ନୂଆଦିଲ୍ଲୀ: ଆଗାମୀ ଲୋକସଭା ନିର୍ବାଚନରେ ୨୦୧୯ରେ ହାସଲ କରିଥିବା ୩୦୩ଟି ଆସନକୁ ଅତିକ୍ରମ କରି ନିଜର ସର୍ବୋଚ୍ଚ ଆସନ ହାସଲ କରିବାକୁ ଲକ୍ଷ୍ୟ ରଖିଥିବା ବିଜେପି ମଧ୍ୟ ମେଣ୍ଟ ପାଇଁ ପ୍ରସ୍ତୁତ ରହିଛି। କର୍ଣ୍ଣାଟକର ପୂର୍ବତନ ମୁଖ୍ୟମନ୍ତ୍ରୀ ଜଗଦୀଶ ଶେଟ୍ଟରଙ୍କ ପାଇଁ ଭାରତୀୟ ଜନତା ପାର୍ଟି (ବିଜେପି) ରେଡ୍ କାର୍ପେଟ୍ ବିଛାଇ ସ୍ୱାଗତ କରିଛି। ଗତବର୍ଷ ରାଜ୍ୟ ବିଧାନସଭା ନିର୍ବାଚନରେ ଟିକେଟ୍ ନ ମିଳିବା ପରେ ଶେଟ୍ଟର ବିଜେପି ଛାଡ଼ି କଂଗ୍ରେସରେ ଯୋଗଦେଇ ନିର୍ବାଚନ ହାରିଯାଇଛନ୍ତି। ଅନ୍ୟଜଣେ ସହଯୋଗୀରୁ ପ୍ରତିଦ୍ୱନ୍ଦ୍ୱୀ ପାଲଟିଥିବା ନୀତୀଶ କୁମାରଙ୍କ ସମ୍ଭାବ୍ୟ ପ୍ରତ୍ୟାବର୍ତ୍ତନ ପାଇଁ ପ୍ରସ୍ତୁତି ଚଳାଇଛି ବିଜେପି।
ଯଦିଓ ଜନତା ଦଳ (ୟୁନାଇଟେଡ୍) ସହ ସମ୍ଭାବ୍ୟ ପୁନର୍ମିଳନର ରୂପରେଖ ପ୍ରସ୍ତୁତ କରାଯାଉଛି- ନୀତୀଶଙ୍କ ମେଣ୍ଟ ସହଯୋଗୀ ରାଷ୍ଟ୍ରୀୟ ଜନତା ଦଳ ସହ ସଂଘର୍ଷ ପରେ ତାଙ୍କ ପରବର୍ତ୍ତୀ ପଦକ୍ଷେପକୁ ନେଇ ଅନିଶ୍ଚିତତା ଲାଗି ରହିଥିବାବେଳେ ରାଜ୍ୟରେ ବିଜେପି କର୍ମକର୍ତ୍ତାମାନେ ଆଗାମୀ ୨୦୨୪ ଲୋକସଭା ନିର୍ବାଚନ ପୂର୍ବରୁ ବିଶେଷକରି କଂଗ୍ରେସରୁ ଅଧିକ ନେତା ଦଳକୁ ଆସିବେ ବୋଲି ଆଶା ରଖିଛନ୍ତି। ଦଳର ଜଣେ ବରିଷ୍ଠ ନେତା କହିଛନ୍ତି ଯେ ଆହୁରି ଅଧିକ ଦଳ ଏନଡିଏରେ ସାମିଲ ହେବାର ସମ୍ଭାବନା ରହିଛି ଏବଂ ଏପରିକି ପ୍ରମୁଖ ନେତାମାନେ ମଧ୍ୟ ଦଳ ପରିବର୍ତ୍ତନ କରିବାର ସମ୍ଭାବନା ରହିଛି। ୨୪୩ ଆସନ ବିଶିଷ୍ଟ ବିହାର ବିଧାନସଭାରେ ଆରଜେଡିର ୭୯, ବିଜେପିର ୭୮ ଏବଂ ଜେଡିୟୁର ୪୫ ଆସନ ରହିଛି।
