ବେଜିଂ : ଚୀନ୍ର ଏକ ଥିମ୍ ପାର୍କରେ ଅଗ୍ନିକାଣ୍ଡ ଘଟି 13ଗଣଙ୍କ ମୃତ୍ୟୁ ହୋଇଥିବାର ସୂଚନା ରହିଛି । ଚୀନ୍ର ଜାତୀୟ ଦିବସ ଅବସରରେ ଆଠ ଦିନିଆ ଛୁଟି ଆରମ୍ଭର ପ୍ରଥମ ଦିନରେ ଏପରି ଏକ ଅଘଟଣ ଘଟିଯାଇଛି । ମିଳିଥିବା ସୂଚନା ଅନୁସାରେ ତାଇଓ୍ବାନ୍ ସହରର ଉପକଣ୍ଠରେ ଥିବା ଟାଇଟିସିଆନ୍ ଥିମ୍ ପାର୍କରେ ଅଗ୍ନିକାଣ୍ଡ ଘଟିଛି । ଏହି ପାର୍କରେ ଥିବା ବରଫ ସ୍ଥାପତ୍ୟ ଓ ବରଫ ମୂର୍ତ୍ତିର ଏକ ପ୍ରଦର୍ଶନୀ ହଲ୍ରେ ଅଗ୍ନିକାଣ୍ଡ ଘଟିଛି ।
ଏହି ଅଗ୍ନିକାଣ୍ଡରେ 15 ଜଣ ଲୋକେ ଆହତ ହୋଇଥିବାବେଳେ ସେମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି । ତେବେ ଏହି ଅଗ୍ନିକାଣ୍ଡ କିପରି ଘଟିଲା, ସେନେଇ ଅନୁସନ୍ଧାନ କରାଯାଉଛି । ଟାଇଟିସିଆନ୍ରେ ଅନେକ ସଂଗ୍ରହଳୟ ରହିଥିବାବେଳେ ଏହାର ଅନ୍ୟନ୍ୟ ଆକର୍ଷଣ ହେଉଛି ରାଇଡିଂ ।
ସୂଚନାଯୋଗ୍ୟ, ଚୀନ୍ ଦେଶରୁ ମହାମାରୀ କରୋନା ଉତ୍ପତ୍ତି ହୋଇ ସାରା ବିଶ୍ବରେ ତାଣ୍ଡବ ରଚିଥିବାବେଳେ ଏହା ଯୋଗୁଁ ସାରା ବିଶ୍ବର ଅର୍ଥନୀତି ମଧ୍ୟ ପ୍ରଭାବିତ ହୋଇଛି । ଅପରପକ୍ଷରେ ଚାଇନାରେ ଏବେ ଆର୍ଥିକ କାରବାରରେ ବୃଦ୍ଧି ପାଇଥିବାବେଳେ ଚୀନ୍ର ଜାତୀୟ ଛୁଟି ଦିବସ ଅବସରରେ ହଜାର ହଜାର ଲୋକଙ୍କ ଅଂଶଗ୍ରହଣ କରାଯିବ ଦ୍ବାରା ଆର୍ଥିକ ଅଭିବୃଦ୍ଧି ଦିଗରେ ଯଥେଷ୍ଟ ଉନ୍ନତି ହୋଇପାରିବ ବୋଲି ଆଶା କରାଯାଇଛି । (ଏଜେନ୍ସି)