ନୂଆଦିଲ୍ଲୀ: ଝାଡଖଣ୍ଡରେ ସରକାର ଗଢିବେ ଝାଡଖଣ୍ଡ ମୁକ୍ତି ମୋର୍ଚ୍ଚା-କଂଗ୍ରେସ ଓ ରାଷ୍ଟ୍ରୀୟ ଜନତା ଦଳ ମେଣ୍ଟ। ବିଭିନ୍ନ ନ୍ୟୁଜ ଚ୍ୟାନେଲ ତରଫରୁ କରାଯାଇଥିବା ଏକଜିଟ୍ ପୁଲରୁ ଏହା ସ୍ପଷ୍ଟ ହୋଇଛି। ଆଜି ଝାଡଖଣ୍ଡର 81ଟି ବିଧାନସଭା ଆସନ ପାଇଁ ଶେଷ ପର୍ଯ୍ୟାୟ ନିର୍ବାଚନ ଥିଲା। ଏହି ନିର୍ବାଚନ ସରିବା ପରେ ବିଭିନ୍ନ ଚ୍ୟାନେଲ ତରଫରୁ କରାଯାଇଥିବା ଏକଜିଟ ପୁଲର ଫଳାଫଳ ପ୍ରକାଶ କରାଯାଇଥିଲା। ଏଥିରେ ଚ୍ୟାନେଲଗୁଡିକ ଯେଉଁ ଫଳାଫଳ ପ୍ରକାଶ କରିଥିଲେ ତାହା ହେଲା
ଇଣ୍ଡିଆ ଟୁଡେ-ଆକ୍ସିସ ମାଇଁ ଇଣ୍ଡିଆ
ଜେଏମଏମ-କଂଗ୍ରେସ ମେଣ୍ଟ- 38 ରୁ 50 ବିଜେପି- 22 ରୁ 32
ଖାସିସ ନ୍ୟୁଜ
ଜେଏମଏମ-କଂଗ୍ରେସ ମେଣ୍ଟ- 37 ରୁ 49 ବିଜେପି- 25 ରୁ 30
ଆଇଏଏନଏସ ସି ଭୋଟର
ଜେଏମଏମ-କଂଗ୍ରେସ ମେଣ୍ଟ- 35 ବିଜେପି- 32
ଦେଶରେ ସିଏଏଏ ନିଆଁ ଜଳୁଥିବା ବେଳେ ଝାଡଖଣ୍ଡରେ ନିର୍ବାଚନ ଚାଲିଥିଲା। ବିଜେପି ଏହାକୁ ଆଧାର କରି ନିର୍ବାଚନ ବୈଚରଣୀ ପାରି ହେବାକୁ ଚେଷ୍ଠି କରିଛି। ହେଲେ ମେଣ୍ଟ ଦଳ ସ୍ଥାନୀୟ ସମସ୍ୟାକୁ ନିର୍ବାଚନୀ ପ୍ରସଂଗ କରି ନିର୍ବାଚନ ଲଢିଥିଲା। ଆସନ୍ତା 23 ତାରିଖରେ ଝାଡଖଣ୍ଡ ନିର୍ବାଚନର ଭୋଟ ଗଣତି କରାଯିବ। (ଆଇଏଏନଏସ)