ ପାଇଛି।
