ସମୀକ୍ଷା ବ୍ୟୁରୋ
ସମସ୍ତ ପ୍ରୟାସ ସତ୍ତ୍ୱେ ବିଶ୍ଵରେ ପ୍ଲାଷ୍ଟିକର ବ୍ୟବହାରକୁ ରୋକାଯାଇ ପାରୁନାହିଁ । ଏଥିପାଇଁ ପ୍ରଦୂଷଣ ସମସ୍ୟା ବିକଟ ରୂପ ଧାରଣ କରିଛି । ପରିବେଶକୁ ନେଇ ଚିନ୍ତିତ ଥିବା ଏକ ଗୋଷ୍ଠୀ ଦାବି କରିଛି ଯେ ପ୍ରଦୂଷଣ କରୁଥିବା ପ୍ଲାଷ୍ଟିକ ଟୁକୁଡା ଗୁଡିକ ମୁଖ୍ୟତଃ ବହୁ ରାଷ୍ଟ୍ରୀୟ କମ୍ପାନୀ ଗୁଡିକରୁ ଆସିଥାଏ । ବ୍ୟକ୍ତି ତଥା ପର୍ଜ୍ୟାବରଣ ସମ୍ବନ୍ଧୀୟ ସଂଗଠନ ଅଧିନସ୍ଥ ଏକ ବୈଷୟିକ ସଂସ୍ଥା “ “ବ୍ରେକ ଫ୍ରି ଫ୍ରମ ପ୍ଲାଷ୍ଟିକ୍ସ “ କହିଛି ଯେ କୋକାକୋଲା ,ନେସଲେ ଏବଂ ପେପ୍ସି ଭଳି ଦୁନିଆର ବୃହତ୍ତ କମ୍ପାନୀ ଗୁଡିକ ଅଧିକ ପରିମାଣରେ ପ୍ଲାଷ୍ଟିକ ଅବଶେଷ ଉତ୍ପନ୍ନ କରିଥାନ୍ତି ।
ଉକ୍ତ ସଂଗଠନ ର ସ୍ବଚ୍ଛାସେବୀଙ୍କ ଦ୍ଵାରା ଏକ ମାସ ପୂର୍ବରୁ ୫୧ ଟି ଦେଶ ରେ ସଫାଇ ଦିବସ ପାଳନ କରିବା ଅବସରରେ ପ୍ରାୟ ପାଞ୍ଚ ଲକ୍ଷ ଟୁକୁଡା ଜମା କରିଥିଲେ ସେଥିରେ ୪୩ ପ୍ରତିଶତ ନାମୀଦାମୀ କମ୍ପାନୀର ପ୍ଲାଷ୍ଟିକ ଅବଶେଷ ରହିଥିଲା । ସେମାନଙ୍କ ମତରେ ପ୍ଲାଷ୍ଟିକ ଅବଶେଷର ବିସ୍ତାରରେ କୋକାକୋଲା ଲଗାତର ଦ୍ଵିତୀୟ ବର୍ଷ ଲାଗି ପ୍ରଦୂଷଣରେ ପ୍ରଥମ ସ୍ଥାନ ରେ ରହିଛି । ଚାରି ମହାଦ୍ଵୀପର ୩୭ ଟି ଦେଶ ରୁ ଉକ୍ତ କମ୍ପାନୀର ୧୧,୭୩୨ ଖଣ୍ଡ ପ୍ଲାଷ୍ଟିକ ଟୁକୁଡା ସଂଗ୍ରହ କର ଯାଇଛି ।
ସଂସ୍ଥାର କହିବା ଅନୁସାରେ ଚୀନ, ଇଣ୍ଡୋନେସିଆ, ଫିଲିପାଇନ୍ସ ଭିଏତନାମ ଏବଂ ଶ୍ରୀଲଙ୍କା ଭଳି ଦେଶଗୁଡିକ ସମୁଦ୍ରରେ ଅଧିକ ମଇଳା ଫିଙ୍ଗି ଥାନ୍ତି କିନ୍ତୁ ଏସିଆରେ ପ୍ଲାଷ୍ଟିକ ପ୍ରଦୁଷଣର ମୁଖ୍ୟ କାରଣ ବହୁରାଷ୍ଟ୍ରୀୟ କମ୍ପାନୀ ଅଟନ୍ତି ଯାହାର ମୁଖ୍ୟାଳୟ ଗୁଡିକ ୟୁରୋପ ଏବଂ ଆମେରିକାରେ ରହିଛି ।
ରିପୋର୍ଟ ଅନୁସାରେ ପ୍ଲାଷ୍ଟିକ ପ୍ରଦୂଷଣ ଲାଗି କୋକାକୋଲା,ପେପ୍ସି ଏବଂ ନେସଲେ ଭଳି କମ୍ପାନୀଗୁଡିକ ଅଧିକ ପରିମାଣରେ ଦାୟୀ । ପ୍ଲାଷ୍ଟିକ ପ୍ରଦୂଷଣ ବିସ୍ତାର କରୁଥିବା ପ୍ରମୁଖ ୧୦ଟି କମ୍ପାନୀ ଗୁଡିକମଧ୍ୟରେ ମୋଣ୍ଡେଲେଜ୍ ଇଣ୍ଟରନେସନାଲ, ୟୁନିଲିବର ,ମାର୍ସ ,ପିଏଣ୍ଡଜି , କୋଲଗେଟ ପାମୋଲିବ, ଫିଲିପ ମୋରିସ ଏବଂ ପରଫେଟି ବେନ ମିଲେ ପ୍ରମୁଖ ସାମିଲ ଅଛନ୍ତି ।