ଭୁବନେଶ୍ୱର: ରାଷ୍ଟ୍ରପତି ଦ୍ରୌପଦୀ ମୁର୍ମୁଙ୍କ ମୟୂରଭଞ୍ଜ ଗସ୍ତ କାର୍ଯ୍ୟକ୍ରମରେ ପରିବର୍ତ୍ତନ କରାଯାଇଛି। ସେ ଆସନ୍ତା ମେ ୯ ତାରିଖରେ ଆସିବାର ସମୟ ନିର୍ଦ୍ଧାରିତ ହୋଇଥିଲା। ହେଲେ ସେହି ଦିନ ପରିବର୍ତ୍ତେ ସେ ୪ ତାରିଖରେ ଓଡିଶା ଆସି ମୟୂରଭଞ୍ଜ ଯିବେ।
ତେବେ ୯ ତାରିଖରୁ ଯାହା କାର୍ଯ୍ୟକ୍ରମ ଥିଲା ତାହା ପୂର୍ବ ନିର୍ଦ୍ଧାରିତ ଅନୁସାରେ ୪ ତାରିଖରୁ କରାଯିବ। ରାଷ୍ଟ୍ରପତି ସେଦିନ ଓଡିଶା ଆସି ରାତିରେ ବାରିପଦା ସର୍କିଟ୍ ହାଉସରେ ରହିବେ । ୬ ତାରିଖରେ ବାରିପଦାସ୍ଥିତ ମହାରାଜା ଶ୍ରୀରାମଚନ୍ଦ୍ର ଭଞ୍ଜଦେଓ ବିଶ୍ୱବିଦ୍ୟାଳୟ ସମାବର୍ତ୍ତନ ଉତ୍ସବରେ ଯୋଗ ଦେବେ। ରାଷ୍ଟ୍ରପତି ହେବା ପରେ ଦ୍ରୌପଦୀ ମୁର୍ମୁଙ୍କ ଏହା ହେଉଛି ତାଙ୍କ ଜନ୍ମମାଟିକୁ ପ୍ରଥମ ଗସ୍ତ।
Tags: ଦ୍ରୌପଦୀ ମୁର୍ମୁ, ରାଷ୍ଟ୍ରପତି
