ନୂଆଦିଲ୍ଲୀ: ଯଦି ଆପଣ ଭାରତରୁ ନେପାଳ ଯିବାକୁ ଚାହୁଁଛନ୍ତି, ତେବେ ଟ୍ରେନ୍ ମାଧ୍ୟମରେ ଯାତ୍ରା କରିପାରିବେ। ତେବେ ଜାଣନ୍ତୁ କେତେ ଯୋଡି ଟ୍ରେନ୍ ଚାଲୁଛି। ଏବଂ ସେଗୁଡିକର ସମୟ କ’ଣ ଏବଂ ମୂଲ୍ୟ କେତେ? ସମୁଦାୟ ଦୁଇଟି ଯୋଡି ଟ୍ରେନ୍ ଆରମ୍ଭ ହୋଇଛି। ସୋମବାର ଦିନ ଟ୍ରେନଟି ଜୟନଗର ଷ୍ଟେସନରୁ ସକାଳ ୮.୧୫ ଏବଂ ଅପରାହ୍ନ ୨.୪୫ ରେ ଛାଡିବ। ଡିଏମୟୁ ଗୋଟିଏ ଦିନରେ ଦୁଇଟି ରାଉଣ୍ଡ କରିବ। ଆଠ ବର୍ଷ ପରେ ବିଳାସପୂର୍ଣ୍ଣ ଟ୍ରେନ୍ ସେବା ଜୟନଗରରୁ କୁର୍ଥା ପର୍ଯ୍ୟନ୍ତ ଆରମ୍ଭ ହୋଇଛି। ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ ଏବଂ ନେପାଳର ପ୍ରଧାନମନ୍ତ୍ରୀ ଶେର ବାହାଦୂର ଦେଓବା ଏହାର ଉଦଘାଟନ କରିଛନ୍ତି।
ପ୍ରକାଶ ଯୋଗ୍ୟ ଯେ, ଗତ ରବିବାର ଠାରୁ ସାଧାରଣ ଯାତ୍ରୀଙ୍କ ପାଇଁ ଏହି ମାର୍ଗରେ ଟ୍ରେନର କାର୍ଯ୍ୟ ଆରମ୍ଭ ହୋଇଛି। ଜୟନଗରରୁ ଟ୍ରେନ୍ ସକାଳ ୮.୧୫ ରେ ଏବଂ ଅପରାହ୍ନ ୨.୪୫ ରେ ଜନକପୁର ଅଭିମୁଖେ ଯାତ୍ରା କରିବ। ଜୟନଗରରୁ ଜନକପୁରକୁ ଯାତ୍ରା କରିବାକୁ ଏକ ଘଣ୍ଟା ୨୦ ମିନିଟ୍ ଏବଂ ଜନକପୁରରୁ ଜୟନଗରରେ ପହଞ୍ଚିବାକୁ ଏକ ଘଣ୍ଟା ୪୦ ମିନିଟ୍ ସମୟ ଲାଗିବ। ଡିଏମୟୁ ଗୋଟିଏ ଦିନରେ ଦୁଇଟି ରାଉଣ୍ଡ କରିବ। ଏଥିସହିତ ଟ୍ରେନ ସକାଳ ୧୧.୦୫ ରେ ଜନକପୁରରୁ ଏବଂ ସନ୍ଧ୍ୟା ୫.୩୫ ରେ ଜୟନଗର ପାଇଁ ଖୋଲିବ।
ଜୟନଗର ଏବଂ କୁର୍ଥା ମଧ୍ୟରେ ମୋଟ ୭ ଟି ଷ୍ଟେସନ୍ ଅଛି। ଜୟନଗରରୁ ଇନର୍ଭା ୪.୫ କିଲୋମିଟର, ଜୟନଗରରୁ ଖଜୁରୀ ୮.୬ କିମି, ଜୟନଗରରୁ ମହିନାଥପୁର ୧୪.୧୫ କିମି, ଜୟନଗରରୁ ବେଦେହୀ ୧୮.୫୩ କିମି, ଜୟନଗରରୁ ପାରଳା ୨୧.୬ କିଲୋମିଟର, ଜୟନଗରରୁ ଜନକପୁର ୨୯.୫ କିମି ଏବଂ ଜୟନଗରରୁ କୁର୍ଥା ୩୪.୯ କିମି। ଟ୍ରେନ୍ ସେବା ଆରମ୍ଭ ହେବା ପରେ ଭାରତରୁ ନେପାଳ ଯିବାକୁ କେବଳ ୧୨.୫୦ ଟଙ୍କା ଖର୍ଚ୍ଚ କରିବାକୁ ପଡିବ। ଜୟନଗରରୁ ଇନର୍ଭା ପର୍ଯ୍ୟନ୍ତ ଭଡା ୧୨.୫୦ ଟଙ୍କା। ଅନ୍ୟପକ୍ଷରେ, ଖଜୁରୀ ଯିବାକୁ ୧୫.୬୦ ଟଙ୍କା, ମହିନାଥପୁରକୁ ୨୧.୮୭ ଟଙ୍କା, ବେଦେହୀ ପାଇଁ ୨୮.୧୨ ଟଙ୍କା, ପରବାହାକୁ ୩୪ ଟଙ୍କା, ଜନକପୁର ୪୩.୭୫ ଟଙ୍କା ଏବଂ କୁର୍ଥା ଯିବାକୁ ୫୬.୨୫ ଟଙ୍କା ଖର୍ଚ୍ଚ ହେବ।
