ହାଇଦ୍ରାବାଦ : ବାହୁବଳୀ ଅଭିନେତା ପ୍ରଭାସ ତାଙ୍କର ଅପକମିଙ୍ଗ୍ ଫିଲ୍ମ ‘ଆଦିପୁରୁଷ’ରେ ଶ୍ରୀରାମଙ୍କ ଭୂମିକାରେ ନଜର ଆସିବେ। ‘ତାନାଜୀ’ ଫିଲ୍ମର ନିର୍ଦ୍ଦେଶ ଓମ୍ ରାଉତ ଏହି ଫିଲ୍ମର ନିର୍ଦ୍ଦେଶନା ଦେବାକୁ ଯାଉଛନ୍ତି । ଏହି ଫିଲ୍ମର ଏକ ପୋଷ୍ଟର ସେୟାର କରିବା ସହିତ ପ୍ରଭାସ ଲେଖିଛନ୍ତି, ‘ଧର୍ମ ଉପରେ ଅଧର୍ମର ବିଜୟ’ ପାଳନର ଏକ ଅନନ୍ୟ କାହାଣୀ ଆଦି ପୁରୁଷ । ଏହି ଥ୍ରିଡି ଫିଲ୍ମଟି ଭାରତୀୟ ପୌରାଣିକ ଗ୍ରନ୍ଥ ରାମାୟଣ ଉପରେ ଆଧାରିତ । ଏହି ଫିଲ୍ମର ସୁଟିଂ ୨୦୨୧ରେ ଆରମ୍ଭ ହେବା ସହିତ ୨୦୨୨ରେ ଏହି ଫିଲ୍ମଟି ରିଲିଜ ହେବ । ଏହି ଫିଲ୍କର ପୋଷ୍ଟର ପାଇଁ ପ୍ରଭାସଙ୍କୁ ଅଭିନନ୍ଦନ ଜଣାଇଛନ୍ତି ମହାନାଟୀ ନିର୍ଦ୍ଦେଶକ ନାଗ ଅଶ୍ୱିନ।
ଏହି ଫିଲ୍ମ ବ୍ୟତୀତ ପ୍ରଭାସ ’ରାଧେ ଶ୍ୟାମ’ ଏବଂ ନାଗ ଅଶ୍ୱିନଙ୍କ ଅପକମିଙ୍ଗ ଫିଲ୍ମରେ ମଧ୍ୟ ମୁଖ୍ୟ ଭୂମିକାରେ ନଜର ଆସିବେ । ନାଗ ଅଶ୍ୱିନଙ୍କ ଫିଲ୍ମରେ ଦୀପିକା ପାଦୁକୋନ୍ ମୁଖ୍ୟ ଅଭିନେତ୍ରୀ ଭାବରେ ନଜର ଆସିବେ ବୋଲି ସୂଚନା ରହିଛି । (ଏଜେନ୍ସି)