ନୂଆଦିଲ୍ଲୀ: ଜାତିସଂଘ ପକ୍ଷରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ ପ୍ରଶଂସା କରାଯାଇଛି। ବିପର୍ଯ୍ୟୟ ପରିଚାଳନାକୁ ନେଇ ମୁଖ୍ୟମନ୍ତ୍ରୀ ନବୀନଙ୍କୁ ଜାତିସଂଘ ପ୍ରଶଂସା କରିଛି। ବିପର୍ଯ୍ୟୟ ପରିଚାଳନା କ୍ଷେତ୍ରରେ ଓଡିଶା ଏକ ରୋଲ ମଡେଲ ବୋଲି ଜାତିସଂଘ କହିଛି। ଦୁର୍ବିପାକ ସମୟରେ ଲକ୍ଷାଧିକ ଲୋକଙ୍କୁ ସୁରକ୍ଷିତ ରଖିଥିବାରୁ ଜାତିସଂଘ ସନ୍ତୋଷ ପ୍ରକାଶ କରିଛି।
ଜାତିସଙ୍ଘ ମୁଖ୍ୟ ମାମି ମିଜୁଟାରି ନବୀନଙ୍କୁ ଏନେଇ ପ୍ରଶଂସା କରିଛନ୍ତି। ମାମି ମିଜୁଟାରି କହିଛନ୍ତି ଯେ, ଓଡିଶା ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବିପର୍ଯ୍ୟୟକୁ ବୁଝି, ତାକୁ ସାମ୍ନା କରିବା ସହ ଉଚିତ ପଦକ୍ଷେପ ନେଉଛନ୍ତି। ଯାହା ଫଳରେ ଲକ୍ଷାଧିକ ଲୋକଙ୍କ ଜୀବନ ବଞ୍ଚିପାରୁଛି।