୨୦୧୯ରେ ହାସଲ କରିଥିବା ୩୦୩ ବିଜୟକୁ ଅତିକ୍ରମ କରି ଆଗାମୀ ଲୋକସଭା ନିର୍ବାଚନରେ ସର୍ବାଧିକ ଆସନ ହାସଲ କରିବାକୁ ଲକ୍ଷ୍ୟ ରଖିଥିବା ବିଜେପି ମଧ୍ୟ କୁମାରଙ୍କ ଜେଡିୟୁ ଭଳି ଦଳ ସହ ମେଣ୍ଟ କରିବାକୁ ପ୍ରସ୍ତୁତ ଅଛି। ୨୦୨୨ରେ ଦୁହେଁ ଅଲଗା ହୋଇଥିଲେ ଏବଂ ଏହା ପରେ ଜାତିଗତ ଜନଗଣନା ଏବଂ ଖରାପ ଶାସନ ଅଭିଯୋଗ ଭଳି ନୀତିଗତ ପ୍ରସଙ୍ଗରେ କଡ଼ା ସମାଲୋଚନା କରିଥିଲେ।
୨୦୧୩ରେ ମଧ୍ୟ ନରେନ୍ଦ୍ର ମୋଦିଙ୍କ ପ୍ରଧାନମନ୍ତ୍ରୀ ପ୍ରାର୍ଥୀତ୍ୱକୁ ବିରୋଧ କରି ଜେଡିୟୁ ଏନଡିଏରୁ ଓହରି ଯାଇଥିଲା। ନୀତୀଶ କୁମାରଙ୍କ ଉଲ୍ଲଂଘନ ସମ୍ପର୍କରେ କୌଣସି ମନ୍ତବ୍ୟ ଦେବାକୁ ମନା କରି ଦେଇଥିବା ଏହି ନେତା କହିଛନ୍ତି ଯେ ଦଳ ସର୍ବଦା ନିଜର ଦ୍ୱାର ଖୋଲା ରଖିଛି ଏବଂ ଅଲଗା ହୋଇଥିବା ଦଳଗୁଡ଼ିକ ସହିତ ପୁନର୍ବାର ମେଣ୍ଟ କରିବାକୁ ବିରୋଧ କରୁନାହିଁ।
ଏନଡିଏ (ବିଜେପି ନେତୃତ୍ୱାଧୀନ ଜାତୀୟ ଗଣତାନ୍ତ୍ରିକ ମେଣ୍ଟ)ରେ ଜେଡିୟୁ ଫେରିବା ଇଣ୍ଡି ମେଣ୍ଟ ପାଇଁ ଏକ ଝଟକା ହେବ, କାରଣ ଏହା ଦର୍ଶାଉଛି ଯେ ଏନଡିଏ ବିରୋଧରେ ବିରୋଧୀଙ୍କ ମେଣ୍ଟ କେତେ ଦୁର୍ବଳ। ଏଥିରେ ବିଜେପି କ’ଣ କହୁଛି ତାହା ମଧ୍ୟ ପ୍ରମାଣିତ ହେଉଛି- ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ନେତୃତ୍ୱ ଦଳକୁ ନିର୍ବାଚନ ପାଇଁ ପଅସ୍ତୁତ ରଖିଛି ବୋଲି ଜଣେ କର୍ମକର୍ତ୍ତା କହିଛନ୍ତି।
ବିଜେପିର ରାଜ୍ୟସଭା ସାଂସଦ ତଥା ବିହାରର ପୂର୍ବତନ ଉପମୁଖ୍ୟମନ୍ତ୍ରୀ ସୁଶୀଲ ମୋଦୀ ବିହାରରେ ସାମ୍ବାଦିକମାନଙ୍କୁ କହିଛନ୍ତି ଯେ ବିଜେପି କାହା ଉପରେ କବାଟ ବନ୍ଦ କରିନାହିଁ। ଆମେ ସମସ୍ତ ଘଟଣାକ୍ରମ ଉପରେ ନଜର ରଖିଛୁ ଏବଂ ଆବଶ୍ୟକ ପଡ଼ିଲେ ଉପଯୁକ୍ତ ନିଷ୍ପତ୍ତି ନିଆଯିବ। ରାଜନୀତିରେ କୌଣସି ଦ୍ୱାର ସ୍ଥାୟୀଭାବେ ବନ୍ଦ ହୋଇନଥାଏ ଏବଂ ଆବଶ୍ୟକ ପଡ଼ିଲେ ଦ୍ୱାର ଖୋଲାଯାଇପାରିବ।
