ସମୀକ୍ଷା ବ୍ୟୁରୋ
ଦୀପାବଳି ପୂର୍ବରୁ ଧନତେରାସ୍ ପାଳନ କରାଯାଇଥାଏ। ଚଳିତ ଥର ଅକ୍ଟୋବର ୨୫ ତାରିଖରେ ଧନତେରାସ୍ ପର୍ବ ପାଳନ କରାଯିବ। ହିନ୍ଦୁ ଧର୍ମ ଅନୁସାରେ ଏହି ଦିନଟି ଅତ୍ୟନ୍ତ ଶୁଭ ହୋଇଥାଏ। ଏହି ଦିନ ମା’ ଲକ୍ଷ୍ମୀ ଘରକୁ ଆସି କୃପା ବର୍ଷା କରିଥା’ନ୍ତି। ସେହିପରି ଏହି ଦିନରେ ନୂତନ ଜିନିଷ କ୍ରୟ କରିବାର ମହତ୍ତ୍ବ ବେଶ୍ ରହିଥାଏ। ଏହି ଦିନ ଏହି ୫ଟି ଜିନିଷ କିଣିବା ଅତ୍ୟନ୍ତ ଶୁଭ ହୋଇଥାଏ। ଏହି ୫ଟି ସାମଗ୍ରୀ ଭିତରୁ ଗୋଟିଏ ଜିନିଷ ଆଣିବା ଦ୍ବାରା ଲକ୍ଷ୍ମୀ ଓ କୁବେରଙ୍କୁ କୃପା ପାଇପାରିବେ। ଏହାସହିତ ଆପଣଙ୍କୁ ଆଉ ଧନର ଅଭାବ ପରିଲକ୍ଷିତ ହେବ ନାହିଁ।
ତେବେ ସେହି ପାଞ୍ଚଟି ଜିନିଷ ଭିତରେ ରହିଛି-
ସୁନା ଓ ରୂପା :
ଧନତେରାସ୍ରେ ସୁନା ଓ ରୂପା କିଣିବା ଅତ୍ୟନ୍ତ ଶୁଭ ମନାଯାଇଥାଏ। ତେବେ ଏହି ଦିନରେ ଆପଣ ଅତ୍ୟଧିକ ମୂଲ୍ୟବାନ ଗହଣା କିଣିଯଦି ନପାରୁଛନ୍ତି। ତେବେ ଛୋଟ ତଥା ଶସ୍ତା ଗହଣା ମଧ୍ୟ କିଣିପାରିବେ।
ବାସନ କୁସନ :
ଯଦି ଆପଣ ସୁନା ଓ ରୂପାର ଗହଣା କିଣି ପାରୁନାହାନ୍ତି ତେବେ କିଛି ବାସନ କିଣିପାରନ୍ତି। ଏହି ଦିନ ଯଦି ଆପଣ ଗୋଟିଏ ଚାମଚ ବି କିଣୁଛନ୍ତି, ତେବେ ତାହା ଅତ୍ୟନ୍ତ ଫଳଦାୟୀ ସାବ୍ୟସ୍ତ ହୋଇଥାଏ। କିନ୍ତୁ ଏହି ଚାମଚକୁ ପୂଜାରେ ସାମିଲ୍ କରନ୍ତୁ। ଏହା ଦ୍ବାରା ଆପଣଙ୍କ ସମୃଦ୍ଧି ହେବ।
ଧନିଆ :
ଏହି ଦିନ ଧନିଆ କିଣିବାର ପରମ୍ପରା ରହିଛି। ଧନତେରାସ୍ରେ ଧନିଆ କିଣିବା ବହୁତ ଶୁଭ ହୋଇଥାଏ। ଏହା ସମୃଦ୍ଧିର ପ୍ରତୀକ ଭାବେ ବିଚାର କରାଯାଏ। ଲକ୍ଷ୍ମୀ ପୂଜା ସମୟରେ ଧନିଆକୁ ଲକ୍ଷ୍ମୀ ମା’ଙ୍କ ପାଖେ ଲଗାନ୍ତୁ ଓ ପୂଜା ପରେ ଏହାକୁ କୌଣସି କୁଣ୍ଡ ତଥା ବଗିଚାରେ ବୁଣି ଦିଅନ୍ତି। ଆଉ କିଛି ଧନିଆ ଗୋମତୀ ଚକ୍ର ସହ ନିଜ ଆଲମାରୀରେ ରଖନ୍ତୁ । ଏହାଦ୍ବାରା ଧନର ଅଭାବ ଆଉ ହେବ ନାହିଁ।
ଝାଡୁ :
ଧନତେରାସ ଅବରରେ ଝାଡୁ କ୍ରୟ କରିବା ବହୁତ ଭଲ ହୋଇଥାଏ। ଧନତେରାସରେ ଝାଡୁ କିଣିବା ଦର ଘରକୁ ମାତା ଲକ୍ଷ୍ମୀଙ୍କର ଆଗମନ ହୋଇଥାଏ। ଦୀପାବଳି ଦିନ ଝାଡୁକୁ ପୂଜା କରି ଉପଯୋଗ କରନ୍ତୁ।
କଉଡ଼ି :
ଧନତେରାସରେ କଉଡି କିଣି ଆଲମାରୀରେ ରଖିବା ବହୁତ ଶୁଭ ହୋଇଥାଏ। କୁହାଯାଏ ଯେ, ସମୁଦ୍ର ମନ୍ଥନ ଦ୍ବାରା ମାତା ଲକ୍ଷ୍ମୀ ପ୍ରକଟ ହୋଇଥିଲେ ଓ ତାଙ୍କ ସହିତ କଉଡ଼ି ମଧ୍ୟ ଆସିଥିଲା। ଆଲମାରୀରେ କଉଡ଼ି ରଖିବା ଦ୍ବାରା ଧନ ଭରପୂର ରହିଥାଏ।
ଶୃଙ୍ଗାର ଦ୍ରବ୍ୟ ଉପହାରରେ ଦିଅନ୍ତୁ
ଧନତେରାସରେ ବିବାହିତା ମହିଳାଙ୍କୁ ଷୋଳ ଶୃଙ୍ଗାରକୁ ଉପହାର ସ୍ବରୂପରେ ଦେବା ଅତ୍ୟନ୍ତ ଶୁଭ ହୋଇଥାଏ। ଏତଦବ୍ୟତୀତ ଲାଲ ରଙ୍ଗର ଶାଢି ଓ ସିନ୍ଦୂର ଦେବା ବହୁତ ଶୁଭ ହୋଇଥାଏ। ଏହା ଦ୍ବାରା ମାତା ଲକ୍ଷ୍ମୀ ପ୍ରସନ୍ନ ହୋଇଥାଏ।