ମସ୍କୋ : ଆଜି ବିଶ୍ବର ପ୍ରଥମ କରୋନା ଟୀକା ଆସିଛି । ରୁଷ ରାଷ୍ଟ୍ରପତି ଭ୍ଲାଦିମିର ପୁତିନ୍ ଆଜି ବିଶ୍ୱର ପ୍ରଥମ କରୋନା ଟୀକା ସମ୍ପର୍କରେ ଘୋଷଣା କରିଛନ୍ତି । ରୁଷ ଗାମାଲିଆ ରିସର୍ଚ୍ଚ ଇନଷ୍ଟିଚ୍ୟୁଟ୍ ପକ୍ଷର ବିକଶିତ କରାଯାଉଥିବା କରୋନା ଟୀକାକୁ ରୁଷ ସ୍ୱାସ୍ଥ୍ୟ ମନ୍ତ୍ରାଳୟ ପକ୍ଷରୁ ମଞ୍ଜୁରୀ ମିଳିସାରିଛି । ଏହି ଟୀକାର ନାମ ସ୍ପୁଟନିକ-ଭି ରଖାଯାଇଛି । ଋଷିଆର ମହାକାଶ ଯାନ ସ୍ପୁଟନିକ ଅନୁଯାୟୀ ଏହାର ନାମ ସ୍ପୁଟନିକ-ଭି ରଖାଯାଇଛି। 1957 ମସିହାରେ ସୋଭିଏତ୍ ୟୁନିୟନ୍ ପକ୍ଷରୁ ଲଞ୍ଚ କରାଯାଇଥିବା ପ୍ରଥମ ଉପଗ୍ରହ ସ୍ପୁଟନିକ-1 ଅନୁଯାୟୀ ଏହାର ନାମ ରଖାଯାଇଛି।
ଉଲ୍ଲେଖଯୋଗ୍ୟ ଯେ, ଏହି ଟୀକା ପୁତିନଙ୍କ ଝିଅକୁ ଦିଆଯାଇଛି । ଏବେ ସେ ସୁସ୍ଥ ରହିଥିବା ଜଣାପଡିଛି । ପ୍ରାରମ୍ଭିକ ଭାବରେ ନିଜର ସମସ୍ତ କୋଭିଡ୍ ଯୋଦ୍ଧାଙ୍କୁ ଏହି ଟୀକା ଦିଆଯିବ ବୋଲି ପୁତିନ କହିଛନ୍ତି । (ଏଜେନ୍ସି)