ନୂଆଦିଲ୍ଲୀ : ବ୍ରିଟିଶ୍ ରୟାଲ୍ ଫ୍ୟାମିଲିଙ୍କୁ ଜଣେ ଅଭିଜ୍ଞ, ଦକ୍ଷ ହାଉସକିପରର ଆବଶ୍ୟକତା ରହିଛି । ଆପଣ ଯଦି ହାଉସ୍କିପରର ଦରମା ଜାଣିବେ, ତେବେ ଆପଣ ଆଶ୍ଚର୍ଯ୍ୟ ହୋଇଯିବେ । ଜଣେ ହାଉସ୍କିପର୍ ପାଇଁ ଯେତିକି ପାରିଶ୍ରାମିକ ରଖାଯାଇଛି, ତାହା ଜଣେ ଡାକ୍ତର କିମ୍ବା ଇଞ୍ଜିନିୟରର ଦରମାଠାରୁ ଅଧିକ ରହିଛି । ଏଠାରେ ହାଉସ୍କିପର୍ ପାଇଁ ରହିଥିବା ମାପଦଣ୍ଡ ଅନୁଯାୟୀ ଯିଏ ଯୋଗ୍ୟ ବିବେଚିତ ହେବ ତାଙ୍କୁ 18.5 ଲକ୍ଷର ମାସିକ ଦରମା ଦିଆଯିବ ।
ରୟାଲ୍ସ ପରିବାର ତରଫରୁ ଏକ ରୟାଲ୍ସ ଘରୋଇ ଅଧିକାରୀ ଓ୍ବେବସାଇଟ୍ରେ ଏହି ଚାକିରି ପାଇଁ ଦରଖାସ୍ତ ଆହ୍ବାନ କରାଯାଇଛି । ପଦବୀ ଅନୁସାରେ ଏହା ଲେବଲ୍ 2 ଯୋଗ୍ୟତାର ଚାକିରି ଅଟେ । ଚୟନ ପ୍ରାର୍ଥୀଙ୍କୁ ୟୁକରେ ବିଣ୍ଡେସର୍ କ୍ୟାସେଲ୍ରେ ରହିବାକୁ ପଡିବ । ସପ୍ତାହକୁ 5 ଦିନ କାର୍ଯ୍ୟଦିବସ ରହିଥିବାବେଳେ 2 ଦିନ ଛୁଟି ମିଳିବ । ଏହି ଚାକିରିରେ ପ୍ରାରମ୍ଭିକ ପର୍ଯ୍ୟାୟରେ ପାରିଶ୍ରାମିକ ବାବଦକୁ 18.5 ଲକ୍ଷ ଟଙ୍କା ମିଳିବ । ଏହା ବ୍ୟତୀତ ତାଙ୍କର ରହିବା, ଖାଇବା ତଥା ଅନ୍ୟାନ୍ୟ ସୁବିଧା ପ୍ୟାଲେସ୍ ଦ୍ବାରା କରାଯିବ ।
ଏହାଛଡା ତାଙ୍କର ଯିବା ଆସିବାର ସମସ୍ତ ଖର୍ଚ୍ଚ ମଧ୍ୟ ଅଲଗା ଦିଆଯିବ । ଚାକିରି କାଳ ମଧ୍ୟରେ 33 ଦିନର ଛୁଟି (ବ୍ୟାଙ୍କ ଛୁଟି ସହିତ) ରହିଛି । ତେବେ ପ୍ରାର୍ଥୀ ଜଣକ ଇଂରାଜୀ ଓ ଗଣିତରେ ଦକ୍ଷ ହୋଇଥିବା ଆବଶ୍ୟକ। ଚୟନ ପ୍ରାର୍ଥୀଙ୍କ ମୁଖ୍ୟ କାମ ହେଉଛି ମହଲ୍ ଭିତରର କାର୍ଯ୍ୟକୁ ତଦାରଖ କରିବା । ସେହିପରି ଏହି ଚାକିରି ପାଇଁ 13 ମାସର ଟ୍ରେନିଂ ଦିଆଯିବ । ଟ୍ରେନିଂ ପୂରା ହେବା ପରେ ଶାହୀ ପରିବାର ଦ୍ବାରା ତାଙ୍କୁ ସ୍ଥାୟୀ କର୍ମଚାରୀ ରୂପେ ଚାକିରିରେ ରଖାଯିବ । (ଏଜେନ୍ସି)
