ଚୀନ୍ : ପାଣିରେ ଭାସୁଥିବା ଘର ଦେଖିଛନ୍ତି ? ତେବେ ଭାରତରେ ରହୁଥିବା କିଛି ଲୋକେ ଶିକାରା ଡଙ୍ଗା ବିଷୟରେ ଜାଣିଥିବେ। ବିଶେଷ କରି କାଶ୍ମୀର ଡଲ୍ ହ୍ରଦରେ ଭାସୁଥିବା ଡଙ୍ଗାଗୁଡିକ ମଧ୍ୟରେ ଛୋଟ ଛୋଟ ଘର କରାଯାଇଥାଏ, ଏହାକୁ ଶିକାରା କୁହାଯାଏ । ଏହା ପର୍ଯ୍ୟଟକଙ୍କୁ ବେଶ୍ ଆକୃଷ୍ଟ କରିଥାଏ । ତେବେ ଆପଣ ଥରେ ଭାବନ୍ତୁ ତ ଡଙ୍ଗା ଜାଗାରେ ଯଦି ଆପଣଙ୍କ ଘର ପାଣିରେଭାସିବ, ତା’ହେଲେ ଆପଣଙ୍କୁ କିପରି ଅନୁଭବ ହେବ । ଟିକିଏ ତ ଆଶ୍ଚର୍ଯ୍ୟ ଲାଗୁଥିବ କଥାଟି ଶୁଣି । ମାତ୍ର ସତରେ ଜଣେ ବ୍ୟକ୍ତି ଏହିପରି ଏକ ଅଦ୍ଭୁତ କଳ୍ପନାକୁ ବାସ୍ତବ ରୂପ ଦେଇଛନ୍ତି।
ଚୀନ୍ରୁ ଜଣେ ବ୍ୟକ୍ତି 4 ଲକ୍ଷ ୟୁଆନ୍ ଅର୍ଥାତ୍ 45 ଲକ୍ଷ ଟଙ୍କା ବ୍ୟୟରେ ଏପରି ଏକ ଘର ନିର୍ମାଣ କରିଛନ୍ତି ଯାହା ଜଳରେ ଭାସୁଛି। ଚୀନ୍ର ଫୁଜିଆନ୍ ଫ୍ରୋବିସ୍ରେ ଏହି ଘର ନିର୍ମାଣ ହୋଇଛି । ଏହି ଘରକୁ ନିର୍ମାଣ କରିଥିବା ଯୁବଙ୍କ ନାମ ହେଉଛି କୋଷ୍ଟ ଲାଇନ୍ ।
କୋଷ୍ଟଲାଇନ୍, ସାଉଥ ସୀ ଚାଇନାର ଏକ ଟାପୁ, ଡାଙ୍ଗସନ୍ କାଉଣ୍ଟିରେ ରହୁଥିଲେ। ତାଙ୍କ ପିଲାବେଳେ ସମୁଦ୍ର ତଟରେ ହିଁ ବିତିଛି । ସେ ଅଧିକାଂଶ ସମୟ ମାଛ ଧରିବାରେ ଅତିବାହିତ କରିଛନ୍ତି । 2018 ମସିହାରେ ସେ ତାଙ୍କ ସହିତ ବସିଥିବାବେଳେ ତାଙ୍କ ମନରେ ଭାସୁଥିବା ଘରର କଳ୍ପନା ଆସିଥିଲା । ଦୁଇ ସାଙ୍ଗ ଏହି ପ୍ରସଙ୍ଗରେ ବହୁତ ସମୟ ଧରି ଚର୍ଚ୍ଚା କରିଥିଲେ । ତା’ପରଦିନ ସକାଳୁ ଦୁହେଁ ଫ୍ଲୋଟିଂ ହାଉସ୍ ନିର୍ମାଣର ନିଶ୍ଚୟ କଲେ ।
କୋଷ୍ଟଲାଇନ୍ ତାଙ୍କ ଆାର୍କିଟେକ୍ ବନ୍ଧୁ ସହିତ ନିଜ ଆଇଡିକୁ ସେୟାର କଲେ । ଏହାପରେ 600 ସ୍କୋୟାରଫୁଯ୍ ସାଇଜ୍ର ଫ୍ଲୋଟିଂ ହାଉସ୍ ନିର୍ମାଣ ପାଇଁ ଯୋଜନା ପ୍ରସ୍ତୁତ କଲେ । ତେବେ ଏହି ଘର ନିର୍ମାଣରେ ସେମାନେ ବହୁତ ଅସୁବିଧାର ସମ୍ମୁଖୀନ ହୋଇଥିଲେ ।
କୋଷ୍ଟଲାଇନ୍ ଏହି ଘରର ନାମ ହେକ୍ସୀ ରଖାଯାଇଛି । ଘରକୁ ଏକ ଜାଗାରେ ସ୍ଥିର କରି ରଖିବା ପାଇଁ 16 ବଡ ଏଙ୍କର ବା ଲଙ୍ଗରର ବ୍ୟବହାର କରାଯାଇଛି । ପ୍ରତ୍ୟେକ ଲଙ୍ଗର ଏକ ଟନ୍ ଓଜନର । 600 ସ୍କୋୟାର ମିଟର ଘରର ଇଣ୍ଟରିଅର ଡିଜାଇନର୍ ବେଶ୍ ଆକର୍ଷଣୀୟ । ତେବେ ଘରର ଚାହିଦା ଦେଖି ଏହାକୁ ଫ୍ଲୋଟିଂ ହୋଟେଲ୍ରେ ପରିବର୍ତ୍ତନ କରିଛନ୍ତି କୋଷ୍ଟଲାଇନ୍ । ତେବେ ଏଠାକୁ ଆସି ସମୟ ବ୍ୟତୀତ କରିବାକୁ ଚାହିଁଲେ ଆପଣଙ୍କୁ ଏକ ମାସର ସମୟ ଦରକାର ।