ସମୀକ୍ଷା ବ୍ୟୁରୋ
ସଡକ ସୁରକ୍ଷା ତଥା ଯାନ ବାହନ ଚଳାଚଳ ଉପରେ ସଂଶୋଧିତ ନୂତନ ମୋଟର ଯାନ ଆଇନ ଲାଗୁ କରିଥିବାବେଳେ ଏବେ ଆଉ ଏକ ନୂଆ ନିୟମ ଲାଗୁ କରିବାକୁ ଯାଉଛନ୍ତି କେନ୍ଦ୍ର ସରକାର । ରାସ୍ତାରେ ଯାତ୍ରୀଙ୍କ ସୁରକ୍ଷାକୁ ଧ୍ୟାନରେ ରଖି କେନ୍ଦ୍ର ସରକାର ବହୁତ ଶୀଘ୍ର ଏକ ବଡ ପଦକ୍ଷେପ ନେବାକୁ ଯାଉଛନ୍ତି । ଯାତ୍ରୀଙ୍କ ସୁରକ୍ଷା ଉଦ୍ଦେଶରେ ଏକ ନୂତନ ନିୟମ ପ୍ରଣୟନ କରିବା ପାଇଁ କେନ୍ଦ୍ର ସରକାର ସୂଚନା ଦେଇଛନ୍ତି । ଏହି ନୂତନ ନିୟମ ଅନୁସାରେ ଏବେ ଯାନବାହନଗୁଡ଼ିକର ନମ୍ବର ପ୍ଲେଟରେ ରେଟ୍ରୋ ଟେପ୍ ଲଗାଇବାକୁ ବାଧ୍ୟତାମୂଳକ କରାଯିବ । ନିୟମ ଅନୁସାରେ ଯଦି କୌଣସି ଗାଡ଼ି ନମ୍ବର ପ୍ଲେଟର ଏହି ପ୍ରକାରର ଟେପ୍ ଲଗାଇବା ନାହିଁ ତେବେ ଉକ୍ତ ଗାଡ଼ିଠାରୁ ଜରିମାନା ଆଦାୟ କରିବା । ସଡକ ଦୁର୍ଘଟଣା ଉପରେ ଲଗାମ ଲଗାଇବା ପାଇଁ ସରକାର ଏହି ନିଷ୍ପତ୍ତି ନେଇଛନ୍ତି ।
ନମ୍ବର ପ୍ଲେଟ୍ରେ ରେଟ୍ରୋ ଟେପ୍ ଲାଗିବା ଦ୍ବାରା ଅନ୍ଧାରରେ ଗାଡିର ଲାଇଟ୍ ଏହି ଟେପ୍ ଉପରେ ପଡ଼ିବା ଦ୍ବାରା ଚମକିବା । ନମ୍ବର ପ୍ଲେଟ ଚମକିବା କାରଣରୁ ଗାଡ଼ି ଆଗରେ କିମ୍ବା ପଛରେ ଅଛି ବୋଲି ଡ୍ରାଇଭରକୁ ଅତି ସହଜରେ ଜଣାପଡିଯିବ । ସଡକ ପରିବହନ ଓ ରାଷ୍ଟ୍ର ମାର୍ଗ ମନ୍ତ୍ରଣାଳୟ ବାହନାରେ ରେଟ୍ରୋ ରିଫେଲକ୍ଟିଭ୍ ଟେପ୍ ପାଇଁ ଅଧିସୂଚନା ଜାରି କରିଛନ୍ତି । ସଡକ ସୁରକ୍ଷା ପାଇଁ ଏହା ଏକ ମହତ୍ତ୍ବପୂର୍ଣ୍ଣ ପଦକ୍ଷେପ ବୋଲି ମନ୍ତ୍ରାଳୟର ଜଣେ ବରିଷ୍ଠ ଅଧିକାରୀ ସୂଚନା ଦେଇଛନ୍ତି ।
କ’ଣ ଏହି ନିୟମ ?
ନିୟମ ଅନୁସାରେ ଅଟୋ ରିକ୍ସା ଓ ଇ-ରିକ୍ସାର ଆଗରେ ଧଳା ରଙ୍ଗର ଓ ପଛରେ ଲାଲ ରଙ୍ଗର ରେଟ୍ରୋ ରିଫଲକ୍ଟିଭ୍ ଟେପ୍ ଲଗାଇବା ଜରୁରୀ । ଏହି ଟେପ୍ ଚଉଡା ୨୦ ମିମିଠାରୁ କମ୍ ହେବ ନାହିଁ । ଏହାର ଚମକ ୫୦ ମିଟର ଦୂର ପର୍ଯ୍ୟନ୍ତ ଦେଖାଯାଉଥିବା ଆବଶ୍ୟକ । ପ୍ରଥମେ ଅଟୋ ରିକ୍ସାକୁ ଏହି ନିୟମରୁ ବାଦ୍ ଦିଆଯାଇଥିଲା । କିନ୍ତୁ ବର୍ଦ୍ଧିତ ସଡକ ଦୁର୍ଘଟଣାକୁ ଦେଖି ସରକାର ଏହି ନିଷ୍ପତ୍ତି ନେଇଛନ୍ତି ।