ପୂର୍ବତନ ଓ ନୂଆ ସହଯୋଗୀ ଦଳକୁ ସାମିଲ କରିବା ବିଜେପିକୁ ନିଜର ସଂଖ୍ୟା ବଢ଼ାଇବାରେ ସହାୟକ ହେବ ଏବଂ ବିରୋଧୀ ଦଳ ନେତାଙ୍କ ଇଣ୍ଡି ମେଣ୍ଟରେ ତିକ୍ତତା ଦେଖାଦେବା ଆରମ୍ଭ ହୋଇଛି।
୨୦୧୮ ପରଠାରୁ ଏନଡିଏରେ କିଛି ଶକ୍ତିଶାଳୀ ସହଯୋଗୀଙ୍କ ବିଦାୟ ଦେଖିବାକୁ ମିଳିଛି। ୨୦୧୮ରେ ବିଜେପି ଜମ୍ମୁ-କଶ୍ମୀରରେ ପିଡିପି ମେଣ୍ଟ ସରକାରରୁ ଓହରିଯିବା ପରେ ତେଲୁଗୁ ଦେଶମ ପାର୍ଟି (ଟିଡିପି) ପ୍ରଥମେ ମେଣ୍ଟ ଛାଡ଼ଇଥିଲା। ମହାରାଷ୍ଟ୍ରରେ ଶିବସେନା ଏବଂ ପଞ୍ଜାବରେ ଶିରୋମଣି ଅକାଳୀ ଦଳ ଯଥାକ୍ରମେ ୨୦୧୯ ଓ ୨୦୨୦ ଛାଡ଼ିଛନ୍ତି। ବିଜେପି ନିଜ ପ୍ରତିପକ୍ଷରେ କହିଛି ଯେ ଦଳ କ୍ୟାବିନେଟ୍ ପଦ ଦେବା ସମେତ ବୁଝାମଣା ବଜାୟ ରଖିଛି, କିନ୍ତୁ ସହଯୋଗୀ ଦଳମାନେ ଓହରିଯିବାକୁ ପସନ୍ଦ କରିଛନ୍ତି।
ବର୍ତ୍ତମାନ ରଦ୍ଦ ହୋଇଥିବା କୃଷି ଆଇନ ପ୍ରସ୍ତୁତ କରିବା ପୂର୍ବରୁ ଏସଏଡିକୁ ସାଙ୍ଗରେ ନ ନେବା ଭଳି ସହଯୋଗୀ ଦଳର ଇଚ୍ଛାକୁ ପାଳନ ନ କରିବା ଭଳି ‘ବଡ଼ ଭାଇ’ ଭୂମିକାପାଳନ କରୁନଥିବା ଅଭିଯୋଗ ହୋଇଛି। ବିଜେପି ଦକ୍ଷିଣ ରାଜ୍ୟଗୁଡ଼ିକରେ ଏଆଇଏଡିଏମକେ, ଜେଡିଏସ୍ ଏବଂ ଜନସେନା ଭଳି ନୂଆ ସହଯୋଗୀ ଦଳ ଯୋଡ଼ିଛି। ମହାରାଷ୍ଟ୍ରରେ ଏକନାଥ ସିନ୍ଦେଙ୍କ ନେତୃତ୍ୱାଧୀନ ଶିବସେନାର ଏକ ଗୋଷ୍ଠୀ ଏବଂ ଅଜିତ ପାୱାରଙ୍କ ନେତୃତ୍ୱାଧୀନ ଏନସିପିର ଏକ ଗୋଷ୍ଠୀ; ଏବଂ ଗତ କିଛିବର୍ଷ ମଧ୍ୟରେ ହରିୟାଣାରେ ଜନନାୟକ ଜନତା ପାର୍ଟି। ଟିଡିପି ପୁଣି ଥରେ ଏନଡିଏରେ ସାମିଲ ହୋଇପାରେ ବୋଲି ଏବେ କଳ୍ପନାଜଳ୍ପନା କରାଯାଉଛି, ଯଦିଓ ଏପର୍ଯ୍ୟନ୍ତ କୌଣସି ପକ୍ଷ କୌଣସି ବିବୃତି ଦେଇନାହାଁନ୍ତି।
ମହାରାଷ୍ଟ୍ର ଓ ପଞ୍ଜାବ ଏବଂ କର୍ଣ୍ଣାଟକରେ ଗତବର୍ଷ ରାଜ୍ୟ ନିର୍ବାଚନରେ ପରାଜୟ ବରଣ କରିଥିବା ବିଜେପି ତା’ର ପୂର୍ବ ସହଯୋଗୀଙ୍କଠାରୁ ଭୋଟ ହାତେଇବାକୁ ଆଶା ରଖିଛି। କର୍ଣ୍ଣାଟକରେ ବିରୋଧୀ ଦଳ ଥାଇ ମଧ୍ୟ ସମସ୍ତ ୨୮ଟି ଲୋକସଭା ଆସନ ଜିତିବାକୁ ଚାହୁଁଥିବା କର୍ଣ୍ଣାଟକରେ ପୂର୍ବତନ ମନ୍ତ୍ରୀ ଲକ୍ଷ୍ମଣ ସାବଦି ଏବଂ ଖଣି ବ୍ୟବସାୟୀ ତଥା ପୂର୍ବତନ ମନ୍ତ୍ରୀ ଜି ଜନାର୍ଦ୍ଦନ ରେଡ୍ଡୀଙ୍କ ସମେତ ନେତାମାନେ ପ୍ରତ୍ୟାବର୍ତ୍ତନ କରିପାରନ୍ତି ବୋଲି ଚର୍ଚ୍ଚା ହେଉଛି। ଗତବର୍ଷ ନିର୍ବାଚନ ପୂର୍ବରୁ ଉଭୟ ନେତା ଦଳ ଛାଡ଼ିଥିଲେ।
ଏହି ପରିପ୍ରେକ୍ଷୀରେ ଜେଡିୟୁ ସହ ବିଜେପିର ସମ୍ଭାବ୍ୟ ପୁନର୍ମିଳନକୁ ଆଭ୍ୟନ୍ତରୀଣ ଭାବରେ ଏକ ରାଜନୈତିକ ଉପଯୁକ୍ତ ପଦକ୍ଷେପ ଭାବରେ ଦେଖାଯାଉଛି ଯାହା ଉଭୟ ୨୦୨୪ ନିର୍ବାଚନ ଏବଂ ଏକ ବର୍ଷ ପରେ ରାଜ୍ୟ ନିର୍ବାଚନରେ ଅନୁକୂଳ ପ୍ରଭାବ ପକାଇପାରେ। ବିହାର ଭଳି ରାଜ୍ୟରେ ନିର୍ବାଚନ ଜିତିବା ପାଇଁ ଜାତି ହିଁ ଚାବିକାଠି। ବିକାଶ ପ୍ରତି ଭୋଟରଙ୍କ ପ୍ରତିକ୍ରିୟାରେ ଆଖିଦୃଶିଆ ପରିବର୍ତ୍ତନ ଆସିଥିଲେ ହେଁ ଜାତିଗତ ହିସାବର ଭୟାବହତାକୁ ଅସ୍ୱୀକାର କରାଯାଇପାରିବ ନାହିଁ। ଏପରିକି ୨୦୨୦ରେ ପଣ୍ଡିତମାନେ ଅନ୍ୟାନ୍ୟ ପୂର୍ବାନୁମାନ କରିବା ସତ୍ତ୍ୱେ ଆମ ମେଣ୍ଟ ୧୨୫ଟି ଆସନ (୨୪୩ଟି ଆସନରୁ) ଜିତିଥିଲା ବୋଲି ନାମ ଗୋପନ ରଖିବା ସର୍ତ୍ତରେ ଜଣେ ଦ୍ୱିତୀୟ ନେତା କହିଛନ୍ତି।
