ସମୀକ୍ଷା ବ୍ୟୁରୋ
ଗଞ୍ଜେଇ ବ୍ୟବହାରରେ ନ୍ୟୁୟର୍କ ସବୁଠାରୁ ଆଗରେ ରହିଛି। ଭାରତୀୟ ରାଜଧାନୀ ନୂଆଦିଲ୍ଲୀ ଏହି ତାଲିକାରେ ତୃତୀୟ ସ୍ଥାନରେ ରହିଥିବା ବେଳେ ପାକିସ୍ତାନର କରାଚୀ ଦ୍ବିତୀୟ ସ୍ଥାନରେ ରହିଛି। ଅନ୍ୟତମ ଭାରତୀୟ ସହର ମୁମ୍ବାଇ ଏହି ତାଲିକାରେ ଷଷ୍ଠ ସ୍ଥାନରେ ରହିଛି। 2018 ମସିହାରେ କେଉଁ ସହରବାସୀ କେତେ ପରିମାଣର ଗଞ୍ଜେଇ ବ୍ୟବହାର କରିଛନ୍ତି ଏହାର ଏକ ତାଲିକା ପ୍ରସ୍ତୁତ କରାଯାଇଛି। ଏକ ଜର୍ମାନୀ ଫାର୍ମ ଏବିସିଡି ପକ୍ଷରୁ ଏହି ସର୍ବେକ୍ଷଣ କରାଯାଇ ରିପୋର୍ଟ ପ୍ରଦାନ କରାଯାଇଛି। ଏହି ତାଲିକାରେ ଯୁକ୍ତରାଷ୍ଟକ୍ର ଆମେରିକାର ସର୍ବାଧିକ ତିନୋଟି ସହର ରହିଛନ୍ତି । ଯୁକ୍ତରାଷ୍ଟ୍ର ଆମେରିକାର ନ୍ୟୁୟର୍କ ବ୍ୟତିତ ଲସ ଏଞ୍ଜେଲ୍ସ ଏବଂ ଚିକାଗୋ ଏହି ତାଲିକାର ଶ୍ରେଷ୍ଠ 10 ରାଷ୍ଟ୍ର ମଧ୍ୟରେ ସ୍ଥାନ ପାଇଛି । ଅନ୍ୟ ସହର ମାନଙ୍କ ମଧ୍ୟରେ ବ୍ରିଟେନ୍ର ରାଜଧାନୀ ଲଣ୍ଡନ, ଇଜିପ୍ଟର ରାଜଧାନୀ କାଇରୋ, କାଇରୋ ରାଜଧାନୀ ମସ୍କୋ, ଟରଣ୍ଟୋ । ତାଲିକାରେ ସ୍ଥାନ ପାଇଥିବା ରାଷ୍ଟ୍ର ମାନଙ୍କ ମଧ୍ୟରୁ କେବଳ ଟରଣ୍ଟୋରେ ଗଞ୍ଜେଇ ସେବନ ବୈଧ ହୋଇଥିବା ବେଳେ ବାକି ସମସ୍ତ ରାଷ୍ଟ୍ରରେ ଏହା ବେଆଇନ ।
ଏବିସଡି ପକ୍ଷରୁ ପ୍ରକାଶିତ ସୂଚନା ଅନୁଯାୟୀ ଜାପାନର ଟୋକିଓରେ ଗଞ୍ଜେଇର ମୂଲ୍ୟ ପ୍ରତି ଗ୍ରାମ ପିଛା ସର୍ବାଧିକ 32.66 ଡଲାର ରହିଛି । ଦୁଇ ଭାରତୀୟ ସହର ଦିଲ୍ଲୀ ଏବଂ ମୁମ୍ବାଇରେ ଗଞ୍ଜେଇର ମୂଲ୍ୟ ଯଥାକ୍ରମେ 4.38 ଓ 4.57 ଡଲାର ରହିଛି । ସବୁଠାରୁ ଶସ୍ତା ଗଞ୍ଜେଇ ମିଳୁଥିବା ରାଷ୍ଟ୍ର ମାନଙ୍କ ମଧ୍ୟରେ ଏହି ଦୁଇ ରାଷ୍ଟ୍ର 10 ଏବଂ 11 ତମ ସ୍ଥାନରେ ରହିଛନ୍ତି । ପୂର୍ବ ଏସୀୟ ରାଷ୍ଟ୍ର ସିଓଲ, କ୍ବ୍ୟୋଟୋ, ବ୍ୟାଙ୍କକ ଏବଂ ହଂକଂରେ ମଧ୍ୟ ଗଞ୍ଜେଇ ମୂଲ୍ୟ ସର୍ବାଧିକ ରହିଛି । ଏହି ସର୍ବେକ୍ଷଣ ଅନୁଯାୟୀ ଯଦି ଭାରତରେ ଗଞ୍ଜେଇ ବ୍ୟବସାୟ ଆଇନ ସମ୍ମତ କରାଯାଏ ତେବେ ଦିଲ୍ଲୀରୁ 725 କୋଟିର ରାଜସ୍ବ ଏବଂ ମୁମ୍ବାଇରୁ 641 କୋଟିର ରାଜସ୍ବ ଆଦାୟ ହେବ ବୋଲି ପ୍ରକାଶ ପାଇଛି ।
ସର୍ବାଧିକ ଗଞ୍ଜେଇ ବ୍ୟବହାରକାରୀ ରାଷ୍ଟ୍ର ତାଲିକା :
1. ନ୍ୟୁୟର୍କ -77.4 ଟନ୍
2. କରାଚି – 42 ଟନ୍
3. ନୂଆଦିଲ୍ଲୀ – 38.2 ଟନ୍
4. ଲସ ଏଞ୍ଜେଲସ୍ – 36 ଟନ୍
5. କାଇରୋ – 32.6 ଟନ୍
6. ମୁମ୍ବାଇ – 32.4 ଟନ୍
7. ଲଣ୍ଡନ – 31.4 ଟନ୍
8. ଚିକାଗୋ – 24.5 ଟନ୍
9. ମସ୍କୋ – 22.9 ଟନ୍
10. ଟରଣ୍ଟୋ – 22.7 ଟନ୍