ଭୁବନେଶ୍ବର: ଇନଫର୍ (ଇଣ୍ଡିଆ) ପ୍ରାଇଭେଟ୍ ଲିମିଟେଡ୍ ମାୟୋପିଆ (ସମୀପଦୃଷ୍ଟି) ପରିଚାଳନାକୁ ସୁଦୃଢ଼ କରିବା ପାଇଁ ନିଜର ପ୍ରତିବଦ୍ଧତାକୁ ଦୋହରାଇବା ସହିତ ଏଲଭିପିଇଆଇ ନେଟୱାର୍କ ମଧ୍ୟରେ ଚତୁର୍ଥ “ଇନଫର୍ ମାୟୋପିଆ ସେଣ୍ଟର” ଖୋଲିବାରେ ସହାୟତା କରିଛି।
ଭୁବନେଶ୍ୱରର ମିଥୁ ତୁଳସୀ ଚନରାଇ କ୍ୟାମ୍ପସରେ ଥିବା ଏହି ଅତ୍ୟାଧୁନିକ କେନ୍ଦ୍ର ଓଡ଼ିଶାର ଶିଶୁ ଓ ଯୁବବର୍ଗଙ୍କ ପାଇଁ ବିସ୍ତୃତ ମାୟୋପିଆ ପରିଚାଳନା ସେବା ପ୍ରଦାନ କରୁଥିବା ପ୍ରଥମ ଉତ୍ସର୍ଗୀକୃତ କେନ୍ଦ୍ର ଅଟେ। ୧୦ ନଭେମ୍ବର, ୨୦୨୪ ରେ ଏଲ୍ ଭି ପ୍ରସାଦ ଚକ୍ଷୁ ପ୍ରତିଷ୍ଠାନର ଉପାଧ୍ୟକ୍ଷ ତଥା ବିଶିଷ୍ଟ ଚକ୍ଷୁରୋଗ ବିଶେଷଜ୍ଞ ଡା. ତାରା ପ୍ରସାଦ ଦାସ ଏହି କେନ୍ଦ୍ରକୁ ଉଦଘାଟନ କରିଥିଲେ।
ଉଦଘାଟନୀ ଉତ୍ସବରେ ଇନଫର୍ (ଇଣ୍ଡିଆ) ପ୍ରାଇଭେଟ୍ ଲିମିଟେଡର ବରିଷ୍ଠ ଉପାଧ୍ୟକ୍ଷ ରଙ୍ଗାସ୍ୱାମୀ ପୋଥୁଲା ଏବଂ ମୋହନ ବନାଲା ଆଭାସୀ ଭାବରେ ଯୋଗ ଦେଇଥିଲେ। ଇନଫର୍-ଏଲଭିପିଇଆଇ ମଧ୍ୟରେ ଚାରି ବର୍ଷର ସଫଳ ସହଭାଗିତା ୨୦୨୦ ରେ ତେଲେଙ୍ଗାନାର ହାଇଦ୍ରାବାଦରେ ଇନଫର୍ ମାୟୋପିଆ ସେଣ୍ଟର ଶୁଭାରମ୍ଭରୁ ଭିତ୍ତି ପଡ଼ିଥିଲା। ଏହା ପରେ ୨୦୨୨ରେ ଆନ୍ଧ୍ରପ୍ରଦେଶର ବିଜୟୱାଡ଼ାରେ ଦ୍ୱିତୀୟ ଏବଂ ୨୦୨୪ ରେ ଆନ୍ଧ୍ରପ୍ରଦେଶର ବିଶାଖାପାଟଣାରେ ତୃତୀୟ ସେଣ୍ଟର ଖୋଲିଥିଲା।
ଏମଟିସି କ୍ୟାମ୍ପସ ମୁଖ୍ୟ ଡାକ୍ତର ଶ୍ରୀକାନ୍ତ କୁମାର ସାହୁ, ଶିଶୁ ଚକ୍ଷୁ ରୋଗ ବିଭାଗର ମୁଖ୍ୟ ଡାକ୍ତର ବିବେକ ୱାରକଡ଼ ଏବଂ ଏଲଭିପିଇଆଇର ମାୟୋପିଆ ଇନିସିଏଟିଭ୍ ର ମୁଖ୍ୟ ଡାକ୍ତର ପବନ ଭେର୍କିଚାର୍ଲା ପ୍ରମୁଖ ଏହି ଅଭିଯାନର ନେତୃତ୍ୱ ନେଇଥିଲେ। ଫାକଲ୍ଟି ଅପ୍ଟୋମେଟ୍ରିଷ୍ଟ ଶୁଭସ୍ମିତା ଦାଶ ଏହି ସେଣ୍ଟରର ନେତୃତ୍ୱ ନେବେ ଏବଂ ଓଡ଼ିଶାର ଲୋକମାନେ ଏହାର ସୁଫଳ ପାଇବା ସୁନିଶ୍ଚିତ କରାଇବେ।
