ୱାଶିଂଟନ୍ : ଆମେରିକୀୟ ରାଷ୍ଟ୍ରପତି ନିର୍ବାଚନ ପୂର୍ବରୁ ଏକ ବିବାଦୀୟ ବୟାନ ଦେଇଛନ୍ତି ଆମେରିକୀୟ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ । ଡେମୋକ୍ରାଟିକ୍ ଦଳର ରାଷ୍ଟ୍ରପତି ପ୍ରାର୍ଥୀ ଜୋ ବିଡେନଙ୍କୁ ଟାର୍ଗେଟ୍ କରିଛନ୍ତି । ବିଡେନ୍ କ୍ଷମତାକୁ ଆସିଲେ ଆମେରିକାରେ ଚୀନର ପ୍ରଭୁତ୍ୱ ବଢିବ ବୋଲି ଟ୍ରମ୍ପ ମତ ଦେଇଛନ୍ତି । ବିଡେନ୍ଙ୍କୁ ରାଷ୍ଟ୍ରପତି ଭାବରେ ଦେଖିବା ପାଇଁ ଚୀନ୍ ବେଶ୍ ଉତ୍ସାହର ସହ ଅପେକ୍ଷା କରିଛି ବୋଲି କହିଛନ୍ତି ଟ୍ରମ୍ପ୍ । ଆମେରିକୀୟ ଗଣମାଧ୍ୟମ ସହିତ ଆଲୋଚନା ସମୟରେ ଟ୍ରମ୍ପ ଏହି ମନ୍ତବ୍ୟ ଦେଇଛନ୍ତି । କେବଳ ଚୀନ୍ ନୁହେଁ ଇରାନ୍ ମଧ୍ୟ ବିଡେନଙ୍କୁ ରାଷ୍ଟ୍ରପତି ଭାବରେ ଦେଖିବାକୁ ଚାହୁଁଛି ବୋଲି କହିଛନ୍ତି ଟ୍ରମ୍ପ୍ । ବିଡେନ୍ ନିର୍ବାଚିତ ହେଲେ ଇରାନ୍ ସହିତ ଏକାଧିକ ଡିଲ୍ ସ୍ୱାକ୍ଷର କରି ପାରନ୍ତି । ତେବେ ଇରାନ୍ ଅପେକ୍ଷା ଚୀନ୍ ରାଷ୍ଟ୍ରୀୟ ସୁରକ୍ଷା ପ୍ରତି ବଡ ବିପଦ ବୋଲି ଟ୍ରମ୍ପ କହିଛନ୍ତି ।
ସୂଚନାଯୋଗ୍ୟ, ଆସନ୍ତା ନଭେମ୍ବର 20ରେ ଆମେରିକାରେ ରାଷ୍ଟ୍ରପତି ନିର୍ବାଚନ ହେବ । ତେବେ କରୋନା ସଂକଟ ନ ହଟିବା ପର୍ଯ୍ୟନ୍ତ ନିର୍ବାଚନ ନ କରିବାକୁ ଟୁଇଟ୍ କରିଥିଲେ ରାଷ୍ଟ୍ରପତି ଟ୍ରମ୍ପ୍ । ଲୋକମାନେ ମତଦାନ କେନ୍ଦ୍ରକୁ ଆସି କିପରି ନିରାପଦ ମତଦାନ କରିବେ ସେନେଇ ଚିନ୍ତା ପ୍ରକଟ କରିଥିଲେ ଟ୍ରମ୍ପ୍ ।
