ଭୁବନେଶ୍ବର-ବର୍ତ୍ତମାନ ରାଜ୍ୟରେ ପିଆଜ ଦର ହୁତହୁତ ହୋଇ ବଢିବାରେ ଲାଗିଛି। ଚଳିତ ବର୍ଷ ପିଆଜ ଦର ଆକାଶ ଛୁଆ ହୋଇଛି। ବର୍ତ୍ତମାନ କଟକ ଭୁବନେଶ୍ବରରେ ପିଆଜ କିଲୋ ପିଛା 120 ଟଙ୍କାରେ ବିକ୍ରି ହେଉଛି। ବଜାରକୁ ନୂଆ ପିଆଜ ଆସିଲେ ଦର ହ୍ରାସ ପାଇବ ବୋଲି ସରକାରୀ ଭାବେ କୁହାଯାଉଥିଲା। ହେଲେ ନୂଆ ପିଆଜ ଆସିବା ପରେ ମଧ୍ୟ ପିଆଜ ଦର କମିବା ବଦଳରେ ବଢିବାରେ ଲାଗିଛି। ଫଳରେ ବର୍ତ୍ତମାନ ଖାଉଟି ପିଆଜ କିଣିବା ବେଳେ ଶହେ ଥର ଚିନ୍ତା କରୁଛନ୍ତି। ପିଆଜ ଦର ନିୟନ୍ତ୍ରଣ କରିବା ପାଇଁ କେନ୍ଦ୍ର ସରକାର ବିଦେଶରୁ ପିଆଜ ଆମଦାନୀ କରିବେ ବୋଲି କହିଥିଲେ, ହେଲେ ତାହା ମଧ୍ୟ ସଫଳ ହୋଇପାରି ନାହିଁ। ଫଳରେ ପିଆଜ ଦର ବର୍ତ୍ତମାନ ନିୟନ୍ତ୍ରଣ ବାହାରକୁ ଚାଲିଯାଇଛି। ବର୍ତ୍ତମାନ ଓଡିଶାର ବିଭିନ୍ନ ସହରରେ କିଲୋ ପିଛା ପିଆଜ ଦର ଯାହା ହୋଇଛି ତାହା ହେଲା
କଟକ- 120 ଟଙ୍କା
ଭୁବନେଶ୍ବର-120 ଟଙ୍କା
ବାଲେଶ୍ବର-120 ଟଙ୍କା
ବ୍ରହ୍ମପୁର-100 ଟଙ୍କା
ବଲାଙ୍ଗୀର-100 ଟଙ୍କା
ନବରଂଗପୁର-90 ଟଙ୍କା
ରାଉରକେଲା-110 ଟଙ୍କା
ପିପିଲି-120 ଟଙ୍କା
ଜଗତସିଂହପୁର-100 ଟଙ୍କା ରହିଛି।
ଯଦି ବର୍ତ୍ତମାନ ଯେପରି ଅବସ୍ଥା ଲାଗି ରହିଛି ତାହା ଯଦି ବଜାଇ ରହେ ତେବେ ଏହି ଦର ଆହୁରି ବଢିବ ବୋଲି ବ୍ୟବସାୟୀ ସଂଘ ତରଫରୁ କୁହାଯାଇଛି।