ଇଜିପ୍ଟ : ମଜା କରିବା ପାଇଁ ବନ୍ଧୁମାନଙ୍କ ସହ ପ୍ରାଙ୍କ୍ ବା କୌତୁକ କରାଯାଇଥାଏ । ଏବେ ପ୍ରାଙ୍କ୍ କରିବା ଆଳରେ ବହୁ ଅଜବ କାର୍ଯ୍ୟ କରାଯାଉଥିବାର ଦେଖାଯାଉଛି । ଲୋକଙ୍କୁ ଅଜବ ଧରଣର କାର୍ଯ୍ୟ କରିବାକୁ ଦିଆଯାଇଥାଏ । ତେବେ ଜଣଙ୍କୁ ପ୍ରାଙ୍କ୍ କରିବା ବେଶ୍ ମହଙ୍ଗା ପଡିଛି । ବ୍ୟକ୍ତି ଜଣକ ମୃତ୍ୟୁ ମୁଖରୁ ବଞ୍ଚିଛନ୍ତି ।
ମିଳିଥିବା ସୂଚନା ଅନୁସାରେ ଇଜିପ୍ଟର ଜଣେ ବ୍ୟକ୍ତି ଫ୍ରାଙ୍କ୍ କରିବା ପାଇଁ ମୋବାଇଲ୍କୁ ଗିଳି ଦେଇଛନ୍ତି । ଅପରପକ୍ଷରେ ମୋବାଇଲ୍ ଗିଳିବା ପରେ ସେ ଡାକ୍ତରଙ୍କ ନିକଟକୁ ନ ଯାଇ ପ୍ରାକୃତିକ ଉପାୟରେ ଏହି ମୋବାଇଲ୍କୁ ପେଟରୁ ବାହାର କରିବା ପାଇଁ ଉପାୟ ଆପଣାଇଥିଲେ । ଏଥିରେ ଅସଫଳ ହେବା ପରେ ତାଙ୍କ ଅବସ୍ଥା ବେଶ୍ ସାଂଘାତିକ ହୋଇଥିଲଶ ।
ବ୍ୟକ୍ତିଜଣକ କୌତୁକ କରିବା ପାଇଁ ନିଜ ଲିମିଟ୍ କ୍ରସ୍ କରିଛନ୍ତି । ବ୍ୟକ୍ତିଜଣକ ନିଜ ବନ୍ଧୁମାନଙ୍କ ସହ ପ୍ରାଙ୍କ୍ କରୁଥିଲେ । ଏହି ସମୟରେ ସେ ତାଙ୍କ ପେଟ ଭିତରୁ ମୋବାଇଲ୍ରୁ ଶବ୍ଦ ଶୁଣାଇବାକୁ ଚାହୁଁଥିଲେ । ଏଥିପାଇଁ ସେ ମୋବାଇଲ୍କୁ ଗିଳି ଦେଇଥିଲେ।ଏହାପରେ ମୋବାଇଲ୍ଟି ତାଙ୍କ ପେଟରେ ଯାଇ ଅଟକି ଯାଇଥିଲା । ଏହାପରେ ସେ ଡାକ୍ତରଙ୍କ ନିକଟକୁ ଯାଇନଥିଲେ। ଘରୋଇ ଉପଚାର ଦ୍ବାରା ଏହାର ସମାଧାନ କରିବାକୁ ଚେଷ୍ଟା କରୁଥିଲେ । କିନ୍ତୁ ଏଥିରେ ସେ ସଫଳ ହୋଇପାରିନଥିଲେ । ପ୍ରାୟ ସାତ ମାସ ଧରି ସେ ଏହି ଅସୁବିଧାର ସମ୍ମୁଖୀନ ହେଲେ । ପେଟରେ ଯନ୍ତ୍ରଣା ବଢିବା ପରେ ସେ ଡାକ୍ତରଙ୍କ ନିକଟକୁ ଯାଇଥିଲେ । ଡାକ୍ତର ଏକଥା ଶୁଣି ଆଶ୍ଚର୍ଯ୍ୟ ହେବା ସହିତ ଅଲ୍ଟ୍ରାସାଉଣ୍ଡ୍ କରିଥିଲେ । ଅଲ୍ଟ୍ରାସାଉଣ୍ଡ ରିପୋର୍ଟରେ ପେଟରେ ମୋବାଇଲ୍ ଅଟକି ଥିବାର ଜାଣିବାକୁ ପାଇଥିଲେ । ଏହାପରେ ଡାକ୍ତର ସର୍ଜରୀ କରି ମୋବାଇଲ୍କୁ ପେଟରୁ ବାହାର କରିଥିଲେ । ତେବେ ବ୍ୟକ୍ତିଜଣକ ନିଜ ପରିଚୟ ଗୋପନ ରଖିବାକୁ ଅନୁରୋଧ କରିଥିଲେ । ବ୍ୟକ୍ତିଙ୍କ ପରିବାରଙ୍କୁ ଏହି ଘଟଣା ସମ୍ପର୍କରେ କିଛି ଜାଣିନଥିବାର ଜଣାପଡିଛି । (ଏଜେନ୍ସି)