ନୂଆଦିଲ୍ଲୀ: ବିହାରରେ ଦ୍ୱିତୀୟ ପର୍ଯ୍ୟାୟ ମତଦାନ ପୂର୍ବରୁ ଏଡିଆର ଦ୍ୱାରା ପ୍ରକାଶିତ ଏକ ରିପୋର୍ଟରେ କୁହାଯାଇଛି ଯେ, ୧୨୨ଟି ଆସନରେ ପ୍ରତିଦ୍ୱନ୍ଦ୍ୱିତା କରୁଥିବା ୧,୨୯୭ ପ୍ରାର୍ଥୀଙ୍କ ମଧ୍ୟରୁ ଜନ ସୂରାଜର ପ୍ରାର୍ଥୀମାନେ ସବୁଠାରୁ ଦାଗୀ ଅଛନ୍ତି। ତଥାପି ବହୁଜନ ସମାଜ ପାର୍ଟି, ରାଷ୍ଟ୍ରୀୟ ଜନତା ଦଳ, ଭାରତୀୟ ଜନତା ପାର୍ଟି, ଜନତା ଦଳ ୟୁନାଇଟେଡ୍, ଆମ ଆଦମୀ ପାର୍ଟି, ଭାରତୀୟ ଜାତୀୟ କଂଗ୍ରେସ, ସିପିଆଇ ଏବଂ ସିପିଆଇ(ଏମ୍) ମଧ୍ୟ ପଛରେ ନାହାନ୍ତି।
ରିପୋର୍ଟ ଅନୁଯାୟୀ, ଜନ ସୂରାଜ ପାର୍ଟିର ୧୧୭ ପ୍ରାର୍ଥୀଙ୍କ ମଧ୍ୟରୁ ୫୧ (୪୪%), ବହୁଜନ ସମାଜ ପାର୍ଟିର ୯୧ ପ୍ରାର୍ଥୀଙ୍କ ମଧ୍ୟରୁ ୧୨ (୧୩%), ଆରଜେଡିର ୭୦ ପ୍ରାର୍ଥୀଙ୍କ ମଧ୍ୟରୁ ୨୭ (୩୯%), ବିଜେପିର ୫୩ ପ୍ରାର୍ଥୀଙ୍କ ମଧ୍ୟରୁ ୨୨ (୪୨%), ଜେଡି(ୟୁ)ର ୪୪ ପ୍ରାର୍ଥୀଙ୍କ ମଧ୍ୟରୁ ୧୧ (୨୫%), ଆପର ୩୯ ପ୍ରାର୍ଥୀଙ୍କ ମଧ୍ୟରୁ ୧୨ (୩୧%), କଂଗ୍ରେସର ୩୭ ପ୍ରାର୍ଥୀଙ୍କ ମଧ୍ୟରୁ ୨୦ (୫୪%), ଲୋକ ଜନଶକ୍ତି ପାର୍ଟି (ରାମବିଳାସ)ର ୧୫ ପ୍ରାର୍ଥୀଙ୍କ ମଧ୍ୟରୁ ୯ (୬୦%), ସିପିଆଇ(ଏମ୍ଏଲ)(ଏଲ୍)ର ୬ ପ୍ରାର୍ଥୀଙ୍କ ମଧ୍ୟରୁ ୪ (୬୭%), ସିପିଆଇର ୪ ପ୍ରାର୍ଥୀଙ୍କ ମଧ୍ୟରୁ ୨ (୫୦%), ଏବଂ ସିପିଆଇ(ଏମ୍)ର ୧ ପ୍ରାର୍ଥୀଙ୍କ ମଧ୍ୟରୁ ୧ (୧୦୦%) ସେମାନଙ୍କ ଶପଥପତ୍ରରେ ନିଜ ବିରୁଦ୍ଧରେ ଗମ୍ଭୀର ଅପରାଧିକ ମାମଲା ଘୋଷଣା କରିଛନ୍ତି।
ସବୁଠାରୁ ଧନୀ ପ୍ରାର୍ଥୀ କିଏ?
ଦ୍ୱିତୀୟ ପର୍ଯ୍ୟାୟରେ, ୫୬୨ (୪୩%) ପ୍ରାର୍ଥୀ କୋଟିପତି। ୦ ରୁ ଅଧିକ କୋଟି ଟଙ୍କାର ସମ୍ପତ୍ତି ଥିବା ପ୍ରାର୍ଥୀଙ୍କ ସଂଖ୍ୟା ୯୮ (୭.୬%), ୫ କୋଟିରୁ ୧୦ କୋଟି ମୂଲ୍ୟର ସମ୍ପତ୍ତି ଥିବା ପ୍ରାର୍ଥୀଙ୍କ ସଂଖ୍ୟା ୧୦୦ (୭.୭%), ୧ କୋଟିରୁ ୫ କୋଟି ମୂଲ୍ୟର ସମ୍ପତ୍ତି ଥିବା ପ୍ରାର୍ଥୀଙ୍କ ସଂଖ୍ୟା ୩୬୪ (୨୮.୧%), ୨୦ ଲକ୍ଷରୁ ୧ କୋଟି ମୂଲ୍ୟର ସମ୍ପତ୍ତି ଥିବା ପ୍ରାର୍ଥୀଙ୍କ ସଂଖ୍ୟା ୩୭୪ (୨୮.୮%), ଏବଂ ୨୦ ଲକ୍ଷରୁ କମ୍ ସମ୍ପତ୍ତି ଥିବା ପ୍ରାର୍ଥୀଙ୍କ ସଂଖ୍ୟା ୩୬୧ (୨୭.୮%)।
ଦଳଗତ ଦୃଷ୍ଟିରୁ, ଜନ ସୂରାଜ ପାର୍ଟି (JSP) ର ୭୪%, RJD ର ୮୪%, BJP ର ୮୩%, JDU ର ୯୧%, କଂଗ୍ରେସ ର୮୪ %, BSP ର ୩୩%, ଏବଂ ଲୋକ ଜନଶକ୍ତି ପାର୍ଟି (ରାମ ବିଳାସ) ସମସ୍ତେ କୋଟିପତି ହୋଇଛନ୍ତି।
ପ୍ରତି ଦଳୀୟ ପ୍ରାର୍ଥୀଙ୍କ ହାରାହାରି ସମ୍ପତ୍ତି ଦୃଷ୍ଟିରୁ ଜନ ସୂରାଜ ମଧ୍ୟ ଆଗରେ ଅଛି। ଜନ ସୂରାଜ ପାର୍ଟି -୫.୩୬ କୋଟି, ଆରଜେଡି – ୬.୪୯ କୋଟି, ବିଜେପି -୬.୪୦ କୋଟି, ଜେଡିୟୁ – ୯.୧୮ କୋଟି, କଂଗ୍ରେସ – ୭.୪୧ କୋଟି, ଏବଂ ଆପ ପ୍ରାର୍ଥୀଙ୍କ ହାରାହାରି ସମ୍ପତ୍ତି ୨.୧୬ କୋଟି।
ଦ୍ୱିତୀୟ ପର୍ଯ୍ୟାୟରେ ସବୁଠାରୁ ଧନୀ ପ୍ରାର୍ଥୀ:
ରଣ କୌଶଳ ପ୍ରତାପ ସିଂହ (ବିକାଶଶୀଳ ଇନସାନ ପାର୍ଟି) – ୩୬୮ କୋଟି
ନୀତୀଶ କୁମାର (ରାଷ୍ଟ୍ରୀୟ ଲୋକ ଜନଶକ୍ତି ପାର୍ଟି) – ୨୫୦ କୋଟି
ମନୋରମା ଦେବୀ (ଜେଡିୟୁ) – ୭୫ କୋଟି
ପ୍ରାର୍ଥୀଙ୍କ ଶିକ୍ଷାଗତ ଯୋଗ୍ୟତା ବିଷୟରେ, ୬୨୭ ପ୍ରାର୍ଥୀ ସ୍ନାତକ କିମ୍ବା ତଦୁର୍ଦ୍ଧ୍ୱ, ୫୨୮ ପ୍ରାର୍ଥୀ ପଞ୍ଚମରୁ ଦ୍ୱାଦଶ ଶ୍ରେଣୀ ପର୍ଯ୍ୟନ୍ତ ପାଠପଢିଛନ୍ତି, ୧୫ ପ୍ରାର୍ଥୀ ଡିପ୍ଲୋମା କରିଛନ୍ତି, ୧୧୭ ଜଣ ସାକ୍ଷର ଏବଂ ୯ ଜଣ ନିରକ୍ଷର।