ନୂଆଦିଲ୍ଲୀ: ପାକିସ୍ତାନର ଡେରା ଇସମାଇଲ ଖାନର ଦ୍ରବନରେ ଆତଙ୍କବାଦୀ ଆକ୍ରମଣର ସୂଚନା ରହିଛି। ରିପୋର୍ଟ ଅନୁଯାୟୀ ଆତଙ୍କବାଦୀମାନେ ଏକ ସୁରକ୍ଷା ପୋଷ୍ଟ ଉପରେ ଆକ୍ରମଣ କରିଛନ୍ତି। ଏପର୍ଯ୍ୟନ୍ତ ଏହି ଆକ୍ରମଣରେ ସୀମାନ୍ତ କର୍ପସର ୧୧ ଜଣ ପାକିସ୍ତାନୀ ସୈନିକଙ୍କ ମୃତ୍ୟୁ ଖବର ସାମ୍ନାକୁ ଆସିଥିବା ବେଳେ ଅନ୍ୟ ୩ ଜଣ ଆହତ ହୋଇଛନ୍ତି। ମୃତ୍ୟୁ ସଂଖ୍ୟା ମଧ୍ୟ ବଢିପାରେ। ଏହି ଆକ୍ରମଣ ପାଇଁ ଟିଟିପି ନିଜକୁ ଦାୟୀ କରିଛି।
ପାକିସ୍ତାନୀ ଗଣମାଧ୍ୟମର ରିପୋର୍ଟ ଅନୁଯାୟୀ, ଆକ୍ରମଣର ତୁରନ୍ତ ପରେ ଏକ ସୈନ୍ୟ ଦଳ ଘଟଣାସ୍ଥଳରେ ପହଞ୍ଚି ଆକ୍ରମଣକାରୀଙ୍କୁ ଗିରଫ କରିବା ପାଇଁ ବ୍ୟାପକ ଅପରେସନ୍ ଆରମ୍ଭ କରିଥିଲେ। ତଥାପି, ଏପର୍ଯ୍ୟନ୍ତ କୌଣସି ସଫଳତା ହାସଲ କରାଯାଇ ନାହି। ସ୍ଥାନୀୟ ପୋଲିସ ଏବଂ ପାକିସ୍ତାନୀ ସୁରକ୍ଷା ଏଜେନ୍ସି କହିଛନ୍ତି ଯେ ଘଟଣାର ତଦନ୍ତ କରାଯାଉଛି।
ଏହି ଆକ୍ରମଣ ପାଇଁ ତେହେରିକ-ଇ-ତାଲିବାନ ପାକିସ୍ତାନ (ଟିଟିପି) ନିଜକୁ ଦାୟୀ କରିଛି। ପାକିସ୍ତାନରେ ଟିଟିପି ଅନେକ ଆତଙ୍କବାଦୀ ଆକ୍ରମଣ କରିସାରିଛି। ପାକିସ୍ତାନ ସରକାର କ୍ରମାଗତ ଭାବେ ଆଫଗାନିସ୍ତାନର ତାଲିବାନ ସରକାରଙ୍କୁ ଟିଟିପିକୁ ପ୍ରୋତ୍ସାହିତ ଦେଉଥିବା ଅଭିଯୋଗ କରିଛନ୍ତି। ଏହି ପ୍ରସଙ୍ଗରେ ଦୁଇ ଦେଶ ମଧ୍ୟରେ ଅନେକ ବିବାଦ ଲାଗି ରହିଛି।