କାଜାକାସ୍ତାନ : ପ୍ରେମ ସତରେ ଅନ୍ଧ ହୋଇଥାଏ । ନା ସେଠି ଦେଖାଯାଏ ଜାତି, ଧର୍ମ ନା ବୟସ । ମନୁଷ୍ୟ ପ୍ରେମ ପାଇଁ ସବୁ ବନ୍ଧନକୁ ବି କାଟିପକାଏ । କିନ୍ତୁ କାଜାକିସ୍ତାନରେ ଜଣେ ଯୁବକଙ୍କ ନିଆରା ପ୍ରେମ ଏବେ ଚର୍ଚ୍ଚାର ବିଷୟ ପାଲଟିଛି । କାଜ୍କାସ୍ତାନର ଜଣେ ଯୁବକ ଏକ ପ୍ଲାଷ୍ଟିକ୍ କଣ୍ଢେଇକୁ ଭଲ ପାଇବସିଲେ । ଏହାପରେ ଏହି କଣ୍ଢେଇକୁ ବିବାହ କରିଛନ୍ତି ଯୁବକ ଜଣକ । ତେବେ ଏହି ବିବାହ କୌଣସି ମଜାକ୍ରେ ହୋଇନଥିଲା ବରଂ ସମ୍ପୂର୍ଣ୍ଣ ରୀତିନୀତି ଅନୁସାରେ ବିବାହ କରାଯାଇଥିଲା ।
କାଜାକ୍ସ୍ତାନରେ ଜଣେ ଯୁବକଙ୍କ ଅଜବ ବାହାଘର ଏବେ ଚର୍ଚ୍ଚାର ଶିରୋନାମା ପାଲଟିଛି । ଯୁବକ ଜଣକ ହେଉଛନ୍ତି ୟୁରି ଟୋଲଚୋକ୍ । ସେହିପରି ସେ ବିବାହ କରିଥିବା କଣ୍ଢେଇର ନାମ ମାର୍ଗୋ । ମର୍ଗୋ ଓ ୟୁରୀଙ୍କ ପ୍ରଥମ ଦେଖାସାକ୍ଷାତ ଡିସ୍କୋର ହୋଇଥିଲା । ୟୁରି ପ୍ରଥମ ଦେଖାରେ କଣ୍ଢେଇ ମର୍ଗୋଙ୍କୁ ନିଜ ହୃଦୟ ଦେଇ ବସିଥିଲେ । ମାର୍ଗୋ ହେଉଛି ଏକ ସିନ୍ଥେଟିକ୍ ସେକ୍ସ ଡଲ୍ । ୟୁରୀ ପ୍ରଥମେ ମାର୍ଗୋ ସହ ନିଜର ନିର୍ବନ୍ଧ କରାଇଥିଲେ । ଦୁହିଁଙ୍କର ରିଙ୍ଗ୍ ସେରିମନିର ଭିଡିଓ ସୋସିଆଲ ମିଡିଆରେ ଭାଇରାଲ୍ ହୋଇଥିଲା । ଏହାକୁ ଦେଖି ଲୋକେ ଆଶ୍ଚର୍ଯ୍ୟ ହେବା ସହିତ ୟୁରୀଙ୍କର ପାଗଳାମୀ ବହୁତ ଶୀଘ୍ର ବନ୍ଦ ହୋଇଯିବ ବୋଲି ଲୋକେ ଭାବିଥିଲେ । କିନ୍ତୁ ମାର୍ଗୋଙ୍କ ଯାଦୁ ୟୁରିଙ୍କ ଜୀବନରେ ଏମିତି ରହିଲା ଯେ ୟୁରୀ ନିର୍ବନ୍ଧ ପରେ ସମ୍ପୂର୍ଣ୍ଣ ରୀତିନୀତି ଅନୁଯାୟୀ ମାର୍ଗୋଙ୍କ ସହ ବିବାହ କରିଥିଲେ । ମାର୍ଗୋଙ୍କ ସୌନ୍ଦର୍ଯ୍ୟରେ ମୋହିତ ହୋଇ ତାଙ୍କୁ ବିବାହ କରିବାର ନିଷ୍ପତ୍ତି ନେଇଥିଲେ ବୋଲି କହିଛନ୍ତି ୟୁରୀ । ତେବେ ତାଙ୍କ ବିବାହରେ 15ଜଣରୁ ଅଧିକ ଅତିଥି ଯୋଗ ଦେଇଥିଲେ । ୟୁରୀ ମାର୍ଗୋଙ୍କ ସହ ସାତ ଜନ୍ମ ପାଇଁ ଶପଥ ନେଇଥିଲେ । ମର୍ଗୋ ଓ ୟୁରୀଙ୍କ ବିବାହର ଭିଡିଓ ସୋସିଆଲ୍ ମିଡିଆରେ ବେଶ୍ ଭାଇରାଲ୍ ହୋଇଛି ।ଦୁହେଁ ବିବାହ ପରେ ଖୁସିରେ ନାଚୁଥିବାର ମଧ୍ୟ ଦେଖାଯାଉଛି।