Close Menu
The Samikhsya OdiaThe Samikhsya Odia
  • ହୋମ
  • ବିଶେଷ ଖବର
  • ରାଜ୍ୟ ଖବର
  • ଜାତୀୟ ଖବର
  • ଆଞ୍ଚଳିକ
  • ସଂସ୍କୃତି
  • ବ୍ୟବସାୟ
  • ଧର୍ମ
  • ଖେଳ
  • ମନୋରଂଜନ
  • ଅନ୍ତରାଷ୍ଟ୍ରୀୟ
  • ଜୀବନ ଶୈଳୀ
Facebook X (Twitter) LinkedIn
  • About Us
  • Contact Details
  • Grievance
  • Privacy Policy
  • Terms Of Use
Facebook X (Twitter) LinkedIn
The Samikhsya OdiaThe Samikhsya Odia
  • ହୋମ
  • ବିଶେଷ ଖବର
  • ରାଜ୍ୟ ଖବର
  • ଜାତୀୟ ଖବର
  • ଆଞ୍ଚଳିକ
  • ସଂସ୍କୃତି
  • ବ୍ୟବସାୟ
  • ଧର୍ମ
  • ଖେଳ
  • ଅନ୍ୟାନ୍ୟ
    • ମନୋରଂଜନ
    • ଅନ୍ତରାଷ୍ଟ୍ରୀୟ
    • ଜୀବନ ଶୈଳୀ
Eng
The Samikhsya OdiaThe Samikhsya Odia
Eng
Home»ଜାତୀୟ ଖବର»ଓଡିଶାରେ ବଳବାନ ହେଉଛି କଂଗ୍ରେସ, ମାଲକାନାଗିରିରେ ମୂଳନିବାସୀ ଜନଜାଗରଣ ସମାବେଶ
ଜାତୀୟ ଖବର

ଓଡିଶାରେ ବଳବାନ ହେଉଛି କଂଗ୍ରେସ, ମାଲକାନାଗିରିରେ ମୂଳନିବାସୀ ଜନଜାଗରଣ ସମାବେଶ

October 6, 2023No Comments2 Mins Read
Share Facebook Twitter LinkedIn Email WhatsApp Copy Link
ଓଡିଶା କଂଗ୍ରେସ
ବଳବାନ ହେଉଛି ଓଡିଶା କଂଗ୍ରେସ, ମାଲକାନାଗିରିରେ ମୂଳନିବାସୀ ଜନଜାଗରଣ ସମାବେଶ

ଭୁବନେଶ୍ୱର : ଗତକାଲି ପ୍ରଦେଶ କଂଗ୍ରେସ ତରଫରୁ ମାଲକାନାଗିରିର ଦଣ୍ଡକାରଣ୍ୟ ପଡ଼ିଆରେ କଂଗ୍ରେସ ମୂଳନିବାସୀ ଜନଜାଗରଣ ସମାବେଶ ଆୟୋଜିତ ହୋଇଯାଇଛି। ଏହି ଆୟୋଜନ କଂଗ୍ରେସର ପ୍ରଥମ ଏକ ବଡ ଆୟୋଜନ। କାରଣ ଶରତ ପଟ୍ଟନାୟକ ସଭାପତି ହେବାପରେ ତାଙ୍କ ନେତୃତ୍ବରେ କଂଗ୍ରେସ ପଦଯାତ୍ରା କରାଯାଇଥିଲା। ଏହାପରେ ମାଲକାନାଗିରିର ଏହି ସମାବେଶ ଏକ ବଡ ସମାବେଶ।

ଏହି ସମାବେଶ ପୂର୍ବରୁ ପ୍ରଥମେ କଂଗ୍ରେସ କମିଟି ସଭାପତି ଶ୍ରୀ ଶରତ ପଟ୍ଟନାୟକଙ୍କ ନେତୃତ୍ୱରେ ଏକ ବିଶାଳ ରାଲି ଜୟପୁର ସହର ପରିକ୍ରମ କରିଥିଲା। ମାଥିଲି ଥାନା ଠାରେ ଅବସ୍ଥିତ ସହୀସ ସ୍ମୃତି ସ୍ତମ୍ବରେ ଭକ୍ତିପୂତ ଶ୍ରଦ୍ଧାଞ୍ଜଳି ଜ୍ଞାପନ କରିବା ସହ ମାଲ୍ୟାର୍ପଣ କରାଯାଇଥିଲା। ପିସିସି ସଭାପତି ଶ୍ରୀ ପଟ୍ଟନାୟକ ଏବଂ ଅନ୍ୟାନ୍ୟ ନେତୃବୃନ୍ଦ ମାଲକାନାଗିରି ସହର ପରିକ୍ରମା କରି ଦଣ୍ଡକାରଣ୍ୟ ପଡ଼ିଆଠାର ଆୟୋଜିତ “ମୁଳନିବାସୀ ଜାଗରଣ ସମାବେଶ”ରେ ଯୋଗଦେଇଥିଲେ।

ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଅଂଶଗ୍ରହଣ କରି ଅଖିଳ ଭାରତ କଂଗ୍ରେସ କମିଟିର ଓଡ଼ିଶା ପ୍ରଭାରୀ ତଥା ସାଂସଦ ଡା. ଏ.ଚେଲ୍ଲା କୁମାର କହିଥିଲେ ଯେ ମାଲକାନଗିରି ଜିଲ୍ଲା ନୀତିଆୟୋଗଙ୍କ ରିପୋର୍ଟ ଅନୁଯାୟୀ ଓଡ଼ିଶାରେ ସବୁଠାରୁ ଗରିବ ଜିଲ୍ଲା। ଯେଉଁଠାରେ ଶିକ୍ଷା, ସ୍ୱାସ୍ଥ୍ୟ ବ୍ୟବସ୍ଥା ଅତ୍ୟନ୍ତ ବିପର୍ଯ୍ୟସ୍ତ। ମାଲକାନଗିରି ଜିଲ୍ଲାରେ ମଞ୍ଜୁରୀ ପ୍ରାପ୍ତ ୧୯୭ ଟି ଡାକ୍ତର ପଦବୀରୁ ୮୮ ଟି ଖାଲି ପଡ଼ିଛି। ସ୍ୱାସ୍ଥ୍ୟସେବାରେ ଭିତିଭୂମିର ଘୋର ଅଭାବ।

ଏହି ସମାବେଶରେ ପିସିସି ସଭାପତି ଶ୍ରୀ ଶରତ ପଟ୍ଟନାୟକ କହିଥିଲେ ଯେ, ୨୦୨୪ ବର୍ଷ ଓଡ଼ିଶାର କଂଗ୍ରେସର ବର୍ଷ ହେବ। ଉଭୟ ନବୀନ ଓ ମୋଦୀ ସରକାର ଫମ୍ପା ପ୍ରତିଶ୍ରୁତିକୁ ଲୋକେ ବୁଝିସାରିଲେଣି। ମାଲ୍‌କାନାଗିରି ଜିଲ୍ଲାରେ ଯାହାବି ବିକାଶ ହୋଇଛି ତାହା କଂଗ୍ରେସ ଅମଳରେ ହୋଇଥିଲା।

ଏହି କାର୍ଯ୍ୟକ୍ରମରେ ଅଖିଳ ଭାରତ କଂଗ୍ରେସ କମିଟିର ଅନସୂୁଚିତ ଜାତି, ଜନଜାତି, ପଛୁଆବର୍ଗ ଓ ସଂଖ୍ୟାଲଘୁ ବିଭାଗର କୋଅଡ଼ିନେଟର ଶ୍ରୀ କେ. ରାଜୁ ଯୋଗ ଦେଇ କହିଥିଲେ ଯେ, ଓଡ଼ିଶାରେ ଓବିସି କମିଶନଙ୍କ ରିପୋର୍ଟ ସନ୍ତୋଷ ଜନକ ନୁହେଁ, ଏହା ତରବରିଆ କରାଯାଇଛି। ଘର ଘର ବୁଲି ଏହି ରିପୋର୍ଟ ପ୍ରସ୍ତୁତ କରିବା ଉଚିତ୍ ଥିଲା। ବିଭିନ୍ନ ରାଜ୍ୟରେ ସରକାରୀ ନିଯୁକ୍ତି ଓ ଶିକ୍ଷା କ୍ଷେତ୍ରରେ ଓବିସିଙ୍କୁ ୨୭ ପ୍ରତିଶତ ସଂରକ୍ଷଣ ଦିଆଯାଉଥିଲାବେଳେ ଓଡ଼ିଶାରେ ତାହାକୁ ୧୧.୫ ପ୍ରତିଶ୍ରୁୂତି ସଂରକ୍ଷଣ ଦେବା ଦୁର୍ଭାଗ୍ୟଜନକ।

ଏହି କାର୍ଯ୍ୟକ୍ରମରେ ଛତିଶଗଡ଼ ମନ୍ତ୍ରୀ କାବାଶି ଲଛମା, ଏ.ଆଇ.ସି.ସି ଅନୁସୂଚିତ ଜାତି ବିଭାଗ ଅଧ୍ୟକ୍ଷ ରାଜେଶ୍ ଲିଲୁଟିଆ ଓ ଜନଜାତି ବିଭାଗ ଅଧ୍ୟକ୍ଷ ଶିବାଜୀ ରାଓ ମୁଘେ,ପ୍ରଚାର କମିଟି ଅଧ୍ୟକ୍ଷ ବିଜୟ ପଟ୍ଟନାୟକ।, ବିଧାୟକ ତାରା ପ୍ରସାଦ ବାହିନପତି, ଡଃ ଦେବାଶିଷ ପଟ୍ଟନାୟକ, ରମେଶ ଜେନା, ମୀନାକ୍ଷି ବାହିନପତି, ଦାସରଥି ଗମାଙ୍ଗୋ ଯୋଗ ଦେଇଥିଲେ।

