କ୍ରିଷ୍ଟଚର୍ଚ୍ଚ : ଚାରି ଲକ୍ଷଟଙ୍କାର ଗୋଟିଏ ଗଛ । ଶୁଣିଲେ ଆଶ୍ଚର୍ଯ୍ୟ ଲାଗୁଥିବ । କିନ୍ତୁ ଏହା ସମ୍ପୂର୍ଣ୍ଣ ଭାବରେ ସତ୍ୟ । ନ୍ୟୁଜିଲ୍ୟାଣ୍ଡର ଜଣେ ବ୍ୟକ୍ତି ଚାରିଲକ୍ଷଟଙ୍କା ଦେଇ ଏକ ଗଛ କିଣିଛନ୍ତି । ତେବେ ସବୁଠୁ ଆଶ୍ଚର୍ଯ୍ୟର କଥା ହେଉଛି କି ଏହି ଗଛରେ ମାତ୍ର ଚାରିଟି ପତ୍ର ରହିଛି । ଏହି ଗଛଟିର ମୂଲ୍ୟ 8150 ନ୍ୟୁଜିଲ୍ୟାଣ୍ଡ ଡଲାର ବା ଭାରତୀୟ ମୁଦ୍ରାରେ ପ୍ରାୟ 4 ଲକ୍ଷ ଟଙ୍କା ରହିଛି । ଏହି ଗଛଟିର ନାମ ଫିଲୋଡେଣ୍ଡ୍ରନ ମିନିମା । ଏହି ଗଛ ଗୁଡିକୁ ସାଧାରଣତଃ ସଉକ ପାଇଁ ଘରେ ରଖାଯାଏ । ତେବେ ବିକ୍ରି ହୋଇଥିବା ଗଛଟିର ସମସ୍ତ 4ଟି ଯାକ ପତ୍ର ସବୁଜ ଏବଂ ହଳଦିଆ ରଙ୍ଗର ମିଶ୍ର ଥିଲା । ନ୍ୟୁଜିଲ୍ୟାଣ୍ଡର ୱେବସାଇଟ ଟ୍ରେଡମିରେ ଗଛଟିକୁ କିଣିବା ପାଇଁ ଅସମ୍ଭବ ଭିଡ ପରିଲକ୍ଷିତ ହୋଇଥିଲା । (ଏଜେନ୍ସି)