ସେହିପରି ଭୂଜବଳ ମାଝୀ, ବାଙ୍କନିଧି ବେହେରା, ନିମେଇ ସରକାର, ପ୍ରକାଶ ମିଶ୍ର, ତରୁଣ ମିଶ୍ର, ଟୁନା ମହାପାତ୍ର, ମାନସ ମଲ୍ଲୀକ, ପ୍ରଦୀପ ମହାପାତ୍ର, ମିହିର ଆଚାର୍ଯ୍ୟ, ରତ୍ନମଣି ଉଲ୍ଲାକା, ବିଜୟାନନ୍ଦ ଚାଉଳୀଆ, ମାଲ୍ଲାମାଡ଼ି, ପର୍ଶୁରାମ ଭକ୍ତ, ଜି. ଶ୍ରୀନିବାସ ରାଓ, ଇସା ଖୋସଲା, ସନ୍ତୋଷ ପଟ୍ଟନାୟକ ଓ ମନୋଜ ନାୟକ ପ୍ରମୁଖ ଅଂଶ ଗ୍ରହଣ କରିଥିଲେ। ଜିଲ୍ଲା କଂଗ୍ରେସ ସଭାପତି ଶ୍ରୀ ଗୋବିନ୍ଦ ପାତ୍ର ସଭାପତିତ୍ୱ କରିବା ସହ ସଭାକାର୍ଯ୍ୟ ପରିଚାଳନା କରିଥିଲେ।

କଂଗ୍ରେସ ଜନଜାଗରଣ ସମାବେଶ ମାଲକାନାଗିରି ଶରତ ପଟ୍ଟନାୟକ
Share. Facebook Twitter LinkedIn Email WhatsApp Copy Link

Related Posts

ଭାରତର ନେତୃତ୍ୱରେ ସାର୍କ ଅଞ୍ଚଳରେ ଗୁରୁତ୍ୱପୂର୍ଣ୍ଣ ମତ୍ସ୍ୟଚାଷ ପ୍ରକଳ୍ପ: ଓଡ଼ିଆ ବୈଜ୍ଞାନିକଙ୍କ ଅଗ୍ରଣୀ ଭୂମିକା

August 4, 2025

ଚୂଡାନ୍ତ ରାଉଣ୍ଡ ନାମଲେଖା ପାଇଁ ଆଇଆଇଏମସି ପକ୍ଷରୁ ଆବେଦନ ଆହ୍ବାନ

August 4, 2025

ଇଂଲଣ୍ଡ ମୁହଁରୁ ବିଜୟ ଛଡାଇ ଆଣିଲା ଭାରତ: ସିରିଜ୍ ୨-୨ ରେ ବରାବର

August 4, 2025

ଆରପାରିରେ ପୂର୍ବତନ ମୁଖ୍ୟ ଶାସନ ସଚିବ, ଜଗନ୍ନାଥ ଗବେଷକ ସୁବାଷ ପାଣି

August 4, 2025
Latest News

ଭାରତର ନେତୃତ୍ୱରେ ସାର୍କ ଅଞ୍ଚଳରେ ଗୁରୁତ୍ୱପୂର୍ଣ୍ଣ ମତ୍ସ୍ୟଚାଷ ପ୍ରକଳ୍ପ: ଓଡ଼ିଆ ବୈଜ୍ଞାନିକଙ୍କ ଅଗ୍ରଣୀ ଭୂମିକା

August 4, 2025

ଚୂଡାନ୍ତ ରାଉଣ୍ଡ ନାମଲେଖା ପାଇଁ ଆଇଆଇଏମସି ପକ୍ଷରୁ ଆବେଦନ ଆହ୍ବାନ

August 4, 2025

ଇଂଲଣ୍ଡ ମୁହଁରୁ ବିଜୟ ଛଡାଇ ଆଣିଲା ଭାରତ: ସିରିଜ୍ ୨-୨ ରେ ବରାବର

August 4, 2025

ଆରପାରିରେ ପୂର୍ବତନ ମୁଖ୍ୟ ଶାସନ ସଚିବ, ଜଗନ୍ନାଥ ଗବେଷକ ସୁବାଷ ପାଣି

August 4, 2025

NRC ଭୟ!: ବାଂଲାଦେଶ ପଠାଇଦେବା ଚିନ୍ତାରେ ଆତ୍ମହତ୍ୟା କଲେ କୋଲକାତାରେ ରହୁଥିବା ବ୍ୟକ୍ତି

August 4, 2025
Load More
The Samikhsya Odia
Facebook X (Twitter) LinkedIn
  • About Us
  • Contact Details
  • Grievance
  • Privacy Policy
  • Terms Of Use

Chief Editor: Sarat Paikray

© 2018-2025 All rights resorved by S M Network | Designed by Ratna Technology.

Type above and press Enter to search. Press Esc to cancel